Category: Hetq

Հետք pinned «🎶 Ինչպես ստեղծվեց Manifeste-ը. զրույց Տիգրան Համասյանի և Վահան Ստեփանյանի հետ Կոմպոզիտոր, դաշանակահար Տիգրան Համասյանի և լուսանկարիչ, Rambalkoshe-ի հիմնադիր Վահան Ստեփանյանի հետ խոսել ենք Manifeste ալբոմի երաժշտությունից, մանիֆեսթի տեքստից, վիզուլ բովանդակությունից։…»

🎶 Ինչպես ստեղծվեց Manifeste-ը. զրույց Տիգրան Համասյանի և Վահան Ստեփանյանի հետ
Կոմպոզիտոր, դաշանակահար Տիգրան Համասյանի և լուսանկարիչ, Rambalkoshe-ի հիմնադիր Վահան Ստեփանյանի հետ խոսել ենք Manifeste ալբոմի երաժշտությունից, մանիֆեսթի տեքստից, վիզուլ բովանդակությունից։
Զրույցի ընթացքում խոսել ենք ալբոմի կոնցեպտից, նրա շուրջը հավաքված ստեղծագործողներից, նկարահանված և սպասվող հոլովականերից։

2024 թվականին ամեն օր քաղցկեղից մահացել է 14 մարդ
Երբ ամեն առավոտ փորձում ենք տեղավորվել Երևանի ծանրաբեռնված ավտոբուսներում, դժվար թե մտածենք, որ մեր կողքին նստած մարդը կարող է քաղցկեղ ունենալ։ 2025 թվականին հրապարակված տվյալներով՝ անկախացումից ի վեր ամեն տարի քաղցկեղի նոր հայտնաբերվող դեպքերը երկու անգամ աճել են։ Նույն տվյալների համաձայն, Երևանում ամեն 35-րդ մարդ ունի քաղցկեղ։
📌 Առողջության և առողջապահության ինստիտուտի չարորակ նորագոյացությունների 2025 թվականի վիճակագրական տարեգրքում ներկայացված տվյալները փաստում են քաղցկեղի հիվանդացության և 2024 թվականի տարեվերջին հաշվառման մեջ գտնվող բուժառուների թվի շարունակական և մտահոգիչ աճի մասին։
🔗 Մանրամասները՝ ԱՅՍՏԵՂ

💧 Սպասվում են տեղումներ
Հայաստանում փետրվարի 19-ի ցերեկը, 20-ի և 24-ի գիշերը, 22-ի ցերեկը, 23-ին առանձին շրջաններում սպասվում են տեղումներ․ նախալեռնային և հովտային շրջաններում՝ անձրևի, լեռնային շրջաններում՝ գիշերը ձյան, ցերեկը ձնախառն անձրևի տեսքով։
🌧 Երևանում փետրվարի 19-ի ցերեկը, 22-ի երեկոյան, 23-ի գիշերը սպասվում է կարճատև անձրև։ Փետրվարի 20-21-ին, 22-ի գիշերը, 23-ի ցերեկը, 24-ին սպասվում է առանց տեղումների եղանակ։
🌡 Օդի ջերմաստիճանը փետրվարի 19-ի ցերեկը, 20-ին աստիճանաբար կնվազի 4-5, Լոռիում, Տավուշում և Սյունիքում՝ 7-10 աստիճանով։

Ապրիլի 1-ից բոլոր կենսաթոշակները և նպաստները կվճարվեն անկանխիկ եղանակով
Ինչպես նշել է Աշխատանքի և սոցիալական հարցերի նախարար Արսեն Թորոսյանը, դեկտեմբերին ընդունված օրենքի համաձայն՝ ապրիլի 1-ից բոլոր կենսաթոշակները և նպաստները պետք է վճարվեն անկանխիկ եղանակով, և Կառավարության այս որոշումներով կարգավորվում է ամբողջ գործընթացը:

