Category: Armen Press

Ջանես Նազարյանը (71 կգ) դարձել է Բաքվում ընթացող հունահռոմեական ոճի ըմբշամարտի Մ17 աշխարահի առաջնության ոսկե մեդալակիր։

ՀՀ ԿԳՄՍ նախարարությունը հանրային քննարկման է ներկայացրել նախադպրոցական կրթության ոլորտի վերաբերյալ երկու նախագիծ, որոնք բխում են «Նախադպրոցական կրթության մասին» օրենքի պահանջներից և նպատակ ունեն բարելավել Նախադպրոցական կրթության պետական կրթական չափորոշչի  արդյունավետ ներդրումը։ 
Նախադպրոցական կրթական (հիմնական) ծրագրերը հաստատելու մասին կրթության, գիտության, մշակույթի և սպորտի նախարարի հրամանի նախագծով սահմանվում են նախադպրոցական կրթական համալիր ծրագրեր՝ տարիքային բոլոր խմբերի համար։
Առաջարկվում է հաստատել նախադպրոցական հետևյալ կրթական ծրագրերը՝ ավագ խմբի  (5-6 տարեկանների) հիմնական ծրագիրը, միջին խմբի նախադպրոցական կրթական (4-5 տարեկանների) հիմնական ծրագիրը,  կրտսեր երկրորդ խմբի (3-4 տարեկանների) հիմնական ծրագիրը, կրտսեր առաջին  խմբի (2-3 տարեկանների) հիմնական ծրագիրը, վաղ մանկության տարիքի երկրորդ խմբի (1-2 տարեկան սաների խնամքի և զարգացման) ծրագիրը, վաղ մանկության տարիքի առաջին խմբի (0-1 տարեկան սաների խնամքի և զարգացման) ծրագիրը։

ՀՀ ԱՆ հիվանդությունների վերահսկման և կանխարգելման ազգային կենտրոն (ՀՎԿԱԿ) Լոռու մասնաճյուղից Սննդամթերքի անվտանգության տեսչական մարմնի Լոռու մարզային   2026 թ. հուլիսի 27-ին ստացել է բանավոր հաղորդագրություն սննդային թունավորման մասին:

«Ըստ այդմ՝ արձանագրվել է, որ Լոռու մարզի Ճոճկան համայնքում գործող անհատ ձեռնարկատեր Մերուժան Ասլանյանին պատկանող հանրային սննդի օբյեկտում («Lori Peak» միջոցառումների անցկացման վայր) հուլիսի 26-ին անցկացվել է միջոցառում (հարսանիք), որից մի քանի ժամ հետո մասնակիցների մոտ ի հայտ են եկել թունավորման ախտանիշներ։ Թունավորվածներից 15-ը հոսպիտալացվել են Նոյեմբերյան քաղաքի, իսկ 6-ը՝ Ալավերդու բժշկական կենտրոն»,– «Արմենպրես»-ի փոխանցմամբ՝ նշված է ՍԱՏՄ-ի տարածած հաղորդագրության մեջ։

ՄԱՆՐԱՄԱՍՆԵՐ

«Քաղաքացիական պայմանագիր» խմբակցության ղեկավար Հայկ Կոնջորյանի եղբոր՝ Ավետ Կոնջորյանին առնչվող դեպքի վերաբերյալ «Քաղաքացիական պայմանագիր» կուսակցության ներսում այս պահին քննարկում չկա, քանի որ ընթանում է իրավական գործընթաց։
Այս մասին ՔՊ վարչության նիստից հետո լրագրողների հետ ճեպազրույցում ասաց ՀՀ վարչապետ, կուսակցության վարչության նախագահ Նիկոլ Փաշինյանը։

«Հայաստանի Հանրապետության բոլոր քաղաքացիներն օրենքի առաջ հավասար են, և ՔՊ անդամ լինելը որևէ մեկին առավելություն չի տալիս, բայց որևէ մեկին նաև չի նսեմացնում։ Կուսակցության ներսում քննարկում չկա։ Իրավական գործընթաց է գնում»,- ասաց Փաշինյանը։

Վարչապետը հիշեցրեց, որ նախկինում ևս եղել են դեպքեր, երբ իրավական գործընթացներին հաջորդել են կուսակցական որոշումներ։

