Author: Suren Surenyants

Ելույթ ԲՀԿ Աբովյանի նախընտրական հանրահավաքում
https://youtu.be/fQv7aT7D_Uo?si=fWUL_G8GcCWpJrxD

Թեժ պոդքաստ
https://www.youtube.com/live/iLL_K0r-Z_c?si=k0ZiSUb8naJPwPRg

Հերթական հետաքրքիր եթերը Իմնեմնիմիի եթերում
https://www.youtube.com/live/CUNnuOTwIbI?si=0sKGgTeWoPp0pMFM

Նիկոլ Փաշինյանի քաղաքականության հետևանքով՝ Հայաստանը դարձել է պրոքսի պատերազմի տարածք:
168TV-ին հարցազրույցի ամբողջական տարբերակը՝ https://youtu.be/eayV_ZvKzrg?si=YgI75Tpo7tTLxVeo

Ժողովուրդը պետք է որոշի՝ ընտրո՞ւմ է Տապանը՝ իր արժանապատվության խորհրդով, թե՞ Ալիևի մեջլիսի ծաղրածուին:
24TV-ի հարցազրույցի ամբողջական տարբերակը՝ https://youtu.be/DfWxMThYk9k?si=CZ2vKKzUp-f4Uqfc

Արայիկ Հարությունյանը շատ լավ գիտի, որ շուտով հայտնվելու է իզգոյի կարգավիճակում ու դրանով են պայմանավորված նրա վայրահաչոցները Գագիկ Ծառուկյանի դեմ:
LiveNews-ի հարցազրույցի ամբողջական տարբերակի հղումը՝ https://www.youtube.com/live/41atEs4X4MI?si=7ImytKLEpZRskebC

Կարճ՝ Եվրոպական քաղաքական համայնքի երևանյան գագաթնաժողովի մասին.
● այն ձևակերպեց, որ Հայաստանում սկսվում է պրոքսի պատերազմ(առայժմ տեղեկատվական մակարդակում) ԵՄ-ի և Ռուսաստանի միջև: Դրա «գաղափարական» հիմքերը ձևակերպեց Մակրոնը՝ իր ցինիկ ելույթներով,
● որևէ կերպ չնպաստեց Հայաստանի եվրաինտեգրմանը. ԵՄ-ի օրակարգում չկա և չի կարող լինել Հայաստանի անդամակցության հարց,
● այս գագաթնաժողովը ոչ թե Հայաստանի ժողովրդավարությանը, այլ Նիկոլ Փաշինյանի իշխանության վերարտադրությանն աջակցելու մասին էր,
● հերթական անգամ ի ցույց դրվեց հայ-ադրբեջանական հարաբերությունների կարգավորման գործընթացի հիմքում դրված նվաստացուցիչ մոդելը. Ալիևը Արցախի ժողովրդին մեղադրեց «սեպարատիզմի» մեջ, Արցախի ռազմաքաղաքական ղեկավարությանն անվանեց «պատերազմական հանցագործներ», ինչին ի պատասխան լսեց Նիկոլ Փաշինյանի շողոքորթ հայտարարությունը՝ 2028-ին Բաքվում հյուրընկալվելու մասին:

Զելենսկիին հրավերը թիկունքից հարված է մեզ ազգային արժանապատվությանը
Ես նախորդիվ անդրադարձել եմ Ուկրաինայի նախագահ Վլադիմիր Զելենսկիի երևանյան այցի հնարավոր բացասական հետևանքներին, մասնավորապես հայ- ռուսական հարաբերությունների կտրվածքով:
Բայց Ուկրաինայի նախագահին հրավերը Երևան խոցելի է բազմաթիվ այլ գործոններով ևս:
Դա թիկունքից հարված է մեզ ազգային արժանապատվությանը:
Գագաթնաժողովից ընդամենը մի քանի օր առաջ Զելենսկին Բաքվում նոր ռազմական գործարքներ կնքեց Ալիևի հետ, շնորհավորեց նրան «տարածքային ամբողջականության վերականգնման» կապակցությամբ և համաձայնվեց զենքի համատեղ արտադրությանը։
Չնայած այս ամենն ունի նաև պատմական հետագիծ:
Սա այն նույն Ուկրաինան է, որն, ըստ ԱՄՆ Սենատում հնչեցված փաստերի, դեռ 2020 թվականին Ադրբեջանին մատակարարում էր արգելված ֆոսֆորային զինամթերք, ինչով թշնամին Արցախում սպանում էր մեր տղաներին, այրում գյուղեր, ոչնչացնում և հաշմանդամ դարձնում խաղաղ բնակիչներին։
Պատվով ընդունել այն մարդուն, ով գրկախառնվում է Ալիևի հետ և, ըստ էության, համերաշխ է Հայաստանի դեմ ուղղված նրա ագրեսիվ օրակարգին, 19–23 հայերի գերեվարելու և խոշտանգելու նրա քաղաքականությանը, նշանակում է ուրանալ մեր ազգային, պետական շահերը:
Քանի դեռ մեր հայրենակիցները դանդաղ ոչնչացվում են Բաքվի բանտերում, Ալիևի ընկերոջ և դաշնակցի հետ գրկախառնվելը ողջերի դավաճանություն է և նահատակների հիշատակի անարգանք։

Արայիկի քինախնդիր վախերը
ՀՀ վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում հրապարակել է Լեհաստանի և Հայաստանի վարչապետներ Դոնալդ Տուսկի և Նիկոլ Փաշինյանը համատեղ լուսանկարը՝ արված Եվրոպական քաղաքական համայնքի գագաթնաժողովի սկզբում:
«Եռագլուխ հրեշի մի գլխի՝ Գագիկ Ծառուկյանի ընկեր Լուկաշենկոն ասում էր՝ куда вы (Армения) денетесь? Էս սրտիկներն իր ու իր ընկերոջ համար են»,- կից գրել է Հարությունյանը:
Մարդը կարող է լինել մանկամիտ ու քինախնդիր: Դա անձնական խնդիր է: Բայց երբ նման որակներով մեկը պետական կառավարման համակարգում բարձրաստիճան պաշտոն  է զբաղեցնում, դա արդեն ոչ թե անձնական, այլ՝ պետական մասշտաբի ողբերգություն է։
Ու ինչքան էլ բովանդակային այս ոչնչությունները «եվրոպական հանդերձանք» հագնեն, դա ամենևին, բնավ չի ծածկում նրանց բարոյական սնանկությունը, քաղաքական դատարկությունը, մանրախնդիր քինախնդրությունը:
Եթե Արայիկի պատկերացումները, ֆանտազիան «դդումային» շրջանակը հաղթահարելու պոտենցիալ ունենային, նրա մոտ բանականությունը կհաղթեր գյադայական պրիմիտիվ քինախնդրությանը:
Բայց նա գիտի, որ ՀԱՕԿ-ի ու սպորտի գործերին պետական փնթի միջամտության հետևանքով՝ շուտով իզգոյ է դառնալու հենց պատկան միջազգային կառույցների արձագանքի, սանկցիաների հետևանքով:
Հենց սա է պատճառը, որ Արայիկ Հարությունյանը մի հերոսի անուն գիտի. քնում- արթնանում է՝ Ծառուկյանի անունը անգիր արած:
Եվ իսկապես՝ куда вы денетесь?
Շատ շուտով կստանաք մեր ժողովրդի քաղաքական ապտակը, իսկ մեր լուզեր հերոսը՝ նաև միջազգային մարզական կառույցների «սիրալիր ողջույնը»: