Հայաստանի վարչապետ Նիկոլ Փաշինյանի և Ամերիկայի Միացյալ Նահանգների փոխնախագահ Ջեյ Դի Վենսի երևանյան հանդիպման ընթացքում քննարկվել է նաև Բաքվում ապօրինի անազատության մեջ գտնվող հայերի հարցը։ «Արմենպրես»-ի փոխանցմամբ՝ այս մասին Փաշինյանը հայտնեց Հանրային հեռուստաընկերությանը տված հարցազրույցում։
«Երեկ Միացյալ Նահանգների փոխնախագահի հայտարարությունների մեծ մասն արդեն իսկ տնտեսական էր, քան թե քաղաքական, սա նշանակում է, որ օգոստոսի 8-ի հայտարարությունը հաջողություն է արձանագրել։ Մենք չխոսեցինք սահմանային վիճակի մասին, մենք չխոսեցինք ռեգիոնալ լարվածության մասին, դա նշանակում է, որ չկա օրակարգում այդպիսի հարց։ Իհարկե, օրակարգում կան կոնֆլիկտի կամ հետկոնֆլիկտային վիճակի հետ կապված հարցեր։ Բոլոր դեպքերում են այդ հարցերը քննարկվում։ Մասնավորապես՝ անազատության մեջ գտնվող մեր հայրենակիցների հարցը»,- ասաց Փաշինյանը։
Վարչապետը նշեց՝ Բաքվում պահվող հայերի հարցը դեռ օգոստոսի 8-ին է արծարծվել Հայաստան-Միացյալ Նահանգներ քննարկումներում։
«Հարցը եղել է օրակարգում և հարցը քննարկվել է օրակարգում։ Գործնականում վերաբերելի այդպիսի բանակցություն չկա, որ այդ հարցին չանդրադառնանք»,- ընդգծեց Փաշինյանը։
«Երեկ Միացյալ Նահանգների փոխնախագահի հայտարարությունների մեծ մասն արդեն իսկ տնտեսական էր, քան թե քաղաքական, սա նշանակում է, որ օգոստոսի 8-ի հայտարարությունը հաջողություն է արձանագրել։ Մենք չխոսեցինք սահմանային վիճակի մասին, մենք չխոսեցինք ռեգիոնալ լարվածության մասին, դա նշանակում է, որ չկա օրակարգում այդպիսի հարց։ Իհարկե, օրակարգում կան կոնֆլիկտի կամ հետկոնֆլիկտային վիճակի հետ կապված հարցեր։ Բոլոր դեպքերում են այդ հարցերը քննարկվում։ Մասնավորապես՝ անազատության մեջ գտնվող մեր հայրենակիցների հարցը»,- ասաց Փաշինյանը։
Վարչապետը նշեց՝ Բաքվում պահվող հայերի հարցը դեռ օգոստոսի 8-ին է արծարծվել Հայաստան-Միացյալ Նահանգներ քննարկումներում։
«Հարցը եղել է օրակարգում և հարցը քննարկվել է օրակարգում։ Գործնականում վերաբերելի այդպիսի բանակցություն չկա, որ այդ հարցին չանդրադառնանք»,- ընդգծեց Փաշինյանը։
Թողնել պատասխան