«Նման դեպքեր եղել են, երբ իրավական գործընթաց է գնացել, իրավական գնահատական է հնչել, մարդիկ են հեռացվել կուսակցությունից, դրանից հետո կամ դրանից առաջ դատապարտվել են»,- նշեց նա։

Անդրադառնալով Ավետ Կոնջորյանի եղբորը՝ Հայկ Կոնջորյանին Ազգային ժողովի նախագահի տեղակալի պաշտոնում առաջադրելու որոշումը վերանայելու հնարավորությանը՝ Փաշինյանը պատասխանեց․

«Ի՞նչու պետք է վերանայվի։ Յուրաքանչյուր մարդ պատասխանատու է իր արարքի համար»։

Նա նաև հավելեց, որ ՔՊ-ում գործում է վերահսկող մարմին, որը անհրաժեշտության դեպքում կարող է քննել հարցը և համապատասխան եզրակացություն ներկայացնել կուսակցության վարչությանը։

Բանակում տեղի ունեցող բացասական երևույթների զգալի մասի ծագումնաբանությունը կապված չէ բացառապես զինված ուժերի հետ, և խնդրի լուծումը պահանջում է հանրության սոցիալ-հոգեբանական փոփոխություն։
Այս մասին լրագրողների հետ զրույցում ասաց ՀՀ վարչապետ Նիկոլ Փաշինյանը՝ անդրադառնալով բանակում ոչ մարտական պայմաններում գրանցվող մահվան դեպքերին։

«Ես դրա լուծումը տեսնում եմ մեր հանրության սոցիալ-հոգեբանության փոփոխության մեջ, որովհետև առիթ ունեցել եմ ասելու՝ բանակում տեղի ունեցող երևույթների մոտավորապես 70 տոկոսի ծագումնաբանությունը բանակի հետ կապված չէ»,- ասաց Փաշինյանը։

Վարչապետի խոսքով՝ սպայական կազմը ևս իր պատասխանատվությունն ունի, սակայն յուրաքանչյուր դեպք պետք է քննվի առանձին։

«Սպայական կազմն իր մեղավորությունն ունի, բայց ամեն առանձին դեպք պետք է առանձին դիտվի։ Ընդհանուր առմամբ երևույթի վերաբերյալ իմ դիրքորոշումն առաջին անգամ չէ, որ ասում եմ։ Դա, իհարկե, խնդիր է, որը պետք է լուծենք»,- նշեց նա։

Փաշինյանն ընդգծեց, որ խնդիրը շարունակում է պահպանվել՝ անկախ պաշտոնյաների և անգամ իշխանությունների փոփոխությունից։

«Ցավոք սրտի, նախարարներ են փոխվում, նույնիսկ իշխանություններ են փոխվում, բայց այդ խնդիրը շարունակում է մնալ։ Դա նշանակում է, որ խնդիրները շատ ավելի խորն են, քան մենք ընդհանրապես սովոր ենք այդ խնդիրների հետ առնչվելիս պատկերացնել»,- ասաց վարչապետը։

Հայաստանն ունի լեգիտիմ իրավունք այլընտրանք ձևավորելու համար․ Փաշինյանhttps://youtu.be/IImnyAxuAz4?si=HrFk873KEjtNyQZx

Սուրեն Պապիկյանն ու Արփինե Սարգսյանը կվերանշանակվեն ՊՆ և ՆԳ նախարարների պաշտոններում․ Փաշինյան

Հայաստանի նկատմամբ արտահանման սահմանափակումների շուրջ ստեղծված իրավիճակը ոչ միայն Հայաստանի, այլև Եվրասիական տնտեսական միության խնդիրն է։ Եթե հարցն արագ չլուծվի, դա կարող է դառնալ ԵԱՏՄ-ի վերջի սկիզբը։
Այս մասին «Քաղաքացիական պայմանագիր» կուսակցության վարչության նիստից հետո լրագրողների հետ զրույցում ասաց ՀՀ վարչապետ Նիկոլ Փաշինյանը։

«Մենք հիմա բոլորս արձանագրում ենք, որ խնդիրը Հայաստանինը չէ։ Հայաստանը չէ խնդիրը, դա ԵԱՏՄ-ի խնդիրն է, որովհետև փաստացի ստացվում է, որ Եվրասիական տնտեսական միությունը կաթվածահար է և չի աշխատում։ Եթե այս հարցն արագ չլուծվի, թույլ տվեք կանխատեսել, որ դա կլինի ԵԱՏՄ-ի վերջի սկիզբը»,- ասաց Փաշինյանը։

