Category: Sputnik Armenia

«Նուբարաշենի աղբավայրը դանդաղ գործողության ռումբ է։ Դրա գոյությունը բնապահպանական ու առողջական տասնյակ խնդիրներ առաջացնող օջախ է, որը պետք է փակվի»։

Ասուլիս ❓․ Sputnik Արմենիայի մուլտիմեդիոն մամուլի կենտրոնում «Ազգային առաջընթաց» խմբակցության Երևանի ավագանու անդամ, բժշկական գիտությունների թեկնածու, բնապահպան Քրիստինե Վարդանյանի ասուլիսն էր՝ բնապահպանական հարցերի շուրջ։

«Բյուջեի միջոցները ոչ թե պետք է Լոպեսով տուրիզմը զարգացնելու համար ծախսվեն, այլ պետք է ծախսվեն նման տիպի ֆունդամենտալ աշխատանքների վրա, այսինքն՝ պետք է գտնել միջազգային բնապահպանական կազմակերպություններ, որոնք դոնոր կհանդիսանան և կմիջամտեն այս հարցի լուծմանը, միջազգային գործընկերներ, այլ տնտեսվարողներ և նաև մեր երկրի բիզնեսին ներգրավել։ Կարծում եմ, որ ցանկության դեպքում այս հարցը կարելի է լուծել»։

🎦 ասուլիսն ամբողջությամբ
♥️@RadioSputnikArm | LIVE 106.0FM

««Գինու զբոսաշրջիկը» պարտադիր չի, որ գինի խմի․ կարող է գալ քո երկիր, որ, օրինակ, օդապարիկով թռչի խաղողի դաշտերի վրայով, այգիներում ձիավարությամբ զբաղվի, ճաշի այգիներում։ Եվ կարող է ընդհանրապես գինի չխմել»։

«Ուրիշ նորություններում» Հայաստանի էնոտուրիզմի խորհրդի համահիմնադիր և ստեղծագործական տնօրեն, Enofest և EnoTalks Armenia փառատոնի համահիմնադիր Լիլիթ Գրիգորյանը խոսել է օգոստոսի 15-ից մեկնարկող Գինու օրերի մասին, որակյալ գինու ու գների, իրական հայկական գինեգործության ու էժան դարակաշարերի գինիների մասին։

«Ունենք քիչ խաղող, պետք է ստանանք շատ որակով գինի ու մրցակցենք որակով, բարձր սեգմենտի թանկ գինիների հետ»։

Լիլիթ Գրիգորյանը խոսել է նաև գինեգործության համաշխարհային խնդիրներից, օրինակ՝ քովիդից հետո ալկոհոլային խմիչքների սպառումն է նվազել, գլոբալ տաքացման պատճառով՝ խաղողի այգիները․

«Գլոբալ տաքացումները շատ վատ են անդրադառնում համաշխարհային խաղողագործության վրա։ Ֆրանսիայում, Իտալիայում շատերը հանում են այգիները տեղափոխում են ավելի բարձրադիր, ցուրտ գոտիներ»։

🎦զրույցն ամբողջությամբ
♥️@RadioSputnikArm | LIVE 106.0FM

Ասուլիս ❓․ Թրամփ-Փաշինյան-Ալիև եռակողմ պայմանավորվածություններն ու Վաշինգտոնում ստորագրված փաստաթղթերն ի՞նչ հետևանքներ կունենան Հայաստանի և ընդհանրապես տարածաշրջանի համար; ինչպիսի՞ն կլինի քաղաքական աշունը Հայաստանում:
Sputnik Արմենիա մուլտիմեդիոն մամուլի կենտրոնում իր կանխատեսումներն է ներկայացրել քաղաքական վերլուծաբան Սուրեն Սուրենյանցը։
▫️«Փաշինյանը Վաշինգտոնից փորձում էր պոկել հենց այն փաստաթուղթը, որը խաղարկելու է ներքաղաքական գործընթացներում, փորձելու է դիրքավորվել որպես խաղաղության օրակարգի կրող և հակառակը՝ փորձելու է թիրախավորել բոլոր ընդդիմախոսներին՝ նրանց ներկայացնելով որպես խաղաղության հակառակորդներ»։
▫️«Փաշինյանը Վաշինգտոնում ստացավ «քարտ բլանշ» նոր ռեպրեսիաների համար»։
▫️«Քաղաքական դաշտում այս աշնանը վերադասավորումներ կլինեն, նոր ընդդիմադիր դաշինքներ կձևավորվեն»։
▫️«Աշնանն արդեն կուրվագծվեն այն 4-5 հիմնական ուժերը, որոնք հայտ կներկայացնեն խորհրդարանական ընտրություններում։ Ընդդիմության ծանրակշիռ ուժերն են լինելու երկրորդ և երրորդ նախագահների թիմերը, Սամվել Կարապետյանի ձևավորած նոր ուժը»։
▫️«Արտահերթ ընտրությունների անցկացումը գրեթե բացառում եմ․ թե՛ իշխանությունը, թե՛ ընդդիմությունն ավելի շուտ հերթական ընտրությունների են նախապատրաստվում»։
🎦 ասուլիսն ամբողջությամբ
♥️@RadioSputnikArm | LIVE 106.0FM

