Category: Hetq

🌡 Օդի ջերմաստիճանը աստիճանաբար կբարձրանա 3-6, այնուհետև՝ 7-10 աստիճանով
⛅️ Երևան քաղաքում մարտի 11-ի ցերեկը, 12-13-ին սպասվում է առանց տեղումների եղանակ։ Մարտի 14-16-ի ժամանակ առ ժամանակ սպասվում են տեղումներ, մարտի 14-ին թաց ձյան և ձնախառն անձրևի, մարտի 15-16-ին անձրևի տեսքով։
🌧 Հանրապետության տարածքում մարտի 11-ի ցերեկը, 13-14-ին առանձին շրջաններում, 15-16-ին շրջանների մեծ մասում սպասվում են տեղումներ․ լեռնային և նախալեռնային շրջաններում ձյան, հովտային շրջաններում ձնախառն անձրևի և անձրևի տեսքով։ Մարտի 12-ին սպասվում է առանց տեղումների եղանակ։

Լիբանանի հայկական Անջար քաղաքն ապաստան է տվել այլ բնակավայրերից դուրս եկած մոտ 500 մարդու
Մերձավոր Արեւելքում փետրվարի 28-ից ընթացող պատերազմը հասել է նաեւ Լիբանան, որը հյուսիսից սահմանակից է Իսրայելին: Լիբանանի հարավում տեղի եւ իսրայելական ուժերի միջեւ ինտենսիվ բախումներ են: Իսրայելը ավիահարվածներ է հասցրել նաեւ մայրաքաղաք Բեյրութի արվարձաններին ու Լիբանանի արեւելքում գտնվող Բեքաայի հովտին: Գլխավոր թիրախում լիբանանյան «Հեզբոլլահ» կուսակցության ենթակառուցվածքներն են: Սա շիա իսլամի հետեւորդ քաղաքական ուժ է, որը պատմականորեն աջակցում է Իրանին (շիա իսլամը Իրանի պետական կրոնն է):
🗣 Անջարի քաղաքապետ Սեդրակ Հավաթանը «Հետքի» հետ հեռախոսազրույցում ասում է, որ հայկական բնակավայրն այս պահին ապահով է: Նրա փոխանցմամբ՝ բնակավայրի հիմնադրման օրվանից՝ 1939-ից, համայնքապետարանը ՀՅԴ տարբեր մարմինների ու կազմակերպությունների հետ համագործակցությամբ միշտ կազմակերպել է գյուղի անվտանգությանն ուղղված միջոցառումներ: Ներկայում, մասնավորապես, ձեւավորվել է շտաբ, որի նպատակը Անջարի կարիքները գնահատելն ու դրանց լուծում տալն է:
🔗 Ավելին՝ ԱՅՍՏԵՂ

«Մենք սկսել ենք ավելի լավ բուժել քաղցկեղը». վիրաբույժ Տիգրան Բյուզանդյան 
Հայաստանում քաղցկեղի հայտնաբերման ցուցանիշները տարեցտարի աճում են։ Մասնագետների կարծիքով, այդ աճը նշանակում է, որ մարդիկ ավելի հաճախ են քաղցկեղով հիվանդանում, բայց նաեւ բժշկության առաջընթացի և քաղցկեղով հիվանդների ավելի երկար ապրելու արդյունք է։
❔Այս հարցերի, ինչպես նաեւ քաղցկեղի առաջացման ու բուժման մասին «Հետքը» զրուցել է Ուռուցքաբանության ազգային կենտրոնի թորակալ վիրաբույժ, Կրծքավանդակային վիրաբուժության և ինտերվենցիոն թոքաբանության բաժանմունքի վարիչ Տիգրան Բյուզանդյանի հետ: 
🔗Հարցազրույցը` կարդացեք ԱՅՍՏԵՂ

