Blog

ՀՀ վարչապետ Նիկոլ Փաշինյանի խոսքով՝ 2026 թվականի հունիսի 7-ի խորհրդարանական ընտրությունների արդյունքը պատմական է, քանի որ այն վերաձևակերպում է Հայաստանի Հանրապետության գործառութային նշանակությունը։

«2026 թվականի հունիսի 7-ին Հայաստանի Հանրապետության ժողովուրդը քվեարկել է «Իրական Հայաստանի» գաղափարախոսության օգտին։ Ընտրությունների այս արդյունքը պատմական է, որովհետև վերաձևակերպում է Հայաստանի Հանրապետության գործառութային նշանակությունը»,- ԱԺ-ում Կառավարության ծրագիրը ներկայացնելիս ասաց Նիկոլ Փաշինյանը։

Նրա խոսքով՝ «Իրական Հայաստանի» գաղափարախոսությունն արձանագրում է, որ Հայաստանի Հանրապետության գործառութային միակ նշանակությունը միջազգայնորեն ճանաչված 29 հազար 843 քառակուսի կիլոմետր տարածքում իր քաղաքացիների համար խաղաղություն, ազատություն, անվտանգություն և բարեկեցություն ապահովելն է, քաղաքացիների երջանկության համար միջավայր և էկոհամակարգ ստեղծելը, ժողովրդի ինքնությունը պահպանելն ու զարգացնելը։

«Հենց այսպիսի պետության ու տեսլականի օգտին են քվեարկել Հայաստանի Հանրապետության քաղաքացիները 2026 թվականի հունիսի 7-ին, և այս տեսլականն է, որ անվանում ենք Չորրորդ Հանրապետություն»,- նշեց վարչապետը։

Փաշինյանի խոսքով՝ Չորրորդ Հանրապետության ձևավորումն արդեն փաստ է։

«Կարող ենք արձանագրել, որ Չորրորդ Հանրապետությունը հիմնադրված է, այն իրականություն է»,- ասաց նա։

Ղազախստանի ԿԸՀ քարտուղար Շավհաթ Ուտեմիսովը հրապարակել է օգոստոսի 23-ին կայացած միապալատ խորհրդարանի՝ Քուրուլթայի պատգամավորների ընտրությունների քվեարկության նախնական արդյունքները։
Ինչպես հաղորդում է «Արմենպրես»-ը՝ վկայակոչելով Kazinform-ը, քվեարկությանը մասնակցել է 9 351 539 քաղաքացի, որը կազմում է ընտրելու իրավունք ունեցողների 74,08 տոկոսը։
Նախնական տվյալների համաձայն՝ «Әділет» («Ադիլեթ») կուսակցությունը ստացել է 6 528 948 ձայն կամ 71,17 տոկոս։ Համազգային սոցիալ-դեմոկրատական կուսակցության օգտին քվեարկել է 469 058 ընտրող՝ 5,11 տոկոսը։
«Байтақ» («Բայթաք») կանաչների կուսակցությունը ստացել է 97 751 ձայն կամ 1,07 տոկոս, իսկ Ղազախստանի ժողովրդական կուսակցությունը՝ 285 395 ձայն կամ 3,11 տոկոս։
«Ауыл» («Այուլ») կուսակցության օգտին քվեարկել է 574 621 մարդ՝ 6,26 տոկոսը։ Ղազախստանի «Ақ жол» («Աք ժոլ») դեմոկրատական կուսակցությունը ստացել է 478 083 ձայն կամ 5,21 տոկոս, իսկ Respublica կուսակցությունը՝ 509 631 ձայն կամ 5,56 տոկոս։
Ընտրողների 2,51 տոկոսը քվեարկել է բոլոր թեկնածուների և կուսակցությունների դեմ։
Սրանք առաջին խորհրդարանական ընտրություններն են հուլիսի 1-ին նոր Սահմանադրության ուժի մեջ մտնելուց ի վեր։ Նոր Սահմանադրությամբ երկպալատ խորհրդարանից անցում է կատարվել միապալատ խորհրդարանի։
Ընտրվելու է խորհրդարանի 145 անդամ։