Category: Azatutyun

ԱՄՆ-ն գիշերը շատ ուժեղ կհարվածի Իրանին, իսկ առաջիկայում կգրավի Խարգ կղզին. Թրամփ

Էրդողանը շնորհավորել է Փաշինյանին

«Ես լիովին հավատացած եմ, որ տարածաշրջանում երկարատև խաղաղության և կայունության հաստատման և այդ ուղղությամբ անհրաժեշտ համագործակցության ապահովման վերաբերյալ Ձեր ռազմավարական տեսլականը հաջողությամբ ավարտին կհասցվի»:
Թուրքիայի ղեկավարը Փաշինյանին առողջություն և բարեկեցություն, իսկ Հայաստանի ժողովրդին՝ բարգավաճում և երջանկություն է մաղթել:

Պակիստանի վարչապետը շնորհավորել է Փաշինյանին

«Ակնկալում եմ Ձերդ Գերազանցության հետ համագործակցելուն՝ Պակիստան-Հայաստան հարաբերություններն ամրապնդելու համար, և ցանկանում եմ ընդգծել, որ Պակիստանը մեծ նշանակություն է տալիս խաղաղությանը և կառուցողական համագործակցությանն Ադրբեջանի և Հայաստանի միջև»։

ՊՆ սպա է մահացել, նախաձեռնվել է քրեական վարույթ

Հունիսի 10-ին Պաշտպանության նախարարության սպա է մահացել: Մահվան պատճառների մասին Քննչականն ու ՊՆ-ը լռում են: Քննչական կոմիտեից «Ազատությանը» միայն հայտնեցին, որ քրեական վարույթ է նախաձեռնվել: Հրաժարվում են անգամ հոդվածը նշել:
Ըստ «Փաստինֆո» կայքի՝ սպան մահացել է Բաղրամյան զորամարզադաշտում տանկային վարժանքների ընթացում։

ՊՆ-ից այս տեղեկությունը չեն հերքել, «Ազատության» զանգերին չեն արձագանքում:

Փաշինյանը՝ ընդդիմության մանդատները չվերցնելու քննարկումների, Պուտինի՝ իրեն չշնորհավորելու մասին

«Ինչ վերաբերում է՝ իրենց մանդատ վերցնել-չվերցնելու հարցին, սկզբունքորեն, իրենք մանդատ չունեն էլ, որ վերցնեն: Մնացածն իրենց որոշման դաշտն է: Եթե որոշեն չվերցնեն, գոնե էդքանով ազնիվ կլինեն, որ կունենանք մաքուր, լեգիտիմ խորհրդարան: Թե չէ, գալուն են, իրենց ընտրակաշառքի գարշահոտը տարածեն խորհրդարանի դահլիճով մեկ»,-ասաց Փաշինյանը՝ հավելելով՝ խորհրդարանի գործունեության համար միայն քվորում է պետք:
Փաշինյանը նաև արձագանքեց ՌԴ նախագահի՝ իրեն չշնորհավորելու մասին հարցին. «Պուտինի մասով, չի շնորհավորել, հուսանք՝ կշնորհավորի»:

Գագիկ Ծառուկյանը կխնդրի, որ ես իրան գործարք առաջարկեմ, ստոյկա կտա, որ գործարք առաջարկեմ. Փաշինյան

«Երբ ասում են՝ առաջարկել են գործարք, թող ասեն՝ ով ում: Գագիկ Ծառուկյանին որ գործարք առաջարկեինք, ծնկոաչոք էդ գործարքին կգար: Հայաստանում իրան գործարք առաջարկող չի եղել, դրա համար որբի նման ընկել ա աշխարհեաշխարհ, տարբեր տեղեր փնտրել-գտել, հետո պարզվել ա տարբեր տեղեր իրան հավաքագրել են, ինքը դրանից տեղյակ էլ չի… Գագիկ Ծառուկյանը կխնդրի, որ ես իրան գործարք առաջարկեմ, ստոյկա կտա, որ գործարք առաջարկեմ»,-հայտարարեց Փաշինյանը՝ պատասխանելով՝ Ծառուկյանին գործարք առաջարկելու մասին հարցին:
Վարչապետը նշեց՝ գլխավոր մրցակիցները ընտրակաշառքով են խորհրդարան անցել:

ՊԵԿ նախագահը՝ Գագիկ Ծառուկյանի դեմ հարուցված մեղադրանքի մասին

«Գործն այս պահին քննվում է, 19 թե 24 թվականի մասին է խոսք գնում նաև: Վառելիքի ներմուծման ոլորտում թաքցրած հարկերի մասին է խոսքը, որը նախկինում է ըստ էության բացահայտվել, այդ գործով վաղուց քրեական գործ կա հարուցված, ու քննության արդյունքում եկել է մի կետի Քննչական կոմիտեն, որ այդ գործողության անհրաժեշտությունն է առաջացել», — ասաց Հակոբյանը:
Ըստ ՊԵԿ նախագահի՝ խոսքը դիզվառելիքի մասին է:

Կառավարությունը աջակցություն կտրամադրի մրգի, գինու, հանքային ջուր արտահանողներին

«Նախագծով առաջարկվում է հունիս ամսվա ընթացքում արտահանում իրականացնող տնտեսվարողներին տրամադրել փոխհատուցում ծիրանի մեկ կգ-ի համար 200 դրամ, սալորի, դեղձի ու նեկտարինի յուրաքանչյուր մեկ կգ-ի համար՝ 250 դրամ, կեռասի՝ 400 դրամ, շշալցված խաղողի գինու յուրաքանչյուր մեկ լիտրի համար՝ 350 դրամ, շշալցված բրենդիի մեկ լիտրի համար՝ 830 դրամ և հանքային ջրի համար՝ 150 դրամ», — ներկայացրեց էկոնոմիկայի փոխնախարար Արման Խոջոյանը: