Category: Գեոպոլիտիկա

🇦🇲 «Ուժեղ Հայաստան» դաշինքը դատապարտում է գործող իշխանությունների կողմից «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ իրականացվող քաղաքական բռնաճնշումներն ու նրան պատկանող ձեռնարկություններում տեղի ունեցած խուզարկությունները: Սա երկրում շարունակվող քաղաքական զանգվածային հետապնդումների հերթական օրինակն է։
Գործող իշխանությունների կողմից շարունակվող բռնաճնշումների հիմնական նպատակն է լռեցնել ընդդիմադիր ուժերին։ Իրավապահ համակարգի կիրառումը` որպես քաղաքական զենք, ծանր հարված է հասցնում երկրի տնտեսությանը և ներդրումային միջավայրին։
Ակնհայտ է, որ այս ամենը չունի հանրային աջակցություն:
Հայաստանին անհրաժեշտ է փոփոխություն, որը կապահովի իրավունքի գերակայություն, անկախ արդարադատություն և հասարակության բարեկեցություն։
@armgeopolitic

Ուկրաինան գործնականում ռուսական բալիստիկ հրթիռները խոցելու գրեթե ոչինչ չունի։
Արևմտյան գործընկերները որսիչները պահում են իրենց, քանի որ վախենում են Ռուսաստանի հարձակումից։

Ուկրաինայի պաշտպանության նախարարի խորհրդական Սերգեյ Բեսկրեստնով

​​«Հայաստան» դաշինքի հայտարարությունը
«Հայաստան» դաշինքը դատապարտում է բացահայտ քաղաքական հաշվեհարդարի շրջանակներում «Բարգավաճ Հայաստան» կուսակցության առաջնորդ Գագիկ Ծառուկյանի ձերբակալությունը, ինչպես նաև վերջինիս ընտանիքի անդամներին պատկանող ձեռնարկություններում այսօր իրականացված գործողությունները։
Փաստում ենք.
Ուժային կառույցները քաղաքական մահակի վերածելու և ընդդիմախոսներին ճնշելու գործող վարչախմբի գործելաոճը դուրս է իրավական որևէ տրամաբանությունից և արտացոլում է իշխող վարչախմբի վախերը։
Սեփականության իրավունքի ոտնահարումն ու տնտեսական տեռորը ուղղակի հարված են երկրի ներդրումային միջավայրին և տնտեսական անվտանգությանը։
Ակնհայտ է, որ այսպիսի գործողություններով իշխող վարչախումբը փորձում է քողարկել լեգիտիմության ճգնաժամը և հակապետական նպատակների իրագործման ճանապարհին վերացնել հնարավոր դիմադրության բոլոր օջախները։
Մեր աջակցությունն ենք հայտնում Գագիկ Ծառուկյանին և քաղաքական դրդապատճառներով հետապնդվող բոլոր անձանց։
Հրավիրում ենք միջազգային բոլոր դերակատարների ուշադրությունը Հայաստանում հետընտրական զարգացումներին և կոչ անում հստակ գնահատականներով կանխել Հայաստանում ավտորիտար ռեժիմի ամրապնդումը։
«Հայաստան» դաշինք
06 հուլիսի, 2026թ.
@armgeopolitic

🇦🇲 Գագիկ Ծառուկյանին մեղադրում են առանձնապես խոշոր չափերով խարդախություն և փողերի լվացում կատարելու մեջ:
@armgeopolitic

🇦🇲 Գագիկ Ծառուկյանին տեղափոխել են Քննչական կոմիտե:
Իվետա Տոնոյան
@armgeopolitic

🇦🇲🇷🇺 Ինչպես ընտրություններից առաջ, այնպես էլ հիմա մենք հետաքրքրված ենք Ռուսաստանի հետ հարաբերությունների զարգացմամբ ու ԵԱՏՄ-ին մասնակցությամբ։
Նիկոլ Փաշինյանը՝ Միխայիլ Միշուստինին
@armgeopolitic

🇹🇷🇬🇪 Վրաստանն ու Թուրքիան անցել են թվային թույլտվությունների միջազգային ավտոմոբիլային բեռնափոխադրումների համար, հաջորդ փուլում թվային ձևաչափը կկիրառվի նաև այլ գործընկեր երկրների հետ, հայտնում է Թուրքիայի ցամաքային տրանսպորտի գործակալությունը։
@armgeopolitic