Category: Aravot

Մեկամսյա կալանք՝ Շիրակի մարզի գյուղերից մեկի դպրոցի կին փոխտնօրենին
Դատարանը մեկ ամսով կալանավորելու որոշում է կայացրել Բյուրակնի միջնակարգ դպրոցի նախկին տնօրեն Լուսինե Մելիքյանի նկատմամբ, որին կասկածում են կաշառք տալու և ստանալու հետ կապված հանցագործության մեջ։ Ըստ երկու աշխատակիցների ցուցմունքների՝ Մելիքյանը նրանց աշխատանքից չազատելու պայմանով երկու տարի շարունակ ամեն ամիս պահանջել և ստացել է աշխատավարձերից 50 հազար դրամ։ Գործը քննվում է Հակակոռուպցիոն կոմիտեում։
Ամբողջական հոդվածը

Ինչպես է ստեղծվել ԱԲ-ն
Արհեստական բանականությունը մեկ գյուտի արդյունք չէ․ այն մաթեմատիկայի, ֆիզիկայի, փիլիսոփայության, կենսաբանության և համակարգչային գիտությունների տասնամյակների զարգացման արդյունք է։
Ներկայացնում ենք դրա պատմության կարևոր հանգրվանները՝ Ալան Թյուրինգի տեսական աշխատանքներից ու արհեստական նեյրոնի մոդելից մինչև Ջոն Մաքքարթիի՝ 1956 թվականին առաջարկած եզրույթը, նեյրոնային ցանցերի զարգացումն ու ժամանակակից ԱԲ-ի առաջընթացը։
Ամբողջական հոդվածը

Ձերբակալվել է Շիրակի մարզի գյուղի դպրոցներից մեկի կին փոխտնօրենը․ ի՞նչ մեղադրանք է հիմքում
Aravot.am-ի տեղեկություններով՝ հոկտեմբերի 8-ին ձերբակալվել է Ամասիա համայնքի Բյուրակն գյուղի միջնակարգ դպրոցի նախկին տնօրեն Լուսինե Մելիքյանը, որն այժմ նույն դպրոցում զբաղեցնում է կրթական աջակցությունների և դաստիարակչական աշխատանքների համակարգողի պաշտոնը։
Ամբողջական հոդվածը

«Փաշինյանը պատմական ճշմարտության խայտառակ աղճատում է թույլ տալիս»․ Արթուր Խաչատրյան
«Հայաստան» խմբակցության պատգամավոր Արթուր Խաչատրյանը քննադատել է Նիկոլ Փաշինյանի՝ ԱՊՀ ստեղծման և Ալմա-Աթայի հռչակագրի վերաբերյալ մեկնաբանությունները։
Նա պնդել է, որ հռչակագիրը չի սահմանում նախկին խորհրդային վարչական սահմանները որպես պետական սահմաններ, իսկ Հայաստանի և Ադրբեջանի միջև ներկայիս իրավիճակը ոչ թե հաստատված խաղաղություն է, այլ փխրուն հրադադար։ Պատգամավորը նաև մտահոգություն է հայտնել՝ TRIPP նախագծի շրջանակում Հայաստանի և Ադրբեջանի պարտավորությունների անհավասարության վերաբերյալ։
Ամբողջական հոդվածը

Մեր մայրաքաղաքն արժանի է մեծ մտածողության ու մեծ ծրագրերի․ Սամվել Կարապետյան
Երևանի օրվա առթիվ «Ուժեղ Հայաստան» կուսակցության առաջնորդ Սամվել Կարապետյանը շնորհավորել է երևանցիներին՝ ընդգծելով մայրաքաղաքի պատմական և մշակութային նշանակությունը։ Նրա խոսքով՝ անհրաժեշտ է պահպանել հին Երևանի դիմագիծը, դադարեցնել «ուրբանիստական տեռորը» և կառուցել ժամանակակից, կանաչ ու տնտեսապես հզոր քաղաք, որտեղ հարմար կլինի ապրել, աշխատել և երեխաներ մեծացնել։
Ամբողջական հոդվածը

#Մեկնաբանություն
🤝 Պուտինի ձեռքն ու Փաշինյանի մեջքը․ «կյանքի ու մահվան» փակուղին
Պուտինի՝ Նիկոլ Փաշինյանի մեջքին մտերմաբար թփթփացնելը ոչ մի երաշխիք չէ։ Քաղաքական անգիտություն է աշխարհաքաղաքական կենտրոնների առաջնորդների հետ անձնական մտերմության վրա հաշվարկ կառուցելը։ Հայաստանի նման երկրների համար պետական առաջնորդների ամենաամուր երաշխիքը իշխանության հարցը «կյանքի ու մահվան» դիլեմայի չհասցնելն է, ինչը նաեւ պետության անվտանգության ու միջազգային քաղաքականության մեջ ճկունության կարեւոր պայման է։
Հակոբ Բադալյանի մեկնաբանությունը

