Category: Hetq

🔻ԿԸՀ-ն գրանցեց ԱԺ ընտրությունների մասնակից կուսակցությունների և դաշինքների ընտրական ցուցակները
📸Ֆոտոշարքը՝ շուտով

Արդյունաբերական կենտրոններից մինչև վերգետնյա մետրո. տնտեսական թռիչքը՝ Միասնության թևերի պատկերացմամբ
Այս տարվա հունիսի 7-ին կայանալիք խորհրդարանական ընտրությունների նախաշեմին քաղաքական ուժերը մրցում են նաև տնտեսական ծրագրերով։ Այս անգամ ևս տնտեսական խոստումների պակաս չկա։
📌 Մեր հարցազրույցների միջոցով փորձելու ենք հասկանալ՝ ո՞վ ինչ է առաջարկում և որքանո՞վ են այդ խոստումները իրատեսական։ Այս անգամ զրուցել ենք ընտրություններին մասնակցող «Միասնության թևեր» կուսակցության կառավարման խորհրդի անդամ, նախընտրական ցուցակի 2-րդ հորիզոնականը զբաղեցնող Դավիթ Անանյանի հետ, որը 2018-2020 թթ. եղել է Հայաստանի պետական եկամուտների կոմիտեի նախագահը:

🇹🇷Թուրքիայի փոխնախագահը կայցելի Հայաստան
Թուրքիայի փոխնախագահ Ջևդեթ Յըլմազը կայցելի Հայաստան՝ մասնակցելու Եվրոպական քաղաքական համայնքի 8-րդ գագաթնաժողովին։ Այդ մասին հայտնում է թուրքական Anadolu գործակալությունը։
Վերջինիս փոխանցմամբ՝ գագաթնաժողովին թուրքական պատվիրակությունը կգլխավորի հենց Յըլմազը։ 2008 թվականից ի վեր նա կդառնա Թուրքիայի ամենաբարձր պաշտոնյան, որը երբևէ այցելել է Հայաստան։
Հիշեցնենք, որ 2008 թվականի սեպտեմբերին, ֆուտբոլային դիվանագիտության շրջանակներում, Հայաստան էր ժամանել Թուրքիայի այդ ժամանակվա նախագահ Աբդուլլահ Գյուլը։ 
📌 Հետաքրքրական է, որ Թուրքիայի նախագահ Ռեջեփ Թայիփ Էրդողանն անձամբ չի մասնակցել Եվրոպական քաղաքական համայնքի վերջին մի քանի գագաթնաժողովներին։

Չեխիայի վարչապետը Երևանում մտադիր է հանդիպել Վլադիմիր Զելենսկու հետ
Չեխիայի վարչապետ Անդրեյ Բաբիշը կիրակի օրը՝ մայիսի 3-ին Երևանում կարճ բանակցություններ կվարի Ուկրաինայի նախագահ Վլադիմիր Զելենսկու հետ։ Այդ մասին հայտնում է Европейская правда-ն