Category: Armen Press

ԱՄՆ փոխնախագահ Ջեյ Դի Վենսը, որը համարվում է 2028 թվականի նախագահական ընտրություններում հավանական թեկնածուներից մեկը, խոստովանել է, որ Կոնգրեսի միջանկյալ ընտրությունների արդյունքները կարող են ազդել 2028-ին երկրի բարձրագույն պաշտոնի համար պայքարելու մասին իր որոշման վրա։

Աշխատանքային անվտանգության և խմելու ջրի որակի վերահսկողություն. ասուլիս
https://www.youtube.com/live/PrfAVcNfWNM?si=d84_cW4VGjrJGSkR

Սյունիքի մարզի Շաքի բնակավայրում արձանագրված դեպքի վերաբերյալ քրեական վարույթի շրջանակում դատարան է ներկայացվել ՀՀ սահմանն ապօրինի հատած Ադրբեջանի զինծառայողի նկատմամբ կալանքը որպես խափանման միջոց կիրառելու միջնորդություն։
Այս մասին «Ֆեյսբուք»-ի իր էջում գրել է ՀՀ քննչական կոմիտեի մամուլի քարտուղար Կիմա Ավդալյանը։
«Քրեական վարույթի շրջանակում Ադրբեջանի Հանրապետության քաղաքացի Նասիմի Ռահիմ Օղլի Մուսաևի նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան»,- նշված է գրառման մեջ։
Ըստ դատախազության հրապարակած տեղեկությունների՝ հոկտեմբերի 1-ին ժամը 14։00-ի սահմաններում, ադրբեջանցի զինծառայող Նասիմի Մուսաևն ապօրինի մուտք է գործել Սիսիան համայնքի Շաքի բնակավայրի տներից մեկը և հայտնաբերվելուց հետո զենքից կրակոցներ արձակել։ Վիրավորվել է 1987 թվականին ծնված ՀՀ քաղաքացի Ա․Ա․-ն։ Մուսաևը դիմել է փախուստի, այնուհետև հայտնաբերվել Շաքիի մեկ այլ հասցեում և ժամը 15։30-ին ձերբակալվել ու ներկայացվել նախաքննության մարմին։
Վիրավորված քաղաքացին բուժօգնություն է ստացել Սիսիանի բժշկական կենտրոնում, ապա տեղափոխվել Երևան։ Մարմնական վնասվածքներով նույն բժշկական կենտրոն են դիմել նաև նրա՝ 2011 և 2014 թվականներին ծնված երեխաները։ Ավագ երեխայի մոտ արձանագրվել է աջ դաստակի կոտրվածք, իսկ կրտսերի մոտ՝ փափուկ հյուսվածքների սալջարդ։
ՀՀ ազգային անվտանգության ծառայությունն ավելի վաղ հայտնել էր, որ սեպտեմբերի 29-ին Ադրբեջանի պետական անվտանգության ծառայությունը տեղեկացրել էր զինծառայողի՝ ծառայության վայրը լքելու մասին՝ չբացառելով նրա կողմից Հայաստանի սահմանն ապօրինի հատելու հնարավորությունը։ Դրանից հետո երկու երկրների իրավասու մարմիններն իրականացրել են որոնողական աշխատանքներ։

Դատախազը հոկտեմբերի 2-ին հանրային քրեական հետապնդում է հարուցել Ադրբեջանի Հանրապետության քաղաքացի Նասիմի Ռահիմ Օղլի Մուսաևի նկատմամբ՝ Սյունիքի մարզի Շաքի բնակավայրում արձանագրված դեպքի առնչությամբ։ Այս մասին հայտնել են ՀՀ գլխավոր դատախազությունից։
Քրեական հետապնդումը հարուցվել է ՀՀ քրեական օրենսգրքի 469-րդ հոդվածի 1-ին մասով, 340-րդ հոդվածի 1-ին մասով, 335-րդ հոդվածի 1-ին մասով, 207-րդ հոդվածի 1-ին մասով և 166-րդ հոդվածի 2-րդ մասի 4-րդ ու 6-րդ կետերով։

Շիրակում, Լոռիում, Արագածոտնի և Կոտայքի լեռնային գոտիներում, ինչպես նաև Գեղարքունիքի առանձին հատվածներում հոկտեմբերի 3-ի լույս 4-ի գիշերը ցրտահարության վտանգ կա։
Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։