Մինչև սույն թվականի մարտի 5-ը խնդրում ենք բոլոր կենսաթոշակառուներին և նպաստառուներին ինքնուրույն ընտրել վճարող կազմակերպությունը՝ բանկը, և ինքնուրույն ստանալ բանկային քարտ, որի վրա հաջորդ կենսաթոշակը կամ նպաստը կփոխանցվի անկանխիկ եղանակով: Եթե դա մինչև մարտի 5-ը տեղի չունենա, մենք դա անելու ենք ավտոմատ եղանակով: Եվ քանի որ կլինեն քաղաքացիներ, որոնք օբյեկտիվ ու սուբյեկտիվ պատճառներով դա արած չեն լինի, մեզ անհրաժեշտ է լինելու բավարար ժամանակ, որպեսզի քարտերն առաքենք տուն

,- նշել է Արսեն Թորոսյանը:

❗️ ՆԳՆ ոստիկանությունը պարզել է, որ Աջափնյակ վարչական շրջանում վիճաբանության հետևանքով մահացած քաղաքացին 45-ամյա Ա․ Վ․-ն է։
Պարզվել է դեպքի մասնակից անձանց ողջ շրջանակը․ ձեռնարկվում են միջոցառումներ նրանց հայտնաբերելու ուղղությամբ։
Դեպքի առթիվ նախաձեռնվել է քրեական վարույթ՝
❗️ Քրեական օրենսգրքի 44-155-րդ հոդվածի 2-րդ մասի 7-րդ և 8-րդ կետերի (սպանության փորձը),
❗️ 155-րդ հոդվածի (սպանությունը),
❗️ 297-րդ հոդվածի 3-րդ մասի (խուլիգանությունը),
❗️ 335-րդ հոդվածի 1-ին մասի (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) հատկանիշներով:

❗️Այսօր Աջափնյակում կրակոցներ են հնչել:
Առողջապահության նախարարությունից հայտնում են, որ դեպքի հետևանքով նախնական տվյալներով հիվանդանոց է տեղափոխվել 7 քաղաքացի:

Երեքի առողջական վիճակը գնահատվում է ծայրահեղ ծանր, երեքինը` ծանր:
1 քաղաքացի մահացել է:
Այլ մանրամասներ այս պահին հայտնի չեն:

🇷🇺🇺🇦 Ժնևում ավարտվել է ռուս-ուկրաինական բանակցությունների հերթական փուլը
Շվեյցարիայի Ժնև քաղաքում ավարտվել են Ռուսաստանի, Ուկրաինայի և ԱՄՆ-ի պատվիրակությունների եռակողմ բանակցությունները։ Այդ մասին լրագրողներին հայտնել է ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին։

Ինչպես գիտեք, բանակցություններն ընթանում էին երկու օր, երեկ շատ երկար, տարբեր ձևաչափերով, ահա նաև այսօր՝ մոտ երկու ժամ։ Դրանք ծանր էին, բայց գործնական

,- ռուսական TACC գործակալության փոխանցմամբ հայտարարել է Մեդինսկին։
📌 РИА Новости-ն էլ գրում է, որ բանակցությունների հաջորդ փուլը կկայանա առաջիկայում։ Ընդ որում, Интерфакс-ի աղբյուրն էլ պնդում է, որ նոր բանակցությունների անցկացման հստակ ժամկետներ չկան։

❗️Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Ազգային ժողովի «Հանրապետական» (ՀՀԿ) խմբակցության նախկին պատգամավոր Կարեն Ավագյանից հօգուտ Հայաստանի Հանրապետության բռնագանձել՝
🔻 10 անշարժ գույք, որից 3-ը գտնվում են Կենտրոն վարչական շրջանում.
🔻 12 միլիոն 718 հազար դրամ՝ որպես ապօրինի դրամական միջոցների մնացորդ և այլն:

🚰 Շենգավիթ վարչական շրջանում 14 ժամ ջուր չի լինի
«Վեոլիա Ջուր» ընկերությունը տեղեկացնում է, որ, վթարի վերացման աշխատանքներով պայմանավորված, փետրվարի 19ին 10:00-24:00 Շենգավիթ վարչական շրջանի մի շարք հասցեներում ջուր չի լինի։
🔗 Հասցեները՝ ԱՅՍՏԵՂ