««Սյունիքի միջանցքը», անկախ դրա անուններից, հակասում է ԵԱՏՄ հիմնական սկզբունքներին»։

Տնտեսագետ Հայկ Ֆարմանյան բացատրում է՝ անկախ այդ ճանապարհի անունից, եթե Ալիևի ցանկությունն իրականություն դառնա և բեռները Սյունիքով անցնեն առանց Հայաստանի մաքսային հսկողության և ձևակերպման, ապա դա կոպտորեն կխախտի ԵԱՏՄ մաքսային տարածքի կանոնները` դրանից բխող բոլոր հետևանքներով. ընդհուպ Հայաստանի անդամակցության դադարեցումը։
Ինչ է իրենից ներկայացնելու Սյունիքով անցնող ճանապարհը, որը նույն ինքը «Զանգեզուրի միջանցքն» է, իսկ հիմա` «Թրամփի երթուղին»։ Լիանժեք տեղեկություններ դեռ չկան։ Հարցերն առայժմ ավելի շատ են, քան հստակ պատասխանները։
♥️@RadioSputnikArm | LIVE 106.0FM

«Ավտոսերվիս»․ Այս տարվա շոգին չեն դիմանում նույնիսկ ավտոմեքենաները` հալչում են հայելիներն ու այլ մասեր․ բարձր ջերմաստիճանին զգայուն են հատկապես չինական մեքենաները։
Հավորդաշարի հեղինակներ Վարդան Ալոյանն ու Արման Հակոբյանը դյուրին ելք է առաջարկում։
🎦զրույցն ամբողջությամբ
♥️@RadioSputnikArm | LIVE 106.0FM

«Абовян time»: Нынешнее обострение российско-азербайджанских отношений – не «сиюминутная обида» Баку на Москву.
Это системный процесс, подготовка к которому началась сразу же после оккупации территорий Арцаха со стороны турецко-азербайджанского тандема.
Нужно сказать, что Азербайджан достаточно хорошо подготовился к своей антироссийской роли, сформировав в российских медиа и “высоких кабинетах ” достаточно серьезную лоббистскую платформу. История с Гусманом и Марковым – это только верхушка айсберга.
История с уничтожением армянского религиозного, исторического, культурного наследия Арцаха на примере сноса памятник Ивану Айвазовскому, совершенно ненормальная реакция бакинских властей на упоминание в российских СМИ армянского названия столицы Арцаха – Степанакерт,- явно показывает, что Азербайджан не намерен сворачивать с пути русофобии.
♥️@RadioSputnikArm | LIVE 106.0FM

«Երեխաները ճարպակալում են, որովհետև ուտում են դատարկ կալորիաներ՝ մակարոն, պիցցա, խաչապուրի, կարտոֆիլ, բրինձ, սպիտակ հաց։ Խանութներում ամբողջ մարկետինգը կառուցված է այնպես, որ երեխան գնի այդ անառողջ քաղցր, աղի, ճարպոտ, արոմատիզատորներով հարուստ նյութերը․ ինչքան «աղբ» կա երեխայի աչքի մակարդակով է դրված։ Երբ երեխան դա ուտում է, իր համի զգայարանները փոխվում են, և մնացածը բնականաբար անհամ է թվում»։

Մանկապարտեզներում նոր մենյուի ու առհասարակ երեխաների սննդակարգի մասին Sputnik Արմենիան զրուցել է սննդաբան Վարդանուշ Պետրոսյանի հետ։

«Երբ երեխան անընդհատ սննդարար մթերք չի ուտում, օրինակ՝ սպիտակուցային, վիտամիններով հարուստ կաթնամթերք, միս, բանջարեղեն, օրգանիզմը կարծում է, որ սոված է։ Որովհետև, եթե նույնիսկ այդ կալորիաները չիպսերով, կոնֆետներով, մակարոնով ստանում է, միևնույն է, օրգանիզմը չի ստանում կենսական անհրաժեշտ սպիտակուցները և մտածում է, թե սոված է, ու սկսում է էներգիա հավաքել։ Իսկ էներգիան կուտակվում է ճարպի մեջ»։

