Category: Vardan Voskanyan

Թեհրանում և Շիրազում անցկացված Իրանագիտության միջազգային գագաթնաժողովի կուլիսներում հնչող տարբեր լեզուների հնչողությանը ուշադրություն դարձրած՝ իրանցի լեզվաբան գործընկերներիցս մեկի հետ եմ զրուցում և լսում նրա կարծիքը հայերենի մասին՝ «Շատ մեղեդային ու ականջի համար հաճելի, բայց միևնույն ժամանակ խրոխտ լեզու է հայերենը»։
Սեփական փորձից գիտեմ, որ որևէ լեզվով խոսողը չի կարողանում գնահատել տվյալ լեզվի հնչողությունը, բայց բազմիցս եմ ինքս ինձ բռնել այն մտքի վրա, որ մեր լեզուն իրոք հզորագույն և հարուստ մի համակարգ է, իսկ մեր մեծերի կողմից դրա գրական մշակումն ու ազնվականացումն՝ ուղղակի հոյակապ։
Հայոց լեզուն իրոք վայել է արժանապատիվ, հզոր և խրոխտ ազգի ու պետության, ուստի հենց մեր մայրենին ևս պարտադրում է լինել այդպիսին, և փոխելով իրողությունները, մերժել բարբարոսական տարերքի առջև կքվելու և նվաստանալու ցանկացած «առաջարկ»։
#հավերժականՀայաստանը
#ոսկեղենիկը
🆔 @vardan_voskanyan

Արժանապատվության մեծ զգացում ես ապրում, երբ Աքեմենյանների մայրաքաղաք Պերսեպոլիսի հնավայրի տնօրենը հենց այդ հնավայրում հատուկ կանգ է առնում մոտ 2500-ամյա պատկերաքանդակներում հայերի պատկերների բացատրության վրա և գրեթե 20 երկրներից ժամանած իրանագետների մեջ միայն մենք և հույներն ենք այդ ժամանակվա ազգերից ներկա։
Հայաստանը հզոր հինավուրց ինքնություն և քաղաքակրթություն է, և նրան արժանի պետք է լինել, այլ ոչ թե համակերպվել ամոթի ու նվաստացման հետ։
#հավերժականՀայաստանը
🆔 @vardan_voskanyan

Քանի, որ շատերն են հարցնում, թե ի՞նչ է նշանակում Սևանա լճի թյուրքական Gökçä շատ ուշ հայտնված անվանումն, ապա ասեմ, որ այն թարգմանաբար պարզապես նշանակում է «Կապտավուն»՝ կազմված լինելով թյուրք. gök «երկինք; կապույտ» բառից և -çä «-ավուն» ածանցից։
Ժամանակակից ադրբեջաներենում թյուրք. gök բառի բառավերջի -k-ն քմայնացման արդյունքում ամբողջապես փոխվել է -y-ի, ուստի ունենք ադրբ. Göyçə տարբերակը։
Բավականին ուշ՝ հավանաբար Երևանի խանության ժամանակաշրջանում կամ միգուցե դրանից փոքր-ինչ առաջ հայտնված այս անվանումը մտնել է նաև այդ կազմավորման պաշտոնական փաստաթղթեր, իսկ հետագայում՝ Արևելյան Հայաստանի՝ Ռուսական կայսրությանն անցնելիս սպրդել նաև ցարական վարչակազմի պաշտոնական գրագրություն և քարտեզներ։
Ուշագրավ է, սակայն, որ նույն այդ 19-20-րդ դարասկզբի քարտեզներում զուգահեռաբար կիրառվում է լճի Севангъ տարբերակը, որը հայերեն Սևան (սկզբնապես միայն կղզու անվանումը, քանի որ լիճը առավելապես հայտնի էր հինավուրց հայկական Գեղամա կամ Գեղարքունյաց ծով անվանումով) անվանման պարսկերենի և թուրքերենի հիմքի վրա ժողովրդական ստուգաբանության արդյունքում աղճատման հետևանք է՝ բաղկացած պրսկ. سه [se] «երեք» և թյուրք. vəng «վանք, եկեղեցի» բառերից, որտեղ վերջինը փոխառված է հայերենից և մինչև հիմա էլ՝ կենդանի ադրբեջաներենում։
Բանն այն է, որ Սևանի՝ այն ժամանակ կղզում ներկայիս երկու եկեղեցուց բացի, կանգուն է եղել է ևս մեկը՝ Սբ. Աստվածածինը, որը 19-րդ դարավերջին փլուզվել է, ուստի պատահական չէ, որ հինավուրց հայկական Սևան տեղանունը պարսկերենի և թուրքերենի հիման վրա «ստուգաբանվել է»՝ որպես «Երեք վանք, Եռավանք»։
#հավերժականՀայաստանը
🆔 @vardan_voskanyan
https://postimg.cc/VrYtfnZ4

