Հայաստանյան փորձը միջազգային հարթակում․ «Դպրոցական սնունդ» ծրագիրը դարձել է կայա…

Հայաստանյան փորձը միջազգային հարթակում․ «Դպրոցական սնունդ» ծրագիրը դարձել է կայացած նախաձեռնություն, որը միջազգային հանրությանը ներկայացվում է որպես լավագույն օրինակ։ Փորձի փոխանակման նպատակով Հայաստան են ժամանել մի շարք միջազգային գործընկերներ՝ իրականացվող միջոցառումների շրջանակում ծրագրին ծանոթանալու և հայաստանյան փորձը իրենց երկրներում կիրառելու նպատակով։
Այցի շրջանակում հայկական կողմը ներկայացրել է, թե ինչպես «Դպրոցական սնունդ» ծրագիրը ՄԱԿ-ի Պարենի համաշխարհային ծրագրի (ՊՀԾ) աջակցությամբ կյանքի կոչվելուց հետո անցում կատարեց դեպի պետականորեն ֆինանսավորվող և կառավարվող մոդել։ Պետական տնօրինման անցնելու այս փորձառությունը օրինակելի և ուշադրության արժանի է թե՛ տարածաշրջանում, թե՛ դրանից դուրս։