Վարչապետն անդրադարձավ նաև ՌԴ նախագահ Վլադիմիր Պուտինի հետ զրույցին՝ նշելով, որ մի շարք հարցերի շուրջ կողմերը հասել են ընդհանուր ըմբռնման։

«Ամենակարևորն այն է, որ Հայաստանի Հանրապետությունն ունի լեգիտիմ իրավունք՝ իր համար այլընտրանքներ ձևավորելու։ Ես Ռուսաստանի նախագահին ասել եմ, որ մենք հայտարարել ենք այդ ճանապարհը և գնալու ենք այդ ճանապարհով, մանավանդ հիմա, երբ Հայաստանի Հանրապետության ժողովուրդն էլ քվեարկել է դրա օգտին»,- նշեց Փաշինյանը։

Նրա խոսքով՝ Հայաստանը բոլոր հարցերում պետք է ունենա այլընտրանքներ։

«Ինչպես նախընտրական շրջանում ասել եմ, չեմ պատկերացնում, որ մեր քաղաքականության արդյունքում հայտնվենք մի իրավիճակում, երբ Հայաստանի Հանրապետությունն այլընտրանքներ չունի։ Հայաստանի Հանրապետությունը միշտ և բոլոր հարցերում պետք է ունենա այլընտրանքներ, և այլընտրանք չունենալու դարաշրջանը փակված է։ Այստեղ հարցն այն է, թե այդ այլընտրանքը երբ պետք է իրացվի»,- ասաց վարչապետը։

Անդրադառնալով Եվրոպական միության և Եվրասիական տնտեսական միության միջև ընտրության հարցով հնարավոր հանրաքվեին՝ Փաշինյանը նշեց, որ նման հանրաքվե անցկացնելուց առաջ Հայաստանը պետք է առնվազն պաշտոնապես դիմած լինի ԵՄ-ին անդամակցելու համար։

Հայաստանն ու Իրանը տեխնիկական հնարավորություններ ունեն մեծացնելու «Գազ՝ էլեկտրաէներգիայի դիմաց» ծրագրով փոխանակվող գազի և էլեկտրաէներգիայի ծավալները։ Ծրագրի ընդլայնման ժամկետները դեռևս հստակեցված չեն․ դրանք կքննարկվեն ստեղծվելիք աշխատանքային խմբի շրջանակում։
Այս մասին լրագրողների հետ զրույցում ասաց ՀՀ տարածքային կառավարման և ենթակառուցվածքների նախարար Դավիթ Խուդաթյանը։

«Նախ հանդիպման ժամանակ արձանագրել ենք, որ Իրանի Իսլամական Հանրապետությունն ունի ավելի շատ էլեկտրաէներգիայի կարիք, իսկ Հայաստանի Հանրապետությունը՝ գազի կարիք։ Մենք որոշակի ծավալով հաջողությամբ իրականացնում ենք «Գազ՝ էլեկտրաէներգիայի դիմաց» ծրագիրը, և ակնհայտ է, որ ծրագիրն ավելի մեծ ծավալներով իրականացնելու հնարավորություններ ունենք։ Նկատի ունեմ, օրինակ, որ խողովակի թողունակությունն ավելի մեծ է»,- ասաց Խուդաթյանը։

Նախարարի խոսքով՝ Հայաստան-Իրան 400 կիլովոլտ էլեկտրահաղորդման գծի կառուցումից հետո Հայաստանը կկարողանա մեծացնել նաև Իրան մատակարարվող էլեկտրաէներգիայի ծավալը։

«Հետևաբար՝ այդ գործարքն ընդլայնելու, այսինքն՝ ավելի մեծ ծավալով գազ և ավելի մեծ ծավալով էլեկտրաէներգիա փոխադարձաբար մատակարարելու և ստանալու հնարավորություն ունենք։ Պայմանավորվել ենք աշխատանքային խումբ ստեղծել»,- նշեց նախարարը։

Վարչապետ Նիկոլ Փաշինյանի ճեպազրույցը
https://www.youtube.com/live/XLDh0Y7JWCM?si=2_z49FrCasFwD_hF