«Արմենպրես»-ի փոխանցմամբ՝ մայիսի 22-ին լրագրողների հետ ճեպազրույցի ընթացքում, պատասխանելով հարցին, Փաշինյանն ասել է, որ իր գիտակցական կյանքում առաջին անգամը, երբ դադարել է ամեն օր աղոթել, եղել է 2020 թվականի նոյեմբերի 8-ից հետո։
«Դրանից հետո երկարատև ծոմ եմ պահել, մեկ շաբաթ ո՛չ հաց եմ կերել, ո՛չ էլ ջուր եմ խմել։ Եթե դուք հարցնում եք իմ էմոցիաների մասին, դրանք են եղել իմ էմոցիաները։ Բայց հետո սկսել եմ մտածել՝ ի՞նչ է տեղի ունեցել և ինչո՞ւ։ Եվ քայլ-քայլ հասկացել եմ, որ Հայաստանը ղարաբաղյան շարժմամբ դրվել է թակարդի մեջ, և այդ թակարդից պետք է դուրս գալ։ Ես ուրախ և հպարտ եմ, որ ինձ հաջողվել է Հայաստանը դուրս բերել այդ թակարդից։ Էմոցիան կապված է ուրիշ բանի հետ, որ ես տեսնում եմ, որ այսօր որոշ մարդիկ, լրտեսական գործունեության տրամաբանության մեջ, Հայաստանն ուզում են հետ տանել կոնֆլիկտի թակարդի մեջ»,- ասել է նա։
Փաշինյանը հավելել է, որ ինքն էմոցիոնալ մարդ է, այդպիսին է եղել նաև լրագրող և ընդդիմադիր պատգամավոր եղած ժամանակ։
«Այո, ես էմոցիոնալ մարդ եմ, նորությո՞ւն է ձեզ համար։ Ես ընդդիմադիր պատգամավոր լինելու ժամանակ, լրագրող լինելու ժամանակ էմոցիոնալ չե՞մ եղել։ Ընդհանրապես մարդն էմոցիոնալ է, ես չեմ պատկերացնում մարդ՝ առանց էմոցիայի։ Առանց էմոցիայի մարդը կա՛մ տախտակ է, կա՛մ քյարփինջ է։ Ցավոք սրտի, մենք քաղաքական դաշտում տեսնում ենք այդպիսի բութ գործիքներ, որոնք օգտագործվում են տարբեր ուժերի կողմից»,- հայտարարել է Նիկոլ Փաշինյանը։
Նա նշել է, որ հետո վերականգնել է իր աղոթքները և նաև այդ առիթով է սկսել սաղմոսներ սովորել, որովհետև հոգևոր դատարկությունը լցնելու անհրաժեշտություն է ունեցել։
Նիկոլ Փաշինյանի ճեպազրույցը. ՈՒՂԻՂ
ARMENPRESS NEWS AGENCY
Հետևեք մեզ
Facebook — https://www.facebook.com/armenpress
Telegram — https://t.me/armenpress
Արմենպրեսի պաշտոնական կայք — https://armenpress.am/
Թողնել պատասխան