Հայոց ցեղասպանության թանգարան-ինստիտուտի տնօրեն Էդիտա Գզոյանն ազատման դիմում գրել է, սակայն դիմումի հաստատման վերաբերյալ իրավական ակտ դեռ չկա։
«Էդիտա Գզոյանն ազատման դիմում գրել է, բայց ո՛չ ազատման վերաբերյալ է պաշտոնական որևէ բան հայտնի, ո՛չ ուրիշի նշանակման մասին։ Իրավական ակտ, որ այս անձն ազատվեց, մեկ այլ անձ նշանակվեց, չկա»,-«Արմենպրես»-ի հետ զրույցում հայտնեցին թանգարան-ինստիտուտից։
Ավելի վաղ լուրեր էին տարածվել այն մասին, որ Հայոց ցեղասպանության թանգարան-ինստիտուտի տնօրեն Էդիտա Գզոյանն աշխատանքից ազատման դիմում է գրել, իսկ մարտի 11-ին լուրեր տարածվեցին այն մասին, որ նրա փոխարեն թանգարան-ինստիտուտի տնօրենի ժամանակավոր պաշտոնակատար է նշանակվել ՀՀ վարչապետ Նիկոլ Փաշինյանի աշխատակազմի արտաքին կապերի վարչության նախկին պետ Հրաչյա Թաշչյանը։
Թողնել պատասխան