Category: Suren Surenyants

Հնդկական The Sentinel-ի արտահոսքը՝ Հնդկաստանից սպառազինություն ձեռք բերելու Հայաստանի մտադրության մասին, ադբեջանական ԶԼՄ-ներին հեռուն գնացող ենթադրություններ անելու տեղիք է տվել: Հարևանները խոսում են հայ-հնդկական ռազմավարական համագործակցության հեռանկարի մասին: Ուր էր, թե Հայաստանը նման սուբեկտություն ունենար…

Գուցե ՀՅԴ-ն ակնարկում է, որ ուզում է ազատվել Քոչարյանի ճիրաններից…
🟨 Ընդդիմությունը սեպտեմբերին կգնա խորհրդարան, բայց իր օրակարգով:
Իշխան Սաղաթելյան
▪︎Այս հայտարարության միակ հասկանալի դրվագն այն է, որ ընդդիմությունը ցանկանում է վերադառնալ խորհրդարան ու դրա համար ելքեր է փնտրում:
Մնացածը քաղաքական անհեթեթություն է, որովհետև ստացվում է՝ խորհրդարանական ընդդիմությունը մեկ տարուց ավելի սպասարկել է իշխանության օրակարգը: Կամ գուցե ՀՅԴ-ն ակնարկում է, որ մեկ տարի սպասարկել է Ռոբերտ Քոչարյանի օրակարգը ու հիմա ուզում է ազատվել վերջինիս ճիրաններից…

Իրանի հոգեւոր առաջնորդը թե Էրդողանի, թե Պուտինի հետ հանդիպմանն, ըստ էության, շեշտել է, թե չի հանդուրժելու հայ- իրանական սահմանի փակումը։ Խամենեին, ըստ էության, ճիշտ է ֆիքսել այդ զգայուն հարցի հասցեատերերին, բայց հասկանալի չէ` ինչո՞ւ է Թեհրանում այսքան օրակարգային դարձվել հարցը, արդյո՞ք Սյունիքի շուրջ տեղի են ունենում նոր զարգացումներ, թե՞ այս հարցի բարձրացումը Թեհրանի համար առիթ է` Մոսկվայի ու Անկարայի հետ ավելի գլոբալ օրակարգ քննարկելու համար։

Դատավորի Մացոն Ռոբերտի ու Սերժի ժամանակ մեզ էր դատում, հիմա Նիկոլի հակառակորդներին։ Մացոն բեսպրեդելի խորհրդանիշ է։ Քանի նա դատական համակարգում է, այն լավագույն դեպքում` կարող է համեմատվել պետքարանի հետ։

Որդիս` Վահագնը, ավարտեց ծառայությունը։ Փառքով, պատվով։ Երկու տարի ամեն օր, ամեն պահ սպասել եմ բաղձալի այս պահին։
… Գլուխ եմ խորնարհում բոլոր հայրերի ու մայրերի առաջ, որոնց որդիներն այդպես էլ տուն չվերադարձան` նահատակվելով վասն հայրենյաց։ Փառք հերոս տղերքին…

«Փյունիկի» պատմական հաղթանակը
Չեմպիոնների լիգայի որակավորման առաջին փուլի պատասխան խաղում Հայաստանի չեմպիոն «Փյունիկը» արտագնա խաղում մրցեց ռումինական «Կլուժի» հետ: Հիմնական ու լրացուցիչ ժամանակում թիմերը փոխանակեցին մեկական գնդակ: 11 մետրանոց հարվածաշարերում ավելի դիպուկ էին Փյունիկի ֆուտբոլիստները:
Սա պատմական հաղթանակ է` այն իմաստով, որ «Փյունիկը» եվրոպական հեղինակավոր մրցաշարում հաղթել է կարգով բավականին ուժեղ թիմի։

Եթե չենք ուզում լրիվ մանրադրամ դառնալ…
Ռուսաստանի նախկին նախագահ, ներկայումս ԱԽ նախագահի տեղակալ Դմիտրի Մեդվեդևը նշել է Ուկրաինա ռուսասկան ներխուժման նպատակը, որն արդեն կատարվել է, այն է, որպեսզի Ռուսաստանի հետ հաշվի նստեն իրապես, ինչպես` Սովետական Միության հետ։
Մեդվեդեւի այս հայտարարությունն, իհարկե, հակադրության մեջ է մտնում ռուսական պաշտոնական մի քանի վարկածների հետ, դրանք էին` նացիզմի դեմ պայքարը, Դոնբասի ժողովրդի պաշտպանությունը եւ այլն։
Իհարկե, շատերը Մեդվեդեւի տելեգրամյան գրառումները համեմատում են Ռամզան Կադիրովի հայտարարությունների հետ, բայց այս դեպքում` Ռուսաստանի նախկին նախագահը, իմ կարծիքով, միանգամայն անկեղծ է։
Նա, ըստ էության, խոսում է նոր բազմաբեւեռ աշխարհի, Սառը պատերազմի մասին` գծագրելով նաեւ աշխարհագրական այն տարածությունը, որտեղ գործելու է ռուսական ազդեցությունը։
Կարծում եմ` պարզ է, թե Մեդվեդեւի ներկայացրած միանգամայն իրական աշխարհում որտեղ է “գծագրված” Հայաստանի տեղը։ Ու եթե չենք ուզում ամբողջովին մանրադրամ դառնալ ռուս-թուրքական հարաբերություններում, ապա օր առաջ պետք է կարգավորեք մեր հարաբերությունները Թուրքիայի ու Ադրբեջանի հետ։

Թե բա` մեզ փախստականի կարգավիճակ է պետք, որ կարողանանք վերադառնալ Շուշի ու Հադրութ։ Ախր, ես բողոքավոր այս խմբի որոշ ներկայացուցիչների հետ հանդիպել եմ ու հասկացել եմ, որ նրանցից ոմանց համար փախստականի կարգավիճակը “շենգեն վիզայի” համար “կանաչ լույս” է…