Category: Armen Press

«Խոսրովի անտառ» պետական արգելոցի ֆոտոթակարդներն արձանագրել են Հայաստանի ամենագեղեցիկ և ամենահազվագյուտ գիշատիչներից մեկին՝ կովկասյան ընձառյուծին։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է Հայաստանի շրջակա միջավայրի նախարար Համբարձում Մաթևոսյանը՝ հրապարակելով նաև տեսանյութ։
«Հայաստանի հարուստ կենսաբազմազանության հերթական վկայությունը։
«Խոսրովի անտառ» պետական արգելոցի ֆոտոթակարդները արձանագրել են Հայաստանի ամենագեղեցիկ և ամենահազվագյուտ գիշատիչներից մեկին՝ կովկասյան ընձառյուծին։
Այս բացառիկ կադրերը ևս մեկ անգամ հաստատում են, որ մեր երկրի բնությունը շարունակում է պահպանել իր կենսաբանական բազմազանության եզակի արժեքները, իսկ իրականացվող պահպանական միջոցառումները տալիս են շոշափելի արդյունքներ»,- գրել է Մաթևոսյանը։

թվականից։ Նա կինոյի լեզվով հետաքրքիր պատմություններ է պատմում ոչ միայն անհատի, այլև ազգային փոքրամասնությունների, իր հայրենակիցների մասին, անդրադառնում է տարբեր մշակույթների, ենթամշակույթների՝ աշխարհին ցույց տալով, որ յուրաքանչյուրն իրավունք ունի իր տեղը զբաղեցնել այս երկնքի տակ։
Օհանյանի ֆիլմերը, որոնք և՛ կատակերգություն, և՛ դրամա, և՛ թրիլեր են հիշեցնում, արժանացել են բազմաթիվ հեղինակավոր մրցանակների, սակայն ամենասպասված մրցանակներն էին «Ոսկե գլոբուս»-ը և «Օսկար»-ը՝ «Մեղսավորները» ֆիլմի համար։
Օրերս Սև Օհանյանը հյուրընկալվել էր Երևանի «Ոսկե ծիրան» միջազգային կինոփառատոնին, որի շրջանակում արժանացավ «Վարպետ» մրցանակին՝ նշելով, որ այն իր համար շատ թանկ է։
«Արմենպրես»-ի թղթակիցը բաց չի թողել պրոդյուսերի հետ հանդիպելու և նրան մի քանի հարց ուղղելու հնարավորությունը։

Ամառը հանգստի, ճանապարհորդությունների և բացօթյա ակտիվ կյանքի շրջան է, սակայն հենց այս սեզոնին զգալիորեն աճում է նաև վարակիչ հիվանդությունների տարածման վտանգը։ Վերջին շրջանում արձանագրված աղիքային վարակների և սննդային թունավորումների դեպքերը ևս մեկ անգամ հիշեցնում են, որ նույնիսկ ամենապարզ անուշադրությունը կարող է առողջական լուրջ խնդիրների պատճառ դառնալ։
Ինչպե՞ս պաշտպանվել ամռանը տարածված վարակներից, ինչպե՞ս տարբերել սննդային թունավորումը աղիքային վարակից, ե՞րբ է անհրաժեշտ անհապաղ դիմել բժշկի, որքանո՞վ են անվտանգ լողավազաններն ու ճանապարհորդությունները, ինչո՞ւ չի կարելի ինքնուրույն հակաբիոտիկներ ընդունել և որո՞նք են այն ամենատարածված սխալները, որոնք մարդիկ կրկնում են ամառվա ընթացքում։
Այս և բազմաթիվ այլ կարևոր հարցերի շուրջ «Արմենպրես»-ը զրուցել է «Միքայելյան» համալսարանական հիվանդանոցի Ինֆեկցիոն կլինիկայի ղեկավար, ԵՊԲՀ ինֆեկցիոն հիվանդությունների ամբիոնի վարիչ, բ․գ․թ․, դոցենտ Վիգեն Ասոյանի հետ։

«Արարատ-Արմենիա»-ն Երևանում հաղթեց իռլանդական «Շեմրոկ Ռովերս»-ին
Ֆուտբոլի Չեմպիոնների լիգայի որակավորման երկրորդ փուլի առաջին խաղում Հայաստանի չեմպիոն «Արարատ-Արմենիա»-ն հյուրընկալեց իռլանդական «Շեմրոկ Ռովերս»-ին։
Վազգեն Սարգսյանի անվան «Հանրապետական» մարզադաշտում կայացած խաղի առաջին կեսում գնդակին ու նախաձեռնությանը հիմնականում տիրում էր Հայաստանի չեմպիոն «Արարատ-Արմենիա»-ն: «Շեմրոկ Ռովերս»-ը հիմնականում գործում էր հակագրոհների ժամանակ: Առաջին կեսում երկու թիմերից և ոչ մեկին այդպես էլ չհաջողվեց բացել հանդիպման հաշիվը:
Երկրորդ կեսի մեկնարկին «Արարատ-Արմենիա»-ն օգտագործեց իր հնարավորությունն ու առաջ անցավ հաշվի մեջ: Գոլն իր ակտիվում գրանցեց Սանդրո Լիման: «Շեմրոկ Ռովերս»-ը բաց թողած գնդակից հետո սկսեց առավել ակտիվ գործել, սակայն «Արարատ-Արմենիա»-ի պաշտպանները հստակ էին գործում: Հանդիպման 80-րդ րոպեին Հայաստանի չեմպիոնը երկրորդ գնդակն ուղարկեց մրցակցի դարպասը: Հեռահար ու դիպուկ հարվածով աչքի ընկավ Զիդանը:
«Արարատ-Արմենիա»-«Շեմրոկ Ռովերս»` 2:0:
Թիմերի պատասխան հանդիպումը կկայանա մեկ շաբաթ անց` Իռլանդիայում:

Հուլիսի 21-ին արձանագրված ՊՆ N զորամասի զինծառայողի մահվան դեպքի առթիվ նախաձեռնվել է քրեական վարույթ: 
Այս մասին հայտնում է ՀՀ քննչական կոմիտեի մամուլի քարտուղար Կիմա Ավդալյանը։
«Կատարվում են քննչական և վարութային գործողություններ»,-«Ֆեյսբուք»-ի իր պաշտոնական էջում հրապարակված հաղորդագրության մեջ գրել է նա։

ՀՀ ներքին գործերի նախարար Արփինե Սարգսյանը Նիդերլանդների Թագավորության Հարլեմ քաղաքում աշխատանքային այցի շրջանակում հարցազրույց է տվել՝ ներկայացնելով Հայաստանի Հանրապետությունում նոր սերնդի կենսաչափական համակարգի ներդրման ուղղությամբ իրականացված աշխատանքներն ու արձանագրված արդյունքները։
ՀՀ ՆԳՆ նախարարությունից հայտնում են, որ նախարարը նշել է՝ կենսաչափական նոր համակարգի ներդնումը պետական ինստիտուտների թռիչքաձև զարգացման արդիականացման, պետություն-քաղաքացի երկկողմ վստահության ամրապնդման և այս ոլորտում նաև հանրային ծառայությունների մատուցման նոր նշաձող սահմանելու մասին է։

Կարեն Կարագուլյանը կխաղա օսկարակիր արտիստների մասնակցությամբ «Պոզիտանո» ֆիլմում
Ամերիկաբնակ դերասան Կարեն Կարգուլյանը, որի մասնակցությամբ «Անորա» ֆիլմը 2025-ին «Օսկար»-ի արժանացավ որպես տարվա լավագույն կինոնկար, Դենիել Ռոհերի «Պոզիտանո» ֆիլմի դերասանական կազմում է։
«Արմենպրես»-ի հաղորդմամբ՝ այս մասին հայտնում է «Նեթֆլիքս»-ը։
«Պոզիտանո»-ն պատմում է երկու մրցակից գողերի մասին, որոնք ներքաշվում են վտանգներով լի խաղի մեջ։
Գլխավոր դերերում են «Օսկար»-ի դափնեկիրներ Մեթյու Մակքոնահին և Զոյի Սալդանան։
Ֆիլմում կնկարահանվեն նաև Թոնի Քոլեթը, Սալվատորե Էսպոզիտոն, Միկելե Սավոյան և Լորենցո դե Մուրը և այլք։
«Պոզիտանո»-ի թողարկման ամսաթիվը դեռ հայտնի չէ։

Կենտրոնական ընտրական հանձնաժողովը «Ուժեղ Հայաստան» դաշինքից ընտրված պատգամավոր Նարեկ Կարապետյանի նկատմամբ քրեական հետապնդում հարուցելուն համաձայնություն տալու հարցի քննարկումը հետաձգել է մինչև հուլիսի 22-ը՝ ժամը 13։00-ն։

Գլխավոր դատախազությունը Կենտրոնական ընտրական հանձնաժողովին միջնորդություն է ներկայացրել՝ համաձայնություն տալ «Ուժեղ Հայաստան» դաշինքից ընտրված պատգամավոր Նարեկ Կարապետյանի նկատմամբ քրեական հետապնդում հարուցելուն։
Այս մասին լրագրողների հետ զրույցում հայտնել է ԿԸՀ նախագահ Վահագն Հովակիմյանը։

«Նարեկ Կարապետյանի մասով դատախազությունից ստացել ենք միջնորդություն, որ քրեական հետապնդում լինի»,- ասել է Հովակիմյանը։

Նա պարզաբանել է, որ Կարապետյանը գրանցվել է որպես ընտրված պատգամավոր, սակայն պատգամավորական լիազորությունները կստանձնի նորընտիր Ազգային ժողովի առաջին նստաշրջանի բացման պահից։ Մինչ այդ, ըստ Հովակիմյանի, դատախազության միջնորդության քննարկումը ԿԸՀ-ի իրավասության շրջանակում է։
Ընտրական օրենսգրքի 90-րդ հոդվածի 5-րդ մասի համաձայն՝ մինչև պատգամավորական լիազորությունների ստանձնումն ընտրված պատգամավորի նկատմամբ քրեական հետապնդում կարող է հարուցվել միայն ԿԸՀ-ի համաձայնությամբ։
Համապատասխան որոշումն ընդունվում է հանձնաժողովի անդամների ընդհանուր թվի ձայների առնվազն երկու երրորդով։
«Արմենպրես»-ը փորձեց պարզել, թե քրեական ինչ վարույթի շրջանակներում է Դատախազությունը նախատեսում քրեական հետապնդում հարուցել Նարեկ Կարապետյանի նկատմամբ, սակայն Դատախազությունից նշեցին, որ, ելնելով նախաքննության շահերից, չեն մեկնաբանում։

⚡️ Օրերս ռուսական մամուլը գրել էր, որ հուլիսի 10-ից Ռուսաստանի հավատարմագրման դաշնային ծառայությունը («Ռոսակկրեդիտացիա») առաջին անգամ 12 ամսով կասեցրել է Հայաստանի սերտիֆիկացման մարմինների փաստաթղթերի գործողությունը:
Խոսքը թեթև արդյունաբերության արտադրանքի համար նախատեսված չորս սերտիֆիկատների և սննդամթերքի համար տրված հայտարարագրի մասին է, որոնք տրամադրվել են «ԱՐՄՏԵՍՏ» ՍՊԸ-ի և «ԱՐՄ-ՏԵՍՏ» ՍՊԸ-ի կողմից։
Հարցի շուրջ պարզաբանում ստանալու նպատակով «Արմենպրես»-ը դիմել էր ՀՀ էկոնոմիկայի նախարարությանը, որտեղից մեզ տեղեկացրին, որ նախարարության ենթակայությամբ գործող Հավատարմագրման ազգային մարմնի կողմից դեռևս 2026 թվականի ապրիլի 21-ից է դադարեցվել «ԱՐՄ-ԹԵՍՏ» ՍՊԸ-ի արտադրանքի սերտիֆիկացման մարմնի հավատարմագրումը:

««ԱՐՄ-ԹԵՍՏ» ՍՊԸ-ի արտադրանքի սերտիֆիկացման մարմինը իր գործունեության ընթացքում խախտել է ԵԱՏՄ համապատասխանության գնահատման ոլորտը կարգավորող իրավական ակտերով սահմանված պահանջները (տեխնիկական կանոնակարգերի պահանջներին արտադրանքի համապատասխանության հայտարարագրման և սերտիֆիկացման ընթացակարգերը)։
ՀՀ Էկոնոմիկայի նախարարությունը, կարևորելով համապատասխանության գնահատման գործընթացների օրինականության ապահովումը, գործող օրենսդրության պահանջներին համապատասխան կիրառել է վերոնշյալ սերտիֆիկացման մարմնի նկատմամբ նախատեսված անհրաժեշտ միջոցները։ Ինչ վերաբերում է գրությամբ նշված «ԱՐՄՏԵՍՏ» ՍՊԸ-ի արտադրանքի սերտիֆիկացման մարմնին, ապա տեղեկացնում ենք, որ «ԱՐՄՏԵՍՏ» ՍՊԸ-ի ներկայացրած դիմումի հիման վրա 2024 թվականի հունվարի 18-ից դադարեցվել է նշված արտադրանքի սերտիֆիկացման մարմնի հավատարմագրումը»,- ասված է նախարարության պարզաբանման մեջ: