Category: Aravot

Սիրելի՛ հայրենակիցներ,
Հունիսի 26-ին, ժամը 13.00-ին հրավիրում ենք ձեզ մասնակցելու բաց և անկեղծ հանդիպում-քննարկմանը «Ուժեղ Հայաստան» դաշինքի ընտրական ցուցակի առաջին համար Նարեկ Կարապետյանի և դաշինքի մյուս անդամների հետ:
Սա հիանալի հնարավորություն է քննարկելու մեր երկրի առջև ծառացած մարտահրավերներն ու զարգացման տեսլականը, ինչպես նաև անձամբ ուղղելու ձեզ հուզող հարցերը դաշինքի ներկայացուցիչներին:
Հունիսի 26, ժամը` 13:00, «Տաշիր Արենա»:
Հանդիպմանը մասնակցելու համար խնդրում ենք գրանցվել 060 505252 հեռախոսահամարով:
Մեզ համար անչափ կարևոր է յուրաքանչյուրիդ ձայնն ու կարծիքը, քանի որ ուժեղ ու անվտանգ ապագան կառուցվում է միասնական ջանքերով և բաց, փոխադարձ երկխոսությամբ:
Հանդիպում-քննարկումը անցկացվելու է փակ ձևաչափով և չի լուսաբանվելու:
«Ուժեղ Հայաստան» կուսակցություն

⚖️ Բագրատ սրբազան․ «Արդարացման ժամանակը կգա»
Բագրատ սրբազանը դատական նիստի ընդմիջման ընթացքում հայտարարեց, որ իրենց ներկայացվող «ապացույցները» որևէ ապացուցողական արժեք չունեն՝ քննադատելով դատախազների գործողությունները։
Անդրադառնալով Միքայել սրբազանի գործով Վերաքննիչ դատարանի որոշմանը՝ նա ասաց, որ ուրախ է այդ որոշման համար և վստահություն հայտնեց, որ առաջիկայում կգա նաև իրենց արդարացման ու պատասխանատվության ժամանակը։
aravot.am⁠ | @aravot

🚨 Էդուարդ Շարմազանով․ Փաշինյանի վերարտադրվելու դեպքում ռեպրեսիաները պետք է սաստկանային
ՀՀԿ գործադիր մարմնի անդամ Էդուարդ Շարմազանովի խոսքով՝ իրենք դեռ ընտրություններից առաջ զգուշացրել էին, որ Նիկոլ Փաշինյանի վերարտադրվելու դեպքում ընդդիմության նկատմամբ քաղաքական ճնշումները կուժեղանան։
Նա նաև նշեց, որ այս փուլում արդյունավետ չի համարում ընդդիմադիր ուժերին քննադատելը, իսկ մանդատներ վերցնել-չվերցնելու հարցը «Ուժեղ Հայաստան» և «Հայաստան» դաշինքների որոշելիքն է։
aravot.am | @aravot⁠

🚨 Լիզա Գասպարյան․ ՔՊ-ն ամեն խմբակցությունից մեկ-մեկ մարդ պակասեցնելով փորձում է փոխել Գյումրիի իշխանությունը
«Մեր քաղաքը» խմբակցության ղեկավար Լիզա Գասպարյանի խոսքով՝ Գյումրիի ավագանու շուրջ տեղի ունեցող զարգացումները կանխատեսելի էին, իսկ ընդդիմադիր խմբակցությունների ներկայացուցիչների նկատմամբ իրականացվող գործողությունները մեկ նպատակ ունեն՝ փոխել քաղաքում ձևավորված իշխանությունը։
Նա նաև հայտարարեց, որ իրենք թույլ չեն տա տապալվեն ավագանու նիստերը և «մանդատագողության սցենարը» Գյումրիում չի հաջողվելու։
aravot.am | @aravot⁠

