Category: Aravot

#Բիզնես
📊ԶՊՄԿ-ի էներգետիկ ծրագիրը ներկայացվել է միջազգային գիտաժողովում
Սյունիքի մարզում ԶՊՄԿ-ի աջակցությամբ իրականացված վերականգնվող էներգետիկայի ծրագիրը ներկայացվել է «Zero Carbon Built Environment 2026» միջազգային գիտաժողովում՝ արժանանալով բարձր գնահատականի։
⁠aravot.am | @aravot

🏛️ Արցախի ԱԺ-ում քննարկում են խորհրդարանի լեգիտիմության պահպանման հարցը
Արցախի ԱԺ պատգամավոր Վահրամ Բալայանի խոսքով՝ ԱԺ նախագահ Աշոտ Դանիելյանի հրաժարականից հետո շարունակվում են քննարկումները՝ խորհրդարանի լեգիտիմությունն ու պետական ինստիտուտները պահպանելու նպատակով։ Քննարկումների մանրամասները դեռ չեն հրապարակվում։
Նա ընդգծել է, որ տարածաշրջանային զարգացումների պայմաններում կարևոր է պահպանել լեգիտիմ մարմին, որը կշարունակի ներկայացնել արցախահայության իրավունքները։
⁠aravot.am | @aravot

👶 Արսեն Թորոսյան․ Հայաստանում ծնելիությունը շարունակում է նվազել
Աշխատանքի և սոցիալական հարցերի նախարար Արսեն Թորոսյանը հայտնել է, որ Հայաստանում ծնելիությունը երրորդ տարին անընդմեջ նվազում է․ 2025-ին գրանցվել է 32 042 ծնունդ, 2024-ին՝ 33 593, իսկ 2023-ին՝ 36 590։ Նրա խոսքով՝ պատճառներից են առաջին երեխա ունենալու և ամուսնության տարիքի բարձրացումը, ինչպես նաև պտղաբերության ցուցանիշի նվազումը։
⁠aravot.am | @aravot

🇪🇺 Արմեն Իշխանյան․ «ԵՄ գործադիր մարմինների կողմից Ադրբեջանի նկատմամբ բավարար ճնշում չենք տեսնում»
Եվրոպական խորհրդարանում կայացած քննարկման ժամանակ Դավիթ Իշխանյանի որդի Արմեն Իշխանյանը հայտարարել է, որ ԵՄ գործադիր մարմինների կողմից Ադրբեջանի նկատմամբ բավարար ճնշում չի գործադրվում հայ գերիների ազատ արձակման հարցում։ Նրա խոսքով՝ գրեթե բոլոր խաղաղ գործընթացներում ռազմագերիների ազատ արձակումը առաջնային քայլ է, մինչդեռ Ադրբեջանը խուսափում է այդ պարտավորությունից։
Արմեն Իշխանյանը նաև պատմել է, որ իր հայրը մնացել էր Արցախում՝ ապահովելու բնակչության տարհանումը, սակայն հետագայում ձերբակալվել է Ադրբեջանի կողմից։ Նրա խոսքով՝ ընտանիքը շարունակում է սպասել Դավիթ Իշխանյանի վերադարձին։
⁠aravot.am | @aravot

🌍 Նարինե Դիլբարյանը՝ Ալիև-Գորդոն հարցազրույցի մասին
Հայաստանի դեմոկրատական կուսակցության փոխնախագահ Նարինե Դիլբարյանը հայտարարել է, որ Իլհամ Ալիևի և ուկրաինացի լրագրող Դմիտրի Գորդոնի հարցազրույցը ցույց է տալիս, թե ինչպես է Ադրբեջանի նախագահը կառուցում իր արտաքին քաղաքական ուղերձները։ Նրա խոսքով՝ Ալիևը Ուկրաինային հորդորել է շարունակել պայքարը և ներկայացրել Ադրբեջանի գործողությունները որպես հաջողված օրինակ։
Դիլբարյանը նաև պնդել է, որ Ալիևը հարցազրույցում հակասական ուղերձներ է հղել՝ խոսելով ինքնիշխանության պաշտպանության մասին, մինչդեռ, իր գնահատմամբ, Արցախում իրականացվել են էթնիկ զտումներ։
⁠aravot.am | @aravot

