Category: Aravot

🤖 Բնական և արհեստական բանականություններ
Բնական բանականությունն ու արհեստական բանականությունն ունեն արմատական տարբերություններ․ մարդու ուղեղի հիմքում կենսաբանական էվոլյուցիան, նեյրոններն ու զգացմունքներն են, իսկ ԱԲ-ի՝ չիպերը, կոդերն ու ալգորիթմները։ Մարդը կարողանում է գործել անորոշության պայմաններում, հասկանալ համատեքստը, հումորը, ակնարկները եւ ստեղծել բացարձակ նոր գաղափարներ, մինչդեռ ԱԲ-ի ուժը արագության, հսկայական ծավալի տեղեկատվության մշակման եւ չհոգնելու մեջ է։ Ապագան, հնարավոր է, ոչ թե մարդու եւ ԱԲ-ի հակամարտությունն է, այլ նրանց հնարավորությունների միավորումը՝ ընդհուպ մինչեւ մարդու ուղեղի եւ քվանտային ԱԲ-ի անմիջական կապը։
Հոդվածն ամբողջությամբ

💊 Ուժեղ Հայաստան. «Մենք ուզում ենք, որ մեր ժողովուրդն ունենա իրական հասանելիություն եվրոպական բարձրորակ դեղերին»
«Ուժեղ Հայաստան» խմբակցության պատգամավոր Հարություն Հարությունյանը հայտնել է, որ իրենք օրենսդրական փոփոխության նախաձեռնություն են ներկայացրել՝ եվրոպական երկրներում արդեն իսկ գրանցված և համապատասխան սերտիֆիկացում ունեցող դեղերի՝ Հայաստանում պարզեցված գրանցման համար։ Նրա խոսքով՝ դա կարող է մեծացնել դեղերի հասանելիությունն ու մրցակցությունը և մոտ 20%-ով նվազեցնել դրանց գները։
aravot.am | @aravot

📢 «Տեղեկատվության ազատության մասին» ՀՀ օրենքի ընդունումից 23 տարի անց
Ինֆորմացիայի ազատության կենտրոնի տվյալներով՝ պետական մարմինների կողմից տեղեկության հարցումների պատասխաններում շարունակում են արձանագրվել համակարգային խնդիրներ։ 2026 թվականին անհիմն մերժումների կամ ոչ ըստ էության պատասխանների ցուցանիշով առաջին եռյակում են Քննչական կոմիտեն, Պաշտպանության նախարարությունը և Հիվանդությունների վերահսկման և կանխարգելման ազգային կենտրոնը։ Հարցումների առնվազն մեկ երրորդին տրվում է ժամկետանց պատասխան, իսկ գրեթե ամեն երկրորդ հարցման պատասխանը տրամադրվում է լրացուցիչ 30-օրյա ժամկետում։
aravot.am | @aravot

⚖️ Դատարանը պարտավորեցրեց հերքել արդարադատության նախկին նախարար Գրիգոր Մինասյանի վերաբերյալ զրպարտող տեղեկությունները
ՀՀ վերաքննիչ քաղաքացիական դատարանը բավարարել է Գրիգոր Մինասյանի հայցն ընդդեմ Տիգրան Վարդանյանի։ Վերջինս պարտավորվել է իր ֆեյսբուքյան էջում հրապարակայնորեն հերքել տարածած տեղեկությունները և նշել, որ դրանք զրպարտել են Գրիգոր Մինասյանին ու չեն համապատասխանել իրականությանը։ Դատարանը նաև սահմանել է դրամական փոխհատուցում վճարելու պարտավորություն։
aravot.am | @aravot

🇦🇿 Ալիև. Հայաստանը պետք է ամբողջական տեղեկատվություն տրամադրի անհետ կորած ադրբեջանցիների ճակատագրի, զանգվածային և անհատական գերեզմանների վայրերի մասին
Ադրբեջանի նախագահ Իլհամ Ալիևը հայտարարել է, որ Հայաստանը պետք է տրամադրի անհետ կորած ադրբեջանցիների ճակատագրի վերաբերյալ տեղեկատվություն, ապահովի համապատասխան արխիվների հասանելիությունը և աջակցի վկաների ցուցմունքների հավաքագրմանը։ Նա նշել է, որ մարդկային կյանքերին վերաբերող տեղեկատվությունը չպետք է դառնա քաղաքական պայմանավորվածությունների առարկա։
aravot.am | @aravot

