«Ոսկե ծիրան» միջազգային 22-րդ կինոփառատոնի տնօրեն և գեղարվեստական ղեկավար Կարեն Ավետիսյանն ասում է՝ ֆիլմերի ընտրությունը հիմնված է գեղարվեստական արժեքի և աշխարհի զարկերակին համահունչ լինելու վրա։
«Վերջին տարիները դրական իմպուլսներ չեն հաղորդում, և այդ նյարդային լարվածությունը արտացոլվում է նաև փառատոնային էկրանին»։
Փառատոնի այս տարվա պատվավոր հյուրը Ամիր Նադերին է, Իրանի հետհեղափոխական կինոյի վարպետներից։ Մյուս անվանի հյուրն է էլի իրանցի Ջաֆար Փանահին՝ հեղինակային կինոյի չորս առաջատար փառատոնների՝ Կաննի, Վենետիկի, Բեռլինի և Լոկառնոյի գլխավոր մրցանակակիր․ Փանահին միակ ռեժիսորն է, որն ունի այդ բոլոր մրցանակները։
«Թեմատիկ հավաքագրումը ինքնանպատակ չէ, բայց երբ ձեռքդ պահում ես զարկերակին, ակամայից այդպես է ստացվում։ Իրանական անկյունը, իսրայելական ոչ պրոիշխանական ուղղվածությունը՝ Նադավ Լապիդի դիսիդենտական ֆիլմը, վկայում են այդ բազմազանության մասին»,- ասում է փառատոնի տնօրենը։
Ամփոփելով զրույցը փառատոնի տնօրենը ասում է՝ տարածաշրջանում, հետխորհրդային երկրներում չունենք ավելի լավ փառատոն․ եթե լավագույնը չենք, ապա ոչ մեկին չենք զիջում։
🎦զրույցն ամբողջությամբ
Leave a Reply