Թիկունքումս Աճարկուտ գյուղի մոտկայքի Առաքելոց վանական համալիրի 13-րդ դ. կենտրոնական եկեղեցին է։
Մեր նախնիներն այն կառուցում էին՝ երբևէ չմտածելով, թե իրենց ժառանգների մի մասը հաշտ կլինի վանքից մի քանի կիլոմետր հեռու մայրուղու կողքին ընդամենը մոտ մեկ տարի առաջ ցցված «դրոշ» հորջորջվող՝ բարբարոսական տարերքի փալասի առկայության հետ։
Չնայած մեզ պարբերաբար ներարկվող պարտվողականությանը, այսուհանդերձ Հայաստանը կրկին վեր է հառնելու, քանզի մեր նախնյաց հզոր քաղաքակրթությունը պարզապես պարտադրում է այն օծել նաև մերօրյա հաղթության փառքով։
#հավերժականՀայաստանը
🆔 @vardan_voskanyan

Քաղաքակրթական Հայաստանի այս անկյունն՝ Առաքելոց վանքն, այցելեցինք արդեն երկրորդ անգամ, բայց միևնույն է՝ մեր նախնիների մշակութային ջանքը չի դադարում զարմացնել։
Այն ժամանակ, երբ բարբարոս տարերքը միայն ոչնչացնում և ավերում էր մշակույթներ, մեր նախնիները կերտում էին այն։
Սա է քաղաքակրթական Հայաստանը, որը չի կարող և չպետք է հանձնվի բարբարոսների «բարեգթությանը», քանզի այս քաղաքակրթությունն ուղղակի պահանջում է նաև քաղաքական գերակայություն։
#հավերժականՀայաստանը
🆔 @vardan_voskanyan

Արհեստածին Ադրբեջանի մայրաքաղաք Բաքվում կազմակերպված շքերթ կոչեցյալին մեր բանակի կողմից ոչնչացված թշնամու զինուժի լուսանկարների «ծովը» փաստում է, թե ինչ խիզախությամբ են մարտնչել մեր մարտիկները վերջին պատերազմում։
Ըստ այդմ, մեզանում պատերազմը կառավարածներին ուղղված պետք է ձևակերպվի մի շատ կարևոր հարց՝ «իսկ ինչո՞ւ չհաղթեցիք այս պատերազմը», մինչդեռ հարցերը միայն պատերազմը կանխարգելելու և կանգնեցնելու մասին են։
#թշնամու_իրական_վիճակը
🆔 @vardan_voskanyan

Սևանա լճի տխրահռչակ «Գյոքչա» անվանման վերաբերյալ Բաքվի բռնապետի բարբաջանքը մեզանում իր լայն արձագանքով ուշադրությունից դուրս թողեց, ըստ իս, ավելի կարևոր մի հանգամանք։
Բանն այն է, որ Բաքվի բարբարոսական վարչախմբի պարագլուխն իր վերջին ելույթում ոչ թե պարզապես «մտքեր» էր կիսում հավաքվածների հետ, այլ ուղղակի հանձնարարական էր տալիս արհեստածին Ադրբեջանի պետական կառույցներին, հասարակական կազմակերպություններին և, այսպես կոչված, գիտնականներին ծավալել
«իրենց պատմական հողեր՝ այժմյան Հայաստան, ադրբեջանցիների վերադարձն» ապահովող գործունեություն։
Սա ուղիղ ցուցիչ է առ այն, որ թշնամին շարունակում և շարունակելու է Հայաստանի դեմ հիբրիդային պատերազմը, որովհետև նրա իրական նպատակը ոչ թե խաղաղությունն է, այլ Հայաստանի պետության՝ որպես քաղաքական գործոն ամբողջական թուլացումն ու ապամոնտաժումն է։
#թշնամու_իրական_վիճակը
🆔 @vardan_voskanyan

Մեծ տերությունները ոչինչ հենց այնպես չեն անում։
Ակներև է, որ ՀԱԵ Նոր Նախիջևանի և Ռուսաստանի թեմի առաջնորդ Եզրաս արքեպիսկոպոս Ներսիսյանի պարգևատրումն անձամբ Ռուսաստանի նախագահի կողմից անուղղակի, սակայն բավական թափանցիկ ակնարկ է ռուսական կողմի դիրքորոշման։
Եթե սրան գումարենք, որ Եզրաս Սրբազանը նաև Վեհափառի հարազատ եղբայրն է, ապա պարզ է, որ Մայր Աթոռն ունի լրջագույն արտաքին աջակից, ինչը, բնականաբար, ուժեղացնում է նրա դիրքերը այժմյան պարբերական թիրախավորման պայմաններում։
#հարափոփոխ_տարածաշրջանը
🆔 @vardan_voskanyan

Главарь варварского бакинского режима, якобы, привёл в пример российские карты начала XX века, заявив, что согласно им на современной территории Армении имеются «азербайджанские топонимы», и призвал изучать и популяризировать их.
Оставив в стороне тот факт, что в то время на Южном Кавказе вообще не существовало территории под названием «Азербайджан», предлагаю главарю варварского бакинского режима и всем его лженаучным и пропагандистским институтам популяризировать и изучить, например, этнографическую карту Бакинской губернии Российской империи 1902 года — а именно участок Апшеронского полуострова. Пусть, кроме тюркских суффиксов «-лу» и «-чи» в названиях населённых пунктов Ахмедлу и Сабунчи, попробуют найти хоть какой-нибудь другой тюркский элемент. Или, кроме одной деревни под названием Туркан, пусть найдут другое поселение, население которого не обозначено коричневым цветом, показывающим районы проживания кавказских персов (татов).
Так что, как говорят на современном ереванском разговорном языке, «отвалите со своими делами», ведь даже сердце искусственного Азербайджана — Апшерон с его столицей Баку — не было азербайджанским.
🆔 @vardan_voskanyan
Карта по ссылке: https://ibb.co/0VmgZ73H

Հայաստանյայց Առաքելական Սուրբ Եկեղեցու թիրախավորումը դա ծրագրված կերպով իրականացնողների համար, փառք Աստծո, առայժմ հիմնականում անպտուղ գործընթաց է, որի միակ «արդյունքն» ընդամենը նախկին մի քահանայի անցումն է թիրախավորողների կողմը և մեկ եկեղեցում անցկացված «պատարագ» կոչեցյալ «միջոցառումը»։
Առաքելական մեր սուրբ եկեղեցու եպիսկոպոսական և քահանայական դասերի, ինչպես նաև նվիրապետական չորս աթոռների միջև որևէ պառակտում տեղի չի ունեցել։
Ոչ միայն չի նվազել, այլ նաև, կարծում եմ՝ ավելացել է Մայր Աթոռին հանրային աջակցությունը, քանզի այն հանդիսանում և դիրքավորվում է ոչ թե որպես բացառապես կրոնական, այլ նաև ազգային հաստատություն՝ ընդ որում, համահայկական մակարդակում փաստացիորեն միակը, որը պահպանում է Արցախի ազգային-հոգևոր բացառիկ կառուցակարգը՝ վտարանդության մեջ գտնվող թեմը։
Արդյո՞ք սա նշանակո՞ւմ է, թե պետք է հանգստանալ և դադարել աշխատել առկա մարտահրավերները կառավարելու և չեզոքացնելու ուղղությամբ։ Բնականաբար ոչ, քանզի հենց Սուրբ Էջմիածնում ամփոփված Ներսես Ե Աշտարակեցի կաթողիկոսի շիրմաքարին փորագրված «Պաշտպան Հայրենյաց» բնորոշումն այսօր վերաբերում է ողջ Մայր Աթոռին, իսկ միլիոնավոր հայորդիների հայացքը գամված է հենց Սուրբ Էջմիածնի խաչալույս գմբեթներին։
#հավերժականՀայաստանը
🆔 @vardan_voskanyan