Category: Tatev Hayrapetyan

❗️8 տարվա դինամիկան մեկ րոպեում։
Կարճ այն մասին, թե ինչպես Արցախը բանակցային սեղան վերադարձնողը 8 տարվա մեջ հասավ նրան, որ ասում է՝ «գնայիր, զոհվեիր, դու խի՞ ես կենդանի, ռադդ քաշի, համբալի մեկը» և «ով որ ուզի Ղարաբաղի հարցը բացի, ինձ հետ գործ ա ունենալու» խոսույթին։
Իշխանության մնալու դեպքում Հայաստանի հարցերը Ալիևի հետ ձեռք ձեռքի տված շատ ավելի արագ են լուծելու։ Եթե դա չենք ուզում, հունիսի 7-ին գնում ենք ընտրության։

Արթուր Օսիպյանը և մյուս ընդդիմադիրները բախտավոր մարդիկ են, որ Ալիևի թեկնածուին ընդդիմանալու համար կալանքով են վճարում, մարդ կա՝ պաստառ պոկելու համար կյանքով վճարեց օրեր առաջ…
Սա ամենամարդատյաց ու հայատյաց իշխանությունն է ՀՀ պատմության մեջ…
Հունիսի 7-ին գնացեք ընտրության, որ վերջ դնենք այս բարոյազուրկ ու դաժան վիճակին։

Նիկոլ Փաշինյանը մի արատավոր, այլանդակ ու բարոյազուրկ շարք բացեց՝ «ինչո՞ւ չես զոհվել», «ինչո՞ւ ես սաղ» բառերով, նրա թիմակիցներն էլ կրկնում են այս անմարդկային, դաժան թեզը։ Սա աններելի է, սա հակամարդկային է, սա թույլատրելի չէ։ Հանրության ներկայացուցիչները, անկախ իրենց քաղաքական նախասիրություններից, պետք է հստակ արձագանք տան ու պահանջեն դադարեցնել այս հակամարդկային ու վտանգավոր խոսույթի հետագա զարգացումը։
Սա թունավոր է պետության համար։ Ո՞նց կարա «յան» ազգանունով մեկը «յան» ազգանունով մեկ այլ մարդու նման բան ասի։ Ալիևի հայատյացության դպրոցն ե՞ք ավարտել, չեմ հասկանում։ Մեկ նա է ուզում, որ շատ հայ մարդ մահանա, մեկ էլ դուք՝ ոնց նայում եմ․․․
https://t.me/aravot/61815

2 օր առաջ հոդված էի գրել, որ ներկայիս իշխանությունը 3 տարի, 4 ամիս, 25 օր նվիրել է Ալիեւին՝ Հայաստանի Հանրապետության դեմ զավթողական ծրագրեր զարգացնելու համար։ Հիմա հասկացա, որ ոչ միայն ժամանակ են նվիրել, այլ նաեւ այդ ընթացքում Ադրբեջանի զավթողական խոսույթն են սերտել, որ գան ու դա հրամցնեն հայ հանրությանը։
Շատ ուղիղ կասեմ՝ «Քանդենք պետությունը» կուսակցության՝ իշխանության մնալու դեպքում ադրբեջանական հատուկ ջոկատայինների մուտքը ՀՀ՝ դառնալու է շատ իրական:
Գալիք ընտրությունը հստակ ընտրություն է Հայաստանի՝ որպես ազգային պետության, լինել-չլինելու միջեւ։