❓Փաստորեն. ո՞վ է ստում՝ Թաթոյա՞նը, թե՞ իշխանությունը
Մարտի 4-ին մարդու իրավունքների նախկին պաշտպան, «Միասնության թեւեր» քաղաքական նախաձեռնության ղեկավար Արման Թաթոյանը հայտարարեց, որ 2025 թվականին Ադրբեջանը Հայաստանի ինքնիշխան տարածքում իրականացրել է նոր ներխուժումներ:
📡 Չնայած Թաթոյանը արբանյակային լուսանկարներ է ներկայացրել, որոնք համարվում են փաստերի ստուգման չեզոք եւ օբյեկտիվ միջոցներ, իշխանության ներկայացուցիչները սրերով ընդունեցին նրա հայտարարությունները:

Ողջամիտ ժամկետը՝ թղթի վրա, վճիռների հերթը հասել է 2028 թվական. Հայաստանում իրականությունն այլ է

Արդարադատությունը պետք է իրականացվի ողջամիտ ժամկետներում, լինի արդյունավետ և հասանելի։ Սակայն Հայաստանում իրականությունն այլ է։ Վարչական և Վերաքննիչ վարչական դատարաններն այնքան ծանրաբեռնված են, որ դատական նիստերը կամ նույնիսկ վճռի հրապարակման օրերը նշանակվում են արդեն 2028 թվականին։
📌 Այս թեմայի շուրջ զրուցել ենք Վերաքննիչ վարչական դատարանի նախագահ Ռուստամ Մախմուդյանի հետ։

Ինչո՞ւ է ԱՊՊԱ-ն թանկացել, երբ ոլորտի վնասաբերության ցուցանիշն իջել է
Անզեն աչքով երևում է, որ Հայաստանում ավտոմեքենաների քանակը գնալով ավելանում է։ Այդ ավտոմեքենաները պետք է ԱՊՊԱ պայմանագրեր կնքեն, հետևաբար ԱՊՊԱ-ի թանկացումը շատերի ընտանեկան բյուջեին է հարվածում։
📌 «Հետք»-ի տաղավարում ԱՊՊԱ բյուրոյի գործադիր տնօրեն Վաղինակ Եղիազարյանի հետ փորձել ենք հասկանալ, թե ինչու են գները բարձրանում, հատկապես այն պարագայում, երբ 2025 թվականին ապահովագրական ընկերությունների շահույթն աճել է։

Նոր զարգացումներ` Մասյացոտնի թեմի շուրջ․ եկեղեցին վիճարկում է հարկադիր կատարողի որոշումները
Մասյացոտնի թեմի առաջնորդի շուրջ ծագած իրավական վեճը նոր փուլ է մտել․ դատարանում վիճարկվում են Հարկադիր կատարումն ապահովող ծառայության (ՀԿԱԾ) որոշումները, որով պետական կառույցը փորձել է ապահովել Արման Սարոյանի (Տ. Գևորգ եպիսկոպոս Սարոյանի) լիազորությունների իրականացումը։ Եկեղեցին, սակայն, պնդում է, որ հարկադիր կատարողը գերազանցել է իր լիազորությունները և միջամտել եկեղեցու ներքին կառավարմանը։🔻Հայաստանյայց Առաքելական Սուրբ Եկեղեցին ՀԿԱԾ դեմ երեք հայցադիմում է ներկայացրել Վարչական դատարան՝ պահանջելով անվավեր ճանաչել նրա որոշումները:
📌 Հայցերից մեկով վիճարկվում է ՀԿԱԾ 2026թ. փետրվարի 18-ի որոշումը: Արման Սարոյանը, դիմելով Հարկադիր ծառայություն, հայտնել է, որ Ռուբեն վարդապետ Զարգարյանը, անտեսելով դատարանի միջանկյալ որոշումը, շարունակում է խոչընդոտներ ստեղծել Մասյացոտնի թեմի առաջնորդի գործունեության համար. շրջում է թեմի եկեղեցիներով, պատարագներ է մատուցում, հանդիպումներ կազմակերպում թեմական քահանաների և երիտասարդների հետ, ժողովներ անցկացնում: Ստեղծել է առաջնորդարան Մասիս համայնքի Դաշտավան վարչական շրջանում, բացել է ֆեյսբուքյան նոր էջ, տարածում են հայտարարություններ, խաթարում թեմի գործունեության բնականոն ընթացքը:
🔗 Մանրամասները՝ ԱՅՍՏԵՂ

💰 Մանկավարժական համալսարանի ռեկտորը և պրոռեկտորը մեղադրվում են առանձնապես խոշոր չափերի կաշառք ստանալու մեջ
Հակակոռուպցիոն կոմիտեից հայտնում են, որ իրականացված օպերատիվ-հետախուզական միջոցառումների արդյունքում նախաձեռնված քրեական վարույթով պարզվել է, որ Խաչատուր Աբովյանի անվան հայկական պետական մանկավարժական համալսարանի պաշտոնատար անձինք, օգտագործելով իրենց ծառայողական լիազորությունները, խմբի կազմում, նախնական համաձայնությամբ ստացել են առանձնապես խոշոր չափերի կաշառք:

Մասնավորապես՝ համալսարանի պրոռեկտորի պաշտոնը զբաղեցրած անձը, ռեկտորի իմացությամբ, տրանսպորտային բաժնի պետին և համալսարանի ենթակայությամբ գործող «Աղավնաձոր» ուսումնական բազայի տնօրենին առաջարկել է «Խ. Աբովյանի անվան հայկական պետական մանկավարժական համալսարան» հիմնադրամի և բազայի կանոնադրությամբ սահմանված կարգի խախտմամբ հյուրերի ընդունման, նրանց հանգստի կազմակերպման, վերջիններից ստացված և հիմնադրամի հաշվեկշռում մուտքագրված գումարները տնօրինելու դիմաց իրեն և ռեկտորին կաշառք տալ:
Համալսարանի ևս 8 աշխատակիցների մեղադրանքներ են ներկայացվել կաշառք տալու, կաշառք ստանալուն օժանդակելու և խոշոր չափերով հափշտակություն կատարելու համար:
Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան

,- նշված է հաղորդագրության մեջ։

‼️Տարբեր սոցիալական հարթակներում՝ «Facebook», «Telegram» և այլն, տեղադրվում են ներդրում կատարելու միջոցով գումար աշխատելու վերաբերյալ գովազդներ՝ թողնելով հղում, որտեղ քաղաքացին լրացնում է իր անձնական տվյալները։ Դրանից հետո քաղաքացու հետ կապ են հաստատում օնլայն հեռահաղորդակցման միջոցներով՝ «WhatsApp», «Telegram» և այլ հավելվածներով, ներկայացնում եկամուտ ստանալու պայմանները՝ հիմնականում ստեղծելով օտարերկրյա կազմակերպություններում ստեղծված կեղծ ներդրումային հղումներով կայքեր, որտեղ քաղաքացին գրանցվում է, ստեղծում օգտահաշիվ, ստանում ֆիշինգային հղում, որտեղ օգտահաշիվը լիցքավորելու քողի տակ լրացնում է իր բանկային քարտի նույնականացման տվյալները՝ հանցագործներին հնարավորություն տալով հափշտակելու խոշոր և առանձնապես խոշոր չափերով դրամական միջոցներ:
❗️Քննչական կոմիտեն քաղաքացիներին հորդորում է նմանատիպ գովազդներ կամ հաղորդագրություններ ստանալու դեպքում զերծ մնալ թելադրվող գործողությունները կատարելուց, ինչպես նաև այդ մասին հայտնել իրավապահ մարմիններին։
Քննչական կոմիտե

🇦🇲🇮🇷 Վարչապետ Նիկոլ Փաշինյանը շնորհավորական ուղերձ է հղել Իսլամական հեղափոխության գերագույն առաջնորդ Սեյեդ Մոջթաբա Խամենեիին՝ գերագույն առաջնորդի պաշտոնում ընտրվելու առիթով: Այս մասին հայտնում են վարչապետի աշխատակազմից։
Ուղերձը՝ ստորև.

Շնորհավորում եմ Ձեզ Իսլամական հեղափոխության գերագույն առաջնորդի պաշտոնում ընտրվելու առիթով:
Վստահ եմ, որ Հայաստանի և Իրանի միջև ամուր կապերը կշարունակեն զարգանալ՝ գրանցելով նոր հաջողություններ:
Առիթը պատեհ համարելով՝ Իրանի բարեկամ ժողովրդին մաղթում եմ բարօրություն և հարատև խաղաղություն։