Category: Aravot

🇦🇲 Տիգրան Աբրահամյան․ Բաքվի բանտերից հնչող ուղերձներում կարմիր թելով անցնում է պետականության պաշտպանության գաղափարը
ՀՀԿ գործադիր մարմնի անդամ Տիգրան Աբրահամյանը հայտարարել է, որ Բաքվի բանտերից հղվող հայ ռազմագերիների ուղերձները, թեև տարբեր են, սակայն միավորված են մեկ հիմնական գաղափարով՝ հայկական պետականության և համազգային շահերի պաշտպանության առաջնահերթությամբ։
Նրա խոսքով՝ քանի դեռ հայ գերիների ազատ արձակման հարցը չի դարձել առաջնային օրակարգ, կայուն խաղաղության մասին խոսելը վաղաժամ է՝ իրավիճակի տրամաբանական զարգացումը հաշվի առնելով։
🔗 aravot.am | @aravot

🚨 Գյումրիում 38-ամյա տղամարդու դանակահարելու կասկածանքով որոնվում է նրա ընկերը
Գյումրիում տեղի ունեցած դանակահարության հետևանքով հիվանդանոց է տեղափոխվել 38-ամյա տղամարդ՝ մարմնի տարբեր հատվածների վնասվածքներով և ձախ գոտկային շրջանի կտրած-ծակած վերքով։
Նախաքննության տվյալներով՝ նրան դանակահարելու մեջ կասկածվում է 39-ամյա մտերիմ ընկերը։ Երկու կողմերից էլ ընդունվել են հաղորդումներ, նախաձեռնվել է քրեական վարույթ, իսկ դեպքի բոլոր հանգամանքները պարզվում են քննության շրջանակում։
🔗 aravot.am | @aravot

🚨 Գյումրու «Մուշ» թաղամասում ինքնասպանություն գործած 38-ամյա տղամարդու բնակարանից հայտնաբերվել են կանեփի բույսեր և մարիխուանայի նմանվող զանգված
Գյումրիի «Մուշ» թաղամասում 38-ամյա տղամարդ է ինքնասպանություն գործել։ Դեպքի վայր ժամանած ոստիկանները բնակարանի զննության ընթացքում հայտնաբերել են 18 կանեփի բույսի ցողուն և ապակե տարաներում պահվող «մարիխուանայի» նմանվող չորացված զանգված։
Տղամարդու հայրը հայտնել է, որ հայտնաբերված բույսերն ու նյութերը պատկանել են որդուն և նախատեսված են եղել անձնական օգտագործման համար։ Դեպքի առթիվ նախաձեռնվել է քրեական վարույթ, կատարվում է նախաքննություն։
🔗 aravot.am | @aravot

🕊️ «Եվրասիա-Հայաստան»-ի կամավորները բարեկարգել են Ջանֆիդայի զինվորական հուշահամալիրը
«Եվրասիա-Հայաստան» կազմակերպության «Պատմության հետքերով» ծրագրի շրջանակում տասնյակ կամավորներ՝ դպրոցականներ, ուսանողներ և երիտասարդ ակտիվիստներ, բարեկարգել են Արմավիրի մարզի Ջանֆիդա գյուղի՝ Հայրենական մեծ պատերազմին նվիրված զինվորական հուշահամալիրը։
aravot.am⁠ | @aravot

⚡️ Նարեկ Կարապետյան․ նատրիումային մարտկոցները կարող են փոխել էներգետիկ խաղի կանոնները
«Ուժեղ Հայաստան» դաշինքի ներկայացուցիչ Նարեկ Կարապետյանը հայտարարել է, որ աղի հումքով արտադրվող նատրիումային մարտկոցների զարգացումը կարող է էական քայլ լինել էներգետիկ անկախության ուղղությամբ՝ հնարավորություն տալով կուտակել արևային էներգիան և օգտագործել այն նաև գիշերային ժամերին։
Նրա գնահատմամբ՝ այս տեխնոլոգիական առաջընթացը կարող է նվազեցնել նավթից և գազից կախվածությունը, իսկ հրապարակման վերջում նա նաև քննադատել է Հայաստանի իշխանությունների տնտեսական քաղաքականությունը։
🔗 aravot.am | @aravot