🏦 #բիզնես
Ֆասթ բանկը պարզաբանում և հերքում է մի շարք պնդումներ
Ֆասթ Բանկը հայտնել է, որ ապրիլի 25-ին Հանրապետության հրապարակում անցկացված երաժշտական փառատոնի հետ կապված իր ներգրավվածությունը սահմանափակվել է գովազդային ծառայությունների գնմամբ։ Բանկը նաև ընդգծել է, որ ապրիլի 19-ին Գյումրիում կայացած համերգի հետ որևէ առնչություն կամ պայմանագիր չի ունեցել և հերքել է որևէ կուսակցության կամ ընտրական քարոզչության ֆինանսավորման կամ հովանավորության վերաբերյալ պնդումները։
aravot.am | @aravot

🎯 «Նախկին խորհրդարանում խուլիգաններն ավելի շատ էին». Կարեն Դուրգարյանը ԱԺ-ի ծեծկռտուքը երկրի զարգացում է համարում
Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն Կարեն Դուրգարյանը ԱԺ-ում տեղի ունեցած ծեծկռտուքը կապել է կրթության և երկրի անցած 30 տարիների խնդիրների հետ։ Նա նշել է, որ նախորդ խորհրդարաններում «խուլիգանների» թիվն ավելի մեծ էր, իսկ այսօր, իր գնահատմամբ, երկիրը զարգանում է և առաջընթացի ճանապարհին է։ Դուրգարյանը նաև ասել է, որ ինքը երկրում քաոս չի տեսնում։
aravot.am | @aravot

🕵️ «Զեկույցը պատրաստվել էր ադրբեջանցի հետախույզի համար». Գերմանիայի հետախուզության նախկին ղեկավարը ձերբակալվել է լրտեսության կասկածանքով. ԶԼՄ-ներ
Գերմանիայի Դաշնային հետախուզական ծառայության նախկին ղեկավար Աուգուստ Հանինգը ձերբակալվել է լրտեսության, պետական դավաճանության և օտարերկրյա հետախուզական ծառայությունների համար աշխատելու կասկածանքով։ Դաշնային դատախազության տվյալներով՝ նա գաղտնի տեղեկություններ է օգտագործել օտարերկրյա հետախուզության աշխատակցի համար վերլուծական զեկույց պատրաստելու նպատակով, իսկ «Der Spiegel»-ը հայտնում է, որ խոսքը ադրբեջանցի հետախույզի մասին է։
aravot.am | @aravot

#Մեկնաբանություն
⚠️ Կառավարելի լարում՝ համոզիչ շանտաժի համար
Հաճախ է հնարավոր լսել՝ հիմնականում Հայաստանի իշխանության կամ մերձիշխանական քարոզչական շրջանակից, որ Ալիեւի կամ Ադրբեջանի մյուս բարձրաստիճան պաշտոնյաների հայտարարություններին մեծ ուշադրություն դարձնելով՝ դրանք բերվում են Հայաստան եւ դառնում Հայաստանում օրակարգ թելադրող։
Բայց առնվազն տարօրինակ է այդ «հակափաստարկը», երբ Հայաստանի իշխանությունն ինքն է պաշտոնապես օրակարգ ներառել Ադրբեջանի տարատեսակ պահանջները եւ անգամ սպառնում է հանրությանը, որ դրան դեմ արտահայտվելը կբերի պատերազմ։ Ու այս պարագայում Բաքվի վարքագծում որոշակի կոշտացումները կարող են լինել Հայաստանում սահմանադրական հանրաքվեի դեպքում հանրությանը շանտաժելու համար անհրաժեշտ «կառավարելի լարման» նախապատրաստում։
Հակոբ Բադալյանի մեկնաբանությունը

Հայկ Սարգսյանը և Ավետիք Օրդյանը հեռացվել են ՔՊ-ից
Մանրամասներ