Հայաստանի հակակոռուպցիոն կոմիտեի և ՀՀ ՆԳՆ ոստիկանության ծառայողների կողմից իրականացված միջոցառումների արդյունքում փաստական տվյալներ են ստացվել առ այն, որ «Բարգավաճ Հայաստան» կուսակցության պատգամավորի թեկնածուն նույն կուսակցության համակիրների և այլ անձանց հետ Ազգային ժողովի ընտրություններին իրենց կուսակցության օգտին քվեարկելու պայմանով Վայոց ձորի մարզի մի խումբ բնակիչների տվել է ընտրակաշառք:
Կոմիտեի տարածած հաղորդագրության մեջ ընդգծվում է, որ հիշյալ կուսակցության համակիրները նաև նույն մարզի մի շարք բնակիչների նյութապես շահագրգռել են, որպեսզի վերջիններս մասնակցեն նշված կուսակցության կողմից Երևան քաղաքում 2026 թվականի հունիսի 4-ին անցկացվող հավաքին:
Հաղորդագրությանը կից Հակակոռուպցիոն կոմիտեն նաև ձայնագրություն է հրապարակել։
Դեպքի առթիվ ՀՀ հակակոռուպցիոն կոմիտեում նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ։
https://cdn4.telesco.pe/file/9a1ad9d967.mp4?token=PhXnSo7xFKtwqpNMSbMoR6cO1ljxaghOu5df9mewfYbRdyoE2NiUnonUYVmS0tc1O_tsgwGpdhB-mGIi4qx0SrDICdDiaZb7X8uF8Qv26FeOcWlKxVHrZ4oxr74fK_niMT1SHpiSnOPSBirw-FNOYiie8u6z3YXyMRKB8VdVPe-nGhBG9ejo1fT-SSJMaePz7WgVTBKEx1MCcbQNwNcQXEyAxevlPyhPq61wxADQ9AoO6YkWPy0qyT5ZkX3m9ZGhVmT_SFCELSoJQBO9ya7_kOT0phz74HOTBcffoRKhXgnH-rLkXm9OmSbAtr7Vh3zcmXa1etnzLE6ITz_N7wZVnA
Թողնել պատասխան