«Հոկտեմբերի 3-ի լույս 4-ի գիշերը Շիրակում, Լոռիում, Արագածոտնի և Կոտայքի լեռնային գոտիներում, ինչպես նաև Գեղարքունիքի առանձին հատվածներում օդի ջերմաստիճանը կնվազի մինչև 0…−2°C, իսկ հողի մակերևույթին՝ −3…−4°C։ ցածր ջերմաստիճանների պայմաններում հնարավոր է ցրտահարություն։ Հորդորում ենք նշված տարածքներում իրականացնել բերքահավաք»,-նշված է կառույցի տարածած հայտարարության մեջ։

Պենտագոնը Մերձավոր Արևելքի շրջան է ուղարկել ևս մեկ ամֆիբիա-դեսանտային խումբ՝ բաղկացած երեք խոշոր դեսանտային նավից՝ ծովային հետևակի 13-րդ էքսպեդիցիոն գումարտակի ավելի քան 2000 զինծառայողի կազմով։ Այս մասին հաղորդել է The Wall Street Journal-ը՝ վկայակոչելով ամերիկացի պաշտոնյաների։

Սյունիքի մարզի Շաքի բնակավայրում ՀՀ սահմանը հատած ադրբեջանցի զինծառայողի կրակոցից  տուժած կնոջ առողջական վիճակը կայուն է, ստանում է անհրաժեշտ և վիճակին համարժեք բուժօգնություն. կյանքին սպառնացող վտանգ չկա։
Այս մասին «ֆեյսբուք»-ի իր էջում գրել է ՀՀ առողջապահության նախարար Անահիտ Ավանեսյանը։
«Երեխաների առողջական վիճակը գնահատվում է բավարար: Ստացել են անհրաժեշտ հոգեբանական և բժշկական օգնություն»,-նշված է նախարարի գրառման մեջ։
Անահիտ Ավանեսանը ԶԼՄ-ներին հորդորել է  հարգել բուժառուի և նրա ընտանիքի անձնական սահմանները, չխախտել նրանց անձնական տարածքը:
«Հավատացած եղեք´, որ բժշկական անձնակազմը արել և անում է առավելագույնը»,-հավելել է նախարարը:

2027 թ. հունվարի 1-ից նախատեսվում է կենսաթոշակների չափի բարձրացում
https://www.youtube.com/live/s-QJ9n43iTI?si=d_Ap29bX43ZFkUcc

Սննդամթերքի անվտանգության տեսչական մարմինը վերահսկողություն է իրականացնում միրգ-բանջարեղենի վաճառքի կետերում։ Հասարակության շրջանում մտահոգություն էր առաջացրել օրերս սոցիալական ցանցերում տարածված այն տեսանյութը, որում խոսվում էր մրգի վրա  «Դիխլոֆոս» տեսակի նյութի օգտագործման մասին։ Տեսչական մարմինը գնում է այդ մտահոգությունների հետքերով։
Կառույցի մասնագետները պատահականության սկզբունքում խանութ առ խանութ շրջում են` չշրջանցելով խոշոր առևտրի կետերը։ «Արմենպրես»—ի թղթակցի հետ զրույցում Սննդամթերքի անվտանգության տեսչական մարմնի արագ արձագանքման բաժնի գլխավոր տեսուչ Կորյուն Սամսոնյանը նշեց, որ նմուշներ են վերցնում, կապարակնքում՝ լաբորատոր փորձաքննության ուղարկելու նպատակով։

Օրերս Հայաստանում հյուրընկալվել էր Ֆրանսիայում գործող «Լաիկ միություն» ասոցիացիայի հիմնադիր նախագահ Ժան-Պիեռ Սաքունը, որի ջանքերով 2024-ին Ֆրանսիայի ազգային հերոս Միսաք Մանուշյանի և նրա կնոջ՝ Մելինե Մանուշյանի աճյունները վերահուղարկավորվեցին Ֆրանսիայի պանթեոնում։
«Արմենպրես»-ի տաղավարում Ժան-Պիեռ Սաքունը պատմել է այցի նպատակի, ասոցիացիայի գործունեության, Մանուշյանների աճյունների վերահուղարկավորման ուղղությամբ կատարած հսկայածավալ աշխատանքի և հայ-ֆրանսիական հարաբերությունների զարգացմանը միտված ծրագրերի մասին։