🏡 Բնակարաններ՝ Երևանում ու Գյումրիում, հողատարածքներ և «Լեքսուս»․ ինչ ունեցվածք ունի Ախուրյանի համայնքապետի թեկնածուն
Ախուրյանի համայնքապետի միակ թեկնածու, գործող համայնքապետ Զավեն Մանուկյանը հայտարարագրել է երեք բնակելի անշարժ գույք՝ Ախուրյանում, Գյումրիում և Երևանում, ինչպես նաև մի շարք հողատարածքներ։
Հայտարարագրի համաձայն՝ նա ունի 2011 թվականի արտադրության «Lexus LX» մակնիշի ավտոմեքենա, իսկ համայնքապետարանից ստացած տարեկան աշխատավարձը կազմել է շուրջ 7,1 մլն դրամ։
aravot.am | @aravot

💬 «Խաղաղություն չկա, եթե զինված ադրբեջանցին կարողանում է մտնել Հայաստան ու կրակել»․ Վիգեն Հակոբյան
Քաղտեխնոլոգ Վիգեն Հակոբյանի խոսքով՝ Շաքիի դեպքը ցույց տվեց, որ Հայաստանի անվտանգային համակարգը չի կարողացել կանխել զինված ադրբեջանցու՝ ՀՀ տարածքում մի քանի օր գտնվելը։ Նա նաև քննադատել է իշխանություններին՝ բնակիչներին ժամանակին չնախազգուշացնելու և դեպքի հանգամանքները, իր գնահատմամբ, մեղմ ներկայացնելու համար։
Հակոբյանի պնդմամբ՝ միջադեպը կասկածի տակ է դնում կայուն խաղաղության մասին իշխանությունների հայտարարությունները և նոր հարցեր առաջացնում Հայաստանի անվտանգության ու Ադրբեջանի հետ հարաբերությունների վերաբերյալ։
aravot.am⁠ | @aravot

💬 «Ինչքան հոդված կա ՀՀ քրեական օրենսգրքում, Փաշինյանն ու իր շքախումբը համապատասխանում են»․ Սամվել Կարապետյան
«Ուժեղ Հայաստան» կուսակցության առաջնորդ Սամվել Կարապետյանն իր գործով դատական նիստից հետո արձագանքել է Նիկոլ Փաշինյանի հայտարարությանը, որով վարչապետը իրեն և Գագիկ Ծառուկյանին համեմատել էր Շաքիում հայ կնոջը վիրավորած ադրբեջանցի զինծառայողի հետ՝ անվանելով հանցագործներ։
Կարապետյանը հակադարձել է, որ Փաշինյանը հաջորդ անգամ կարող է ադրբեջանցուն հերոս անվանել, իսկ իրենց՝ հանցագործ։ Նա նաև պնդել է, որ Փաշինյանն ու իր թիմն իրենք են համապատասխանում Քրեական օրենսգրքի հոդվածներին։
aravot.am⁠ | @aravot

🗳️ «Իշխող ուժը քրեաիրավական մեխանիզմներով ու բռնաճնշումներով ֆիլտրում է դաշտը»․ Մամիկոն Ասլանյան
«Ուժեղ Հայաստան» խմբակցության պատգամավոր Մամիկոն Ասլանյանի խոսքով՝ ՏԻՄ ընտրություններից առաջ և քարոզարշավի ընթացքում ընդդիմության նկատմամբ ճնշումներ են գործադրվում։ Նա այսպես է մեկնաբանել դիտորդական առաքելությունների արձանագրած՝ վարչական ռեսուրսի կիրառման և դիտորդների նկատմամբ ոչ բարյացակամ վերաբերմունքի դեպքերը։
Ասլանյանի պնդմամբ՝ որոշ համայնքներում ստեղծված մթնոլորտի պատճառով մարդիկ խուսափում են ընտրություններին մասնակցելուց, իսկ այնտեղ, որտեղ ընդդիմադիր ուժերը միասնական թեկնածու են առաջադրել, «Ուժեղ Հայաստանը» պատրաստ է աջակցել նրանց։
aravot.am⁠ | @aravot