🏥 Անահիտ Ավանեսյանը՝ Լիլիթ Ղազարյանի ազատման մասին․ «Քաղաքական պատճառ չկա»
Առողջապահության նախարար Անահիտ Ավանեսյանը հայտարարեց, որ Դեղերի փորձագիտական կենտրոնի տնօրենի տեղակալ Լիլիթ Ղազարյանի ազատումը կապված է հաստիքային փոփոխությունների հետ և որոշումն ընդունել է կենտրոնի ղեկավարը։
Նախարարի խոսքով՝ եթե ազատումը քաղաքական դրդապատճառ ունենար, այն տեղի կունենար տարիներ առաջ։ Միևնույն ժամանակ Ավանեսյանը չմանրամասնեց, թե կոնկրետ ինչ հիմքով է Լիլիթ Ղազարյանն ազատվել աշխատանքից։
aravot.am⁠ | @aravot

❗ Արամ Վարդևանյան․ «Եթե ՔՊ-ն հաղթել էր, ինչո՞ւ հաղթանակի հանրահավաք չեղավ»
ՍԴ-ում «Ուժեղ Հայաստան» դաշինքի ներկայացուցիչ Արամ Վարդևանյանը հայտարարեց, որ իշխանությունը նույնպես խոսում է ընտրախախտումների մասին և հարց բարձրացրեց՝ եթե ՔՊ-ն ստացել էր 700 հազարից ավելի ձայն, ապա ինչու հունիսի 8-ին հաղթանակի հանրահավաք չկայացավ։
Նրա խոսքով՝ իշխանությունը փորձել է կազմակերպել հանրահավաք, սակայն այն չի կայացել։ Վարդևանյանը նաև տեղեկացրեց, որ Սամվել Կարապետյանի՝ այլ երկրների քաղաքացիությունից հրաժարվելու գործընթացն արդեն սկսված է։
aravot.am⁠ | @aravot

🚨 Գյումրու ավագանու նիստը տապալվեց․ քաղաքապետարանը մեղադրում է կենտրոնական իշխանությանը
Այսօր Գյումրու ավագանու նիստը չկայացավ՝ քվորում չապահովելու պատճառով։ Առավոտյան խուզարկություն էր իրականացվել «Մայր Հայաստան» խմբակցության ղեկավար Կարեն Սիմոնյանի տանը, իսկ ընդդիմադիր մեկ այլ ավագանու անդամ գտնվում է տնային կալանքի տակ, ինչի հետևանքով ընդդիմությունը չկարողացավ ապահովել անհրաժեշտ թվաքանակը։
ՔՊ-ն հայտարարեց, որ նիստը բոյկոտել է օրակարգային տարաձայնությունների պատճառով, մինչդեռ քաղաքապետի պաշտոնակատար Ավետիս Առաքելյանը պնդեց, որ Գյումրիում կառավարման ճգնաժամ չկա, իսկ ավագանու աշխատանքը նպատակային խաթարվում է կենտրոնական իշխանության կողմից։
aravot.am⁠ | @aravot

⚖️ Արամ Վարդևանյան․ ԿԸՀ-ն անտեսել է Վարչական դատարանի որոշումը
ՍԴ-ում «Ուժեղ Հայաստան» դաշինքի ներկայացուցիչ Արամ Վարդևանյանի խոսքով՝ ԿԸՀ-ն սեփական նախաձեռնությամբ անվավեր է ճանաչել երկու ընտրատեղամասի արդյունքները՝ անտեսելով Վարչական դատարանի որոշումը, որով պարտավորեցվել էր կազմակերպել կրկնակի քվեարկություն։
Նա նաև պնդել է, որ ՔՊ-ն իրականում չի հաղթահարել «50+1» շեմը, իսկ արդյունքները ձևավորվել են փոքր կուսակցությունների ձայների հաշվին։ Վարդևանյանը հույս է հայտնել, որ ՍԴ-ն կընդունի անկախ և օրինական որոշում։
aravot.am⁠ | @aravot

Ուժեղ Հայաստան» կուսակցության անդամ, հետախույզ Արթուր Ավանեսյանի՝ Կանդազի, գործով առաջին դատական նիստին հանրային մեղադրողը միջնորդեց նրա խափանման միջոց կալանքը երկարաձգել 3 ամսով։ Դատավոր Սարգիս Դադոյանը որոշեց փոխարինել տնային կալանքով և բացակայելու արգելքով։