🏭 «Մուլտի Սթոունի» աշխատակիցները հրաժարվել են ճանապարհ փակելու մտադրությունից
«Մուլտի Սթոունի» աշխատակիցները հայտարարում են, որ չեն ցանկանում մասնակցել հակաօրինական գործողությունների և հրաժարվել են Սևան–Երևան մայրուղին փակելու մտադրությունից։ Նրանք նշում են, որ իրենց պահանջը մեկն է՝ իմանալ, թե երբ կվերականգնվի գործարանի աշխատանքը, քանի որ առանց աշխատանքի մնացած մարդիկ խնդիրներ ունեն վարկերի և ընտանիքների եկամուտների հետ։
⁠aravot.am | @aravot

⚖️ Ալբերտ Բազեյանը քննադատել է Գագիկ Ծառուկյանի և Սամվել Կարապետյանի նկատմամբ իրականացվող գործողությունները
Երևանի նախկին քաղաքապետ Ալբերտ Բազեյանը հայտարարել է, որ Գագիկ Ծառուկյանի և Սամվել Կարապետյանի նկատմամբ իրականացվող իրավապահ գործողությունները քաղաքական բնույթ ունեն։ Նրա խոսքով՝ ձեռնարկությունների գործունեության դադարեցումը հազարավոր մարդկանց թողել է առանց աշխատանքի և վնասում է տնտեսությանը։
⁠aravot.am | @aravot

#Բիզնես
✈️ Յունիբանկը կխաղարկի ուղևորություն դեպի Իտալիա
Յունիբանկը մեկնարկել է նոր ակցիա․ մինչև օգոստոսի 31-ը Mastercard World Travel քարտ ձևակերպած և արտերկրում առնվազն մեկ գործարք կատարած հաճախորդները կմասնակցեն երկու անձի համար 7-օրյա Իտալիայի ուղևորության խաղարկությանը։
aravot.am | @aravot

🚧 Ճամփա փակելը մոռացեք, բացառվում է, որ ճամփա փակեք. ոստիկանը՝ «Մուլտի Սթոունի» աշխատակցին
«Մուլտի Սթոունի» աշխատակիցները շարունակել են բողոքի ակցիան՝ պահանջելով հստակ պատասխաններ գործարանի աշխատանքի վերականգնման վերաբերյալ։ Նրանց խոսքով՝ դեռևս տեղեկություն չեն ստացել, թե երբ կլուծվի ստեղծված իրավիճակը։
Ակցիայի ընթացքում ոստիկանության ներկայացուցիչը հայտարարել է, որ ճանապարհ փակելու ցանկացած փորձ բացառվելու է։ Աշխատակիցները նշել են, որ այս պահին նման գործողություն իրականացնելու որոշում չունեն։
aravot.am | @aravot

🗣 Անաստաս Իսրայելյան. «Որ հայտնվել ենք այս իրավիճակում, մեղավորությունը մերն է։ Ոչ մեկին, ոչ մի երկրի ու կենտրոնների չմեղադրեք»
«Վերածնվող Արցախ» ՀԿ նախագահ Անաստաս Իսրայելյանը հայտարարել է, որ երկրում ստեղծված իրավիճակի պատասխանատվությունը, իր գնահատմամբ, առաջին հերթին հասարակության և քաղաքական ուժերի վրա է։ Նա կոչ է արել տարբեր խնդիրների շուրջ չբաժանվել առանձին խմբերի, այլ հանդես գալ միասնական։
Իսրայելյանի խոսքով՝ հասարակությունը պետք է համախմբվի ինչպես սոցիալական և քաղաքական խնդիրների, այնպես էլ արցախահայության, Բաքվում պահվող հայերի և ազգային արժանապատվության հարցերի շուրջ։
aravot.am | @aravot