Ալիևի հայտարարությունները գալիս են հաստատելու Ադրբեջանի զավթողական ծրագրերն ու Ա…

Ալիևի հայտարարությունները գալիս են հաստատելու Ադրբեջանի զավթողական ծրագրերն ու Ադրբեջանի համառությունն այս հարցում։ Նախ, շատ կարևոր է շեշտել, որ նա Գիտությունների ազգային ակադեմիայում էր ելույթ ունենում։ Բոլորը ֆիքսվեցին Սևանի թեմայի վրա, բայց նա ադրբեջանցի «գիտնականներին», բացի Սևանի թեմայից, շատ ավելի կարևոր ուղերձ տվեց՝ ասելով. «Դուք պետք է մեր ճշմարտությունը պարտադրեք բոլորին»։
Ինքը հասկանում է, որ իր ասածը չունի փաստական հենք, պատմական որևէ հիմնավորում։ Այդ ամբողջը զրոյից հորինված կոնցեպտ է։ Ոչ մի պատմաբան ու ոչ մի քարտեզագետ այսօր չի կարող սեղանին դնել մի քարտեզ, որտեղ Հայաստանի Հանրապետության տարածքը երբևէ կոչվել է «Արևմտյան Ադրբեջան»։ Փոխարենը՝ կարող ենք սեղանին դնել քարտեզներ, որտեղ «Ադրբեջան» տարածքը չի կոչվել «Ադրբեջան»։ Այլ խոսքերով՝ եթե գանք պատմական բանավեճերի դաշտ, Ադրբեջանը շատ բարդ իրավիճակում կհայտնվի։ Դա փաստ է։
Ամբողջական հարցազրույցը՝ https://www.youtube.com/watch?v=-lo1CzRnte0&t=1s