Ռազմաքաղաքական վերլուծաբան Դավիթ Հարությունովի կարծիքով՝ այն, ինչ տեղի է ունենում Մերձավոր Արևելքում, ավելի լոկալացված տարբերակով մի քանի անգամ դրսևորվել է նախկինում, երբ հակամարտության ներկա փուլին նախորդել են մոդելային մի քանի փուլեր։
«Արմենպրես»-ի հետ զրույցում Դավիթ Հարությունովն անդրադարձել է մերձավորարևելյան հակամարտության նկարագրին՝ նշելով մասշտաբային այդ կոնֆլիկտի հիմնական բնութագրիչներն ու կիրառվող սպառազինությունների առանձնահատկությունները։
«Արմենպրես»-ի հետ զրույցում Դավիթ Հարությունովն անդրադարձել է մերձավորարևելյան հակամարտության նկարագրին՝ նշելով մասշտաբային այդ կոնֆլիկտի հիմնական բնութագրիչներն ու կիրառվող սպառազինությունների առանձնահատկությունները։
«2025 թվականի իսրայելա-իրանական փոխադարձ հարվածները, Եմենի հութիների կողմից իրականացված հրթիռակոծումները նախանշեցին ներկայիս հակամարտության հիմնական ուղղվածությունը։ Պարզապես այս օրերին տեղի ունեցող հակամարտության գլխավոր առանձնահատկությունը դրա մասշտաբայնությունն է ու տարածականությունը։ Յուրահատուկ է նաև Իրանի ռազմական գործողությունների էֆեկտիվությունը, քանի որ ի սկզբանե ԱՄՆ-ն ու Իսրայելը կանխորոշում էին հնարավորինս արագ և կարճ ժամկետներում հասնել լիակատար հաջողության, ինչը տեղի չունեցավ։ Իսրայելական կողմը հիմնվել է Իրանին հասցված նախկին հարվածների փորձի վրա, ուստի կարծում էր, որ այս անգամ ևս կհասներ ցանկալի արդյունքի»,- նշեց Հարությունովը։
Թողնել պատասխան