Սննդաբանը նաև կողմ է երեխաների սննդակարգից թեյը բացառելուն․ «Երեխաները ոչ թե թեյ են խմում, այլ շաքարջուր․ ոչ մի երեխա առանց քաղցրի թեյ չի խմում»։
🎦զրույցն ամբողջությամբ
♥️@RadioSputnikArm | LIVE 106.0FM

«Իրանի համար Սյունիքի հարցը ոչ միայն քաղաքական, այլ նախևառաջ անվտանգության հարց է, և դրանով զբաղվելու է ոչ թե դիվանագիտական կամ քաղաքական ղեկավարությունը, այլ հենց ուժային բլոկը»։

«Աբովյան Time» պոդկաստի հեղինակ Արման Աբովյանի զրուցակիցը APRI Armenia վերլուծական կենտրոնի գիտաշխատող, պատմական գիտությունների թեկնածու Սերգեյ Մելքոնյանն է։

Երբ տանք այսպես կոչված «միջանցքը», մենք կտանք կարևոր խաչմերուկ, որը ներկայացվում է՝ իբր Հայաստանն է դառնում կենտրոն։ Սակայն դա կեղծ պատկեր է։ Արդեն սկսվել են աշխատանքներ Կարս-Նախիջևան երկաթուղու կառուցման ուղղությամբ. Թուրքիան ելքը դեպի Կենտրոնական Ասիա պատկերացնում է ոչ թե Հայաստանի, այլ հենց Նախիջևանի տարածքով։ Նրանց պատկերացրած երթուղին հետևյալն է՝ Կարս – Նախիջևան – Մեղրի – Հորադիզ – Բաքու։ Այսինքն՝ այն չի անցնում Կարս – Գյումրի – Երևան – Երասխ – Նախիջևան – Մեղրի – Բաքու երթուղով։ Եվ եթե ճանապարհը անցնում է միայն Սյունիքի 40 կմ-ով, ապա այն դառնում է ոչ թե Հայաստանի, այլ Նախիջևանի ճանապարհ։ Նշանակում է՝ Հայաստանը չի դառնում տարածաշրջանային կենտրոն, ինչպես փորձում են ներկայացնել։ Կենտրոնը դառնում է Նախիջևանը, որովհետև հենց նրա տարածքով է անցնում կապի հիմնական ուղին։

🎦զրույցն ամբողջությամբ
♥️@RadioSputnikArm | LIVE 106.0FM

«Մեր տունը հեծանիվի վրա է». Արև Լալայանը՝ ամուսնու հետ շուրջերկրյա ճամփորդության մասին
Արև Լալայանը հեծանվային ճանապարհորդող է, ով երեք տարվա ընթացքում ամուսնու հետ միասին ճանապարհորդել է շուրջ 30 երկիր՝ հաղթահարելով 28,000 կմ և 900 օր ճանապարհ։ Ճամփորդությունը սկսել են Գերմանիայից, որտեղ և ծանոթացել է ապագա ամուսնու հետ, այնտեղից հասել է Հայաստան՝ հարազատ տուն, որից հետո շարունակել են դեպի Իրան, Կենտրոնական ու Հարավարևելյան Ասիա՝ Թայլանդ, Լաոս, Վիետնամ, Չինաստան, Հարավային Կորեա, և հասել Ճապոնիա։

«Յուրաքանչյուր հեծանիվի վրա կար վեց պայուսակ, և դրանց մեջ մեր տունն էր։ Մենք մեր ունեցվածքը վաճառել էինք, նվիրել, մնացածը դրել հեծանիվների վրա ու գնացել աշխարհը բացահայտելու»,- ասում է Արևը։

Ճանապարհին եղել են նաև դժվարություններ, հատկապես Թուրքմենստանում, բարձր լեռնային շրջաններում՝ Պամիրում, որտեղ ամռանը գիշերը ջերմաստիճանը հասնում էր -10 աստիճանի։

«Ես հավատում եմ, որ յուրաքանչյուր մարդ նույնը չէ, ինչ նախորդ օրը։ Այս ճամփորդությունից հետո զգում եմ, որ գերագույն աճ եմ ապրել որպես մարդ, ընդլայնվել են իմ մտավոր և ֆիզիկական սահմանները։ Փորձառությունը մի կրթություն է տալիս, որը հնարավոր չէ ձեռք բերել ակադեմիական կրթությամբ»։

🎦զրույցն ամբողջությամբ
♥️@RadioSputnikArm | LIVE 106.0FM