🩺 Կանանց՝ անտեսվող ցավերի մասին
Դաշտանային ցավերը հաճախ ընկալվում են որպես «սովորական» երևույթ, սակայն նոր հետազոտությունները ցույց են տալիս, որ դրանք կարող են զգալի ազդեցություն ունենալ ոչ միայն կնոջ առօրյայի, այլև նյարդային համակարգի և ուղեղի աշխատանքի վրա։ Մասնագետները նշում են, որ այս խնդիրը երկար տարիներ բավարար ուշադրության չի արժանացել, թեև վերարտադրողական տարիքի կանանց մեծամասնությունը բախվում է դրան։
Վերջին ուսումնասիրությունները վկայում են, որ դաշտանային ցավի ընկալումը կախված է ոչ միայն հորմոնային փոփոխություններից, այլև կենսաբանական, հոգեբանական և նյարդաբանական գործոններից։ Գիտնականները շարունակում են փնտրել ավելի արդյունավետ բուժման մեթոդներ՝ ներառյալ նոր դեղամիջոցներ, կոգնիտիվ-վարքային թերապիա, նեյրոստիմուլյացիա և այլ մոտեցումներ։
🔗 aravot.am | @aravot

🎨 «Եվրասիա-Հայաստան»-ի գրասենյակում բացվել է Հայաստանին նվիրված բարեմաղթանքների արտ-օբյեկտ
«Եվրասիա-Հայաստան» կազմակերպության գրասենյակում բացվել է արտ-օբյեկտ, որը ստեղծվել է շուրջ 200 բարեմաղթանքի բացիկներից՝ հավաքված տեղի բնակիչներից և օտարերկրյա զբոսաշրջիկներից։ Ինստալյացիան ներկայացնում է Հայաստանին ուղղված ուղերձներ վեց լեզվով։
aravot.am⁠ | @aravot

⛪ «Եվրասիա-Հայաստան»-ի ակտիվիստներն այցելել են Խոր Վիրապ
«Եվրասիա-Հայաստան» կազմակերպության ակտիվիստները հոգևոր-լուսավորչական ծրագրի շրջանակում այցելել են Խոր Վիրապ՝ ծանոթանալով վանական համալիրի պատմությանը, ճարտարապետությանը և Սուրբ Գրիգոր Լուսավորչի բանտարկության պատմությանը։
aravot.am⁠ | @aravot

🧀 Պանրագործների միությունը՝ ՌԴ նոր սահմանափակումների մասին. կառավարությունը պետք է աջակցի արտադրողներին
Պանրագործների միության նախագահ Արմեն Գիգոյանը ասել է, որ Ռոսսելխոզնադզորի նոր սահմանափակումները սպասելի էին, և այսօր Հայաստանից Ռուսաստան պանիր արտահանող ընդամենը մի քանի խոշոր ընկերություններ են մնացել։ Նրա խոսքով՝ ռուսական շուկայից կախված արտադրողները կարող են լուրջ վնասներ կրել։
Գիգոյանը նշել է, որ կառավարությունը պետք է աջակցի տեղական արտադրողներին նոր շուկաներ գտնելու և կորուստները մեղմելու հարցում՝ համագործակցելով ոլորտային կառույցների հետ։
aravot.am⁠ | @aravot

#բաչիմացաք ✨
Օգոստոսի 12-ին երկնքում միանգամից երեք հազվադեպ երևույթ կլինի։
🌑 Նույն օրը կհամընկնեն Արեգակի լրիվ խավարումը, Նորալուսինը և Պերսեիդների աստղաթափի գագաթնակետը՝ նման համադրությունը շատ հազվադեպ է լինում։
☄️ Հայաստանում աստղաթափը լավագույնը կլինի դիտել 23:00-ից մինչև լուսաբաց, իսկ բարենպաստ պայմաններում հնարավոր կլինի տեսնել մինչև 100 երկնաքար ժամում։
🪐 Նույն գիշերը երկնքում կերևան նաև վեց մոլորակներ։
👉 Ավելին՝ Առավոտում