«Գնայիր, զոհվեիր, դու խի՞ ես կենդանի, ռադդ քաշի, համբալի մեկը»։ Փաշինյանն սա այսօր ասել է Արցախի հային։ Այսինքն՝ հայ համարվող մարդը մեկ այլ հայի ասում է՝ ավելի լավ է մեռնեիր, ինձ չքննադատեիր․․․
Ես հաճախ եմ մտածում, որ ինձ էլ ոչինչ չի զարմացնի, բայց թերագնահատում եմ Փաշինյանի բարոյազրկության մակարդակը։
Նա, ըստ էության, իրոք ապրում է իր ստեղծած փուչիկի մեջ, որտեղ ինքը կինոյի տղեն է, որտեղ ամեն ինչ ընտիր է, խաղաղության ծովն էլ ծնկներից է։ Նա ունակ չէ տեսնել, հասկանալ, թե ինչ անմարդկային ցավ ու տառապանք է պատճառել հազարավոր հայերի, նրանց ընտանիքներին վերջին վեց տարվա ընթացքում։ Նա ունակ չէ մի պահ շունչ քաշել, որ հասկանա, թե ինչ ցավ է ապրում որդի կորցրած մայրը, եղբորը կորցրած քույրը, տունը կորցրած Արցախի հայը։ Նա ոչ միայն ունակ չէ գիտակցել իր պատճառած ցավի մասշտաբները, այլ նաև հարձակվում է այդ մարդկանց վրա, անում է դա անպատկերացնելի նողկալի մեթոդներով, էն որ զուտ մարդկային նայես՝ ասես՝ սա ի՞նչ է, սա ի՞նչ պահվածք է, սենց մեկին, եթե տեսնեինք փողոցում՝ իրեն պահեր կնոջ հանդեպ, ի՞նչ կանեինք․․․ Ու տենց մեկը ՀՀ վարչապետն է։ Քիչ մնա՝ կասի բոլոր ընդդիմախոսներին՝ ավելի լավ է մեռնեիք, որ ինձ չքննադատեիք։
Ես վատ, շատ վատ նորություն ունեմ Ալիևի թեկնածուի համար՝ ընդդիմախոսները չեն անհետանալու, իր պատճառած ցավը չի կորելու, իր արածը, ասածը իր առաջ դնելու են, պատասխանատվության պահը գալու է։ Եթե ինքը կտրվել է իրականությունից, դա իր ու իր թիմի խնդիրն է, եթե իրենց թվում է, թե Արցախի ու Արցախի հայերի հանդեպ էս անչափելի ատելությունն ու զազրելի բառամթերքը իր կողմը մարդկանց է գրավելու, ապա նա ուղղակի չի ճանաչում հայ հանրության մեծամասնությանը, նա ճանաչում է իր երկրպագողներին, որոնք աղմկոտ փոքրամասնություն են ընդամենը․․․
Տխուր է տեսնել, որ Ալիևի թեկնածուն իրոք մտածում էր, որ Արցախի կորուստը փառաբանելը դառնալու է իր նախընտրական «ֆիշկան», մինչդեռ այն ուղղակի մեթոդ է ի ցույց դնելու այս քաղաքական ուժի ողջ բարոյազրկությունը՝ իր անսահմանության մեջ․․․

Ամեն անգամ, երբ մտածում ես, որ սա չի կարող էլ հատակը ծակել, հասկանում ես, որ թերագնահատել ես Ալիևի թեկնածուին․․․
https://t.me/infocomm/67611

Ամեն անգամ նորովի եմ համոզվում, որ Նիկոլ Փաշինյանը խորքային ատելություն ունի Արցախի, դրա հայկական լինելու և այնտեղ ապրող, իսկ իր քաղաքականության հետևանքով էթնիկ զտման ենթարկված մեր հայրենակիցների նկատմամբ։ Ցավով պետք է ընդունեմ, որ նման վտանգավոր ատելություն ես մեկ էլ Իլհամ Ալիևի մոտ եմ տեսել։ Մոտիվները տարբեր են, բայց զգացմունքը նույնական է։ Այս հարցում ևս սինխրոն են․․․

