Category: Aravot

🗳️ Ինչո՞ւ է Արամ Սարգսյանը ցանկանում զրկել «Ուժեղ Հայաստան»-ին ընտրապայքարից
ԿԸՀ-ն արտահերթ նիստում քննարկել է «Հանրապետություն» կուսակցության նախագահ Արամ Սարգսյանի դիմումը՝ «Ուժեղ Հայաստան» դաշինքի գրանցումը չեղարկելու վերաբերյալ։
Դիմումում նշվում է, որ դաշինքի կողմից առկա են ընտրակաշառքի, ընտրողների գույքային շահագրգռման և այլ հնարավոր խախտումների վերաբերյալ տեղեկություններ, ինչպես նաև հարցեր են բարձրացվել դաշինքի առաջնորդի՝ քաղաքացիության պահանջներին համապատասխանության շուրջ։
aravot.am | @aravot

🗳️ Ընտրություններին մասնակցող քաղաքական ուժերի լիդերները գնահատում են քարոզարշավի ընթացքը
Լռության օրվանից առաջ մի շարք քաղաքական ուժերի առաջնորդներ ամփոփել են քարոզարշավի արդյունքները։ Նրանք նշել են, որ ընտրողները հնարավորություն են ստացել ավելի լավ ծանոթանալ քաղաքական ուժերի ծրագրերին և դիրքորոշումներին։
Քաղաքական գործիչները կոչ են արել քաղաքացիներին մասնակցել հունիսի 7-ի ընտրություններին՝ ընդգծելով, որ դրանց արդյունքը կարևոր է երկրի ապագայի, պետականության և քաղաքական զարգացման տեսանկյունից։
aravot.am | @aravot

❗️❗️ «Ուժեղ Հայաստանի» աջակիցները հավաքվում են ԿԸՀ-ի մոտ
Քաղաքական ուժի հայտարարությունից տեղեկանում ենք՝ 23․00-ին կլինեն հանձնաժողովի շենքի մոտ։

🚨 Կեսգիշերին «Ուժեղ Հայաստան»-ի թեկնածուների կալանավորման հարցն է քննարկվելու
Գլխավոր դատախազ Աննա Վարդապետյանը դիմել է ԿԸՀ՝ «Ուժեղ Հայաստան» կուսակցության պատգամավորի թեկնածուների նկատմամբ քրեական հետապնդում հարուցելու և ազատությունից զրկելու համաձայնություն ստանալու համար։
Խոսքը վերաբերում է Վահե Թավաքալյանին, Հայկ Ավագյանին, Վահե Եղիազարյանին, Արթուր Աբրահամյանին, Աշոտ Սահակյանին և Սուսան Բադոյանին։ Հարցը կքննարկվի ԿԸՀ նիստում հունիսի 6-ին՝ ժամը 00:15-ին։
aravot.am | @aravot

‼️ Ժողովրդավարության նկատմամբ ոտնձգություն, այն էլ ընտրություններից 2 օր առաջ․ Արման Թաթոյան
«Միասնության թևեր» կուսակցության վարչապետի թեկնածու Արման Թաթոյանը հայտարարել է, որ «Ուժեղ Հայաստան» դաշինքին ընտրություններին մասնակցելու հնարավորությունից զրկելու ցանկացած որոշում կլինի անօրինական, հակասահմանադրական և ժողովրդավարության դեմ ուղղված քայլ։
Նա նշել է, որ նման քայլը կսահմանափակի քաղաքացիների ընտրական իրավունքը և կոչ է արել հունիսի 7-ին ակտիվ մասնակցել ընտրություններին։

📌 Ռուբինյան․ «Վենդետա լինելու է, բոլոր գործակալները հատ առ հատ նստելու են»
Երևանի Հանրապետության հրապարակում ՔՊ-ի նախընտրական հանրահավաքի ժամանակ ՔՊ պատգամավորի թեկնածու Ռուբեն Ռուբինյանը հայտարարել է, որ 2018 թվականին տրված խաղաղության խոստումը, իր գնահատմամբ, իրականացվել է։
Ռուբինյանը նաև նշել է, որ նախկինում խոստացված «վենդետա չի լինելու» մոտեցման հարցում սխալվել են՝ հայտարարելով, որ «բոլոր գործակալները հատ առ հատ նստելու են»։
aravot.am⁠ | @aravot⁠