Վերջին տարիներին սքրինինգային ծրագրերը մի շարք հիվանդությունների պարագայում դարձել են կարևոր օղակ՝ կանխարգելման և վաղ ախտորոշման հարցում. այսօր արդեն մի շարք սքրինինգային ծրագրեր հասանելի են նաև Առողջության համընդհանուր ապահովագրության շրջանակում: Ներառված են ինչպես մանկական, այնպես էլ մեծահասակների մի շարք հիվանդությունների, այդ թվում՝ քաղցկեղի վաղ հայտնաբերման նպատակով երեք սքրինինգային ծրագրերը՝ արգանդի պարանոցի, կոլոռեկտալ և կրծքագեղձի քաղցկեղի վաղ հայտնաբերում: «Արմենպրես»-ի հետ զրույցում Առողջության համընդհանուր ապահովագրության հիմնադրամի սքրինինգային ծրագրերի կառավարման գծով գլխավոր տնօրենի խորհրդական Անի Ալավերդյանը նշեց, որ կոլորռեկտալ քաղցկեղի սքրինինգային ծրագիրն այս պահին դեռ հասանելի չի, այն հասանելի կլինի մինչև տարվա վերջ: «Այս պահին հանրապետության ամբողջ տարածքում հասանելի են կրծքագեղձի և արգանդի պարանոցի քաղցկեղի սքրինինգային ծրագրերը։ Սքրինինգը նախնական հետազոտության փուլն է, որին, անհրաժեշտության դեպքում, հաջորդում են լրացուցիչ հետազոտությունները, իսկ խնդրի հայտնաբերման դեպքում՝ բուժումը։ Այս ամբողջ շղթան ամբողջությամբ իրականացվում է Առողջության համընդհանուր ապահովագրության շրջանակում»,- մանրամասնեց նա։
Վերջին տարիներին սքրինինգային ծրագրերը մի շարք հիվանդությունների պարագայում դարձել են կարևոր օղակ՝ կանխարգելման և վաղ ախտորոշման հարցում. այսօր արդեն մի շարք սքրինինգային ծրագրեր հասանելի են նաև Առողջության համընդհանուր ապահովագրության շրջանակում: Ներառված…
Թողնել պատասխան