«Սատկացնելու եմ», «կզացնելու եմ»… սա է Ալիեւի թեկնածու Փաշինյանի բառամթերքը իր քաղաքական հակառակորդների հանդեպ։
Այս մարդը ամենավտանգավոր, զզվելի կերպով է արձագանքում իրեն քննադատող ՀՀ շարքային քաղաքացիներին, որոնք ընդամենը իրեն հիշեցնում են 8 տարվա, իսկ ավելի ստույգ՝ 2020-ից ի վեր իր բերած աղետները։ Նրա՝ սպառնալիք և անձնական բնույթի հաշվեհարդար պարունակող վարքը, խոսքը չի կարող նորմալ համարվել։
Հարգելի ընդդիմադիր, Փաշինյանը ձեր ձեռքին է դնում բազմաթիվ խաղաքարտեր՝ իրեն արագորեն իշխանությունից հեռացնելու համար։ Մնում է մի քիչ խելացի և կազմակերպված գործել։
https://youtu.be/F4nIzwqfrsM?si=KQMgUPZc5__ddL-J

Նյութը՝ «Հետք» լրատվականի
❗5 տարի առաջ այս օրերին ադրբեջանական զորքերը ներխուժեցին 🇦🇲ՀՀ ինքնիշխան տարածք Գեղարքունիքի ու Սյունիքի մարզերում’ օկուպացնելով ՀՀ տարածքի մի մասն ու ռազմավարական նշանակության մի շարք բարձունքներ։
❗Հակառակորդը հաջողությունը զարգացրեց 2021-ի մայիսյան ներխուժումից 6 ամիս անց’ նույն տարվա նոյեմբերին գրավելով նոր տարածքներ ՀՀ-ից։
❗Սրան հաջորդեց 2022-ի սեպտեմբերյան հարձակումը Գեղարքունիքի, Վայոց Ձորի ու Սյունիքի ուղղությամբ։
❗2023-ի գարնանն էլ տեղի ունեցավ նոր օկուպացիա Սյունիքի Տեղ գյուղի ուղղությամբ։
‼️Այս 5 տարիների ընթացքում ադրբեջանցիները ոչ միայն հետ չեն քաշվել ՀՀ տարածքից, այլեւ ավելի են ամրացրել դիրքերը, տեղ-տեղ էլ առաջ են եկել ու բարելավել իրենց հենակետերը։
☝️ՀՀ գործող իշխանությունը չի հայտնում, թե կոնկրետ որքան տարածք է Հայաստանը կորցրել 2021-ից մինչ օրս ադրբեջանական օկուպացիաների հետեւանքով։
👉Հնչեցվում են խիստ մոտավոր թվեր, որոնք, սակայն, ըստ հայտարարողների, ներառում են օկուպացիայի ծավալները ոչ թե գործող իշխանության օրոք, այլ ՀՀ անկախությունից ի վեր։ Սա թույլ չի տալիս հասկանալ, թե ադրբեջանական շարունակական ագրեսիաների հետեւանքով որքան եւ ինչ նշանակության տարածքներ է կորցրել Հայաստանը 44-օրյա պատերազմից հետո (չմոռանանք նաեւ ՀՀ-ի նկատմամբ ագրեսիաների ժամանակ հայկական կողմի մեծաթիվ զոհերի, ինչպես նաեւ գերիների ու զոհվածների նկատմամբ ադրբեջանական վայրագությունների մասին)։
☝️«Հետքը» արբանյակային պատկերների ու քարտեզների միջոցով քարտեզագրել է Գեղարքունիքի, Վայոց Ձորի ու Սյունիքի մարզերում հայ-ադրբեջանական շփման գծի դիրքերը, եւ հակառակորդի օկուպացիայի ծավալները 2021-ից մինչ օրս։
👉Մինչ այս քարտեզագրել ենք Գեղարքունիքի Կախակն-Կուտական հատվածից մինչեւ Սյունիքի Տեղ գյուղ օկուպացիայի ծավալները։
☝️Առաջիկայում կներկայացնենք նաեւ Սյունիքի Սրաշեն-Ներքին Հանդ-Ծավ ուղղությամբ ադրբեջանական առաջխաղացումները։