💥 Նիկոլ Փաշինյանի մյուս հայտարարությունը վերաբերում էր Հայկ Սարգսյանին՝ ներկայիս ՔՊ պատգամավորը, որը սակայն տեղ չի ունենա ՔՊ նախընտրական ցուցակում: Ինչպես արդեն հայտնի է, Հայկ Սարգսյանը դրա համար մեղադրում է Ալեն Սիմոնյանին եւ շրջանակին, ասելով, որ պատճառը բուքմեյքերական ընկերությունների հարկերն ավելացնելու վերաբերյալ իր օրինագիծն էր:
Նիկոլ Փաշինյանը դե ֆակտո ակնարկել է, թե Հայկ Սարգսյանն ինքն է առնչվում ինչ որ կոռուպցիոն թեմաների եւ նրան ցուցակից դուրս թողնելը վկայում է, որ ՔՊ-ում դա չեն հանդուրժում:
Նիկոլ Փաշինյանը զոհաբերու՞մ է իր երբեմնի զինակցին, որը այսպես ասած հեղափոխության օրերին նրա կողքին էր ստվերի նման: Ըստ ամենայնի՝ այո: Փաստացի, Փաշինյանը ստիպված է գնալ ներիշխանական «զոհաբերության»: Եվ նրա այդ խնդիրների անխուսափելիության մասին ես գրում եմ դեռեւս 2024 թվականից: Նա իհարկե կփորձի ստանալ հայտնի էֆեկտը՝ «խփիր յուրայիններին, որ օտարները վախենան»:
Բայց, երբ «օտարներին վախեցնելու» հարցում իրավիճակը հասնում է «յուրայիններին խփելու» անհրաժեշտության, դա մեղմ ասած «լավ օրից չէ»: