Category: Civilnet

Հայաստանն իր պատմության մեջ առաջին անգամ Պակիստանում դեսպան կունենա։
Հայաստանի նախագահ Վահագն Խաչատուրյանի հրամանագրով Կարեն Գրիգորյանը, համատեղության կարգով, նշանակվել է Պակիստանում ՀՀ դեսպան։

🚘Այսօրվանից՝ հուլիսի 6-ից, ուժի մեջ է մտնում վարորդական իրավունքից զրկված անձանց իրավունքների վերականգնման նոր մոդելը։ Առանց քննությունների վարորդական իրավունքը վերականգնելու նոր կարգավորումը համաներում չէ, այլ՝ մոդելի փոփոխություն, ասել է Պարեկային ծառայության պետի տեղակալ Արման Չիլինգարյանը՝ հուլիսի 6-ին ասուլիսի ժամանակ։
Վարելու իրավունքի վերականգնումից հետո անձի համար կսահմանվի մեկ տարվա փորձաշրջան և այդ ընթացքում նրան 13 միավորի փոխարեն կտրամադրվի 6 միավոր։

📌Աջափնյակ մետրոյի կայարանի կառուցման ծրագիրը ստացել է Հայաստանի կառավարության ֆինանսական հաստատումը, և առաջիկա մեկ-երկու ամսվա ընթացքում կորոշվի դրա իրականացման հստակ ձևաչափը։ Երևանի քաղաքապետ Տիգրան Ավինյանը հուլիսի 6-ին գործակարգավարական նիստի ժամանակ հայտարարել է, որ կայարանի կառուցման նախագիծն ու նախահաշիվն արդեն պատրաստ են, և այն գործադիրի կողմից հաստատված ենթակառուցվածքային խոշոր փաթեթի ամենահասուն ու իրականացմանը մոտ գտնվող կոմպոնենտն է։

📌Հայաստանի կառավարությունը Եվրասիական տնտեսական միությունից դուրս գալու սցենար չի դիտարկում` միևնույն ժամանակ վստահեցնելով, որ ռուսական շուկայում հայկական գյուղմթերքի արտահանման սահմանափակումների տնտեսական ռիսկերը կառավարելի են: Այս մասին «ՍիվիլՆեթ բիզնեսին» տված հարցազրույցում հայտարարել է ֆինանսների նախարար Վահե Հովհաննիսյանը։

«Հայաստան» դաշինքը կվերցնի մանդատները, այս մասին ասված է դաշինքի տարածած հայտարարության մեջ։
Հայտարարության մեջ նշվում է, որ «Հայաստան» դաշինքը պատգամավորական մանդատները դիտարկում է որպես իրավաքաղաքական «զենք» խորհրդարանում և խորհրդարանից դուրս գործող «վարչախմբի» հեռացմանը, Սահմանադրության փոփոխության կանխմանն ու ազգային օրակարգի սպասարկմանը հասնելու համար։

🚨 Խուզարկություն է իրականացվում Գագիկ Ծառուկյանի տանը։
📍 ԲՀԿ առաջնորդ Գագիկ Ծառուկյանի տանը խուզարկություն է իրականացվում։ Այս մասին քիչ առաջ հայտնել է ԲՀԿ-ական Արման Աբովյանը։
👮 Նրա խոսքով՝ տան մուտքերը փակել են զինված իրավապահները։
❓ Աբովյանի փոխանցմամբ՝ առայժմ հայտնի չէ, թե որն է խուզարկության նպատակը և ինչ շրջանակներում է այն իրականացվում։

📌 Նիկոլ Փաշինյանն աշխատանքային այցով մեկնել է Ռուսաստանի Դաշնություն։
 
Փաշինյանը Եկատերինբուրգում կմասնակցի «Իննոպրոմ-2026» միջազգային արդյունաբերական ցուցահանդեսի շրջանակում անցկացվող «Ինդուստրիա 360. Արտադրություն առանց սահմանների» թեմայով լիագումար նիստին։
 
Նախատեսված է նաև վարչապետ Նիկոլ Փաշինյանի հանդիպումը Ռուսաստանի Դաշնության կառավարության նախագահ Միխայիլ Միշուստինի հետ։

📌 Եթե Ռուսաստանը պաժամիջոցները տարածի նաև գազի վրա, ի՞նչ է անելու Հայաստանը. Հայկ Գևորգյան
👉 ԱՎԵԼԻՆ

📌 «Ուժեղ Հայաստան» դաշինքը կվերցնի Ազգային ժողովի մանդատները և կմասնակցի խորհրդարանի աշխատանքներին։ Այս մասին հայտարարել է դաշինքի ներկայացուցիչ Նարեկ Կարապետյանը՝ նշելով, որ այդ որոշումը կայացվել է երկու հնարավոր սցենարների քննարկումից հետո։
Կարապետյանի խոսքով՝ քննարկվել է ինչպես Ազգային ժողով չմտնելու և միայն փողոցային պայքարի տարբերակը, այնպես էլ խորհրդարանում ներկայացվածություն ունենալու տարբերակը։ Եկել են եզրակացության, որ քաղաքական փոփոխությունների համար անհրաժեշտ է համատեղել փողոցային պայքարը և խորհրդարանական ներկայությունը։

📌 Պաշտպանության ծախսերի նվազում չի լինելու, կլինի միայն ավելացում. նախարար
👉 ԱՎԵԼԻՆ