Category: Aravot

🗳️ 2/6 տեղամասում վերահաշվարկից հետո ավելացել են «Հայաստան» դաշինքի և «Բոլորին դեմ եմ»-ի քվեները
2/6 ընտրատեղամասում իրականացված վերահաշվարկի արդյունքում 12 անվավեր քվեաթերթիկից 2-ը ճանաչվել է վավեր։ Դրանց հաշվարկով մեկական ձայն ավելացել է «Հայաստան» դաշինքին և «Բոլորին դեմ եմ» տարբերակին։
Ընտրատարածքային հանձնաժողովը հայտնել է, որ տվյալ տեղամասում այլ խախտումներ կամ անճշտություններ չեն արձանագրվել։
aravot.am | @aravot

🗳️ «Փաշինյանը չի ընտրվել վարչապետ, իշխանությունն այլևս լեգիտիմ չէ»․ Լևոն Զուրաբյան
ՀԱԿ փոխնախագահ Լևոն Զուրաբյանը հայտարարել է, որ ընտրությունների ընթացքում արձանագրվել են լուրջ խախտումներ, այդ թվում՝ զինվորականների ուշ քվեարկություն, հոսանքազրկումներ, զանգվածային ձերբակալություններ և վիճակագրական անոմալիաներ։
Զուրաբյանի գնահատմամբ՝ այս հանգամանքները հիմք են տալիս պնդելու, որ ընտրությունների արդյունքները չեն արտացոլում քաղաքացիների իրական կամարտահայտությունը։
aravot.am | @aravot

🌍 DEM կուսակցությունը շնորհավորել է Նիկոլ Փաշինյանին
Թուրքիայի քրդամետ DEM կուսակցության ղեկավարները շնորհավորել են Նիկոլ Փաշինյանին՝ ընտրություններում հաղթանակի կապակցությամբ՝ նշելով, որ Հայաստանի քաղաքացիները ընտրություն են կատարել հօգուտ խաղաղության, կայունության և ժողովրդավարության։
Ուղերձում նաև հույս է արտահայտվել, որ Հայաստանի խաղաղության քաղաքականությունը կնպաստի տարածաշրջանային համագործակցությանը։
aravot.am | @aravot

🎭 «Ախթամարը» «Թամարի» տեսքով եկավ բալետ
Երևանյան բալետային 4-րդ միջազգային փառատոնի շրջանակում ներկայացվել է «Թամար» բալետային ներկայացումը, որի հիմքում ընկած է «Ախթամար» հայտնի լեգենդը։ Բեմադրությունը համաշխարհային պրեմիերա է․ երաժշտության հեղինակը կոմպոզիտոր Վալերի Տոլստովն է, իսկ բեմադրիչը՝ խորեոգրաֆ Իլյա Ժիվոյը։
Ժիվոյը բարձր է գնահատել հայ արտիստների աշխատանքը՝ նշելով, որ մենապարողներն «ուղղակի գանձեր են», իսկ փառատոնի կազմակերպչական մակարդակը, բեմական ու տեխնիկական լուծումները համապատասխանում են միջազգային չափանիշներին։
aravot.am | @aravot

🗳️ «Մանդատների հարցով քաղաքական որոշում չունենք, սպասում ենք ընտրության ամփոփ արդյունքներին»․ Գոհար Մելոյան
«Ուժեղ Հայաստան» դաշինքի անդամ Գոհար Մելոյանը հայտարարել է, որ այս փուլում մանդատներ վերցնելու կամ չվերցնելու վերաբերյալ քաղաքական որոշում դեռ չկա։ Նրա խոսքով՝ նախ անհրաժեշտ է ավարտել վերահաշվարկներն ու ճշգրտել ընտրության վերջնական արդյունքները։
Մելոյանն ընդգծել է, որ արձանագրված խախտումների ծավալը մեծ է, իսկ վերջնական արդյունքները կարող են ազդել մանդատների բաշխման և ապագա քաղաքական գործընթացների վրա։ Նա նաև պնդել է, որ ընտրական գործընթացում եղել են լուրջ խախտումներ, որոնք, իրենց գնահատմամբ, ազդել են քաղաքացիների կամարտահայտության վրա։
aravot.am | @aravot

📰 «Armat Media»-ի խմբագրությունը շարունակում է մնալ փակ, բողոքարկվում է դատարանի որոշումը
«Armat Media»-ի խմբագիր Աղավնի Սուքիասյանի խոսքով՝ խմբագրության գործունեությունը շարունակում է խաթարված մնալ․ աշխատակիցներին չեն վերադարձվել անձնական հեռախոսներն ու տեխնիկան, իսկ խմբագրության տարածքը դեռ կապարակնքված է։
Նա նշել է, որ փաստաբաններն արդեն սկսել են դատարանի որոշման բողոքարկման գործընթացը, մինչդեռ խմբագրությունն այժմ աշխատում է հեռավար՝ աշխատակիցների անձնական համակարգիչների միջոցով։
aravot.am | @aravot

🗳️ ««Ուժեղ Հայաստան»-ից մոտ 700 մարդ է ձերբակալվել և կալանավորվել»․ Գոհար Մելոյան
«Ուժեղ Հայաստան» դաշինքի ներկայացուցիչ Գոհար Մելոյանը հայտարարել է, որ ընտրական գործընթացի ընթացքում իրենց ուժի շուրջ 700 անդամներ ենթարկվել են ձերբակալությունների և կալանավորումների։
Նրա խոսքով՝ եղել են նաև դեպքեր, երբ քաղաքացիներին ժամերով զրկել են փաստաբանի հասանելիությունից, իսկ գործընթացը ուղեկցվել է վարչական և իրավապահ ճնշումների մասին բազմաթիվ ահազանգերով։
aravot.am | @aravot

🗳️ «Հունիսի 14-ին ունենալու ենք իդեալական արդյունքներ»․ Վահագն Հովակիմյան
ԿԸՀ նախագահ Վահագն Հովակիմյանը հայտարարել է, որ ընտրական գործընթացների վերահաշվարկը շարունակվում է, և վերջնական արդյունքները կհրապարակվեն հունիսի 14-ին։
Նրա խոսքով՝ այս փուլում հայտնաբերված սխալները հիմնականում տեխնիկական են, իսկ վերջնական տվյալները լինելու են ճշգրիտ և ամբողջական։
aravot.am | @aravot

⚖️ «Չկա որևէ հրապարակված ձայնագրության որևէ կտոր, որը կոնտեքստից կտրված կլինի»․ Արթուր Նահապետյան
Հակակոռուպցիոն կոմիտեի նախագահ Արթուր Նահապետյանը հերքել է ընդդիմության պնդումները, թե կոմիտեի հրապարակած ձայնագրությունները մոնտաժված կամ կոնտեքստից կտրված են։ Նա հավաստիացրել է, որ բոլոր գաղտնալսումներն իրականացվել են բացառապես դատարանի թույլտվությամբ, և հարցաքննված հարյուրավոր անձանցից որևէ մեկը չի հերքել ձայնագրությունների իսկությունը։
Նահապետյանը հայտնել է, որ ընտրակաշառքի հարցով կոմիտեում կա շուրջ 115 քրեական վարույթ, որոնցից 54 անձի վերաբերյալ գործերն արդեն մեղադրական եզրակացությամբ ուղարկվել են դատարան։ Բացահայտումները վերաբերում են երեք քաղաքական ուժերի՝ ԲՀԿ-ին, «Ուժեղ Հայաստան» և «Հայաստան» դաշինքներին։
aravot.am | @aravot_

⚖️ «Չկա որևէ հրապարակված ձայնագրության որևէ կտոր, որը կոնտեքստից կտրված կլինի»․ Արթուր Նահապետյան
Հակակոռուպցիոն կոմիտեի նախագահ Արթուր Նահապետյանը հերքել է ընդդիմության պնդումները, թե կոմիտեի հրապարակած ձայնագրությունները մոնտաժված կամ կոնտեքստից կտրված են։ Նա հավաստիացրել է, որ բոլոր գաղտնալսումներն իրականացվել են բացառապես դատարանի թույլտվությամբ, և հարցաքննված հարյուրավոր անձանցից որևէ մեկը չի հերքել ձայնագրությունների իսկությունը։
Նահապետյանը հայտնել է, որ ընտրակաշառքի հարցով կոմիտեում կա շուրջ 115 քրեական վարույթ, որոնցից 54 անձի վերաբերյալ գործերն արդեն մեղադրական եզրակացությամբ ուղարկվել են դատարան։ Բացահայտումները վերաբերում են երեք քաղաքական ուժերի՝ ԲՀԿ-ին, «Ուժեղ Հայաստան» և «Հայաստան» դաշինքներին։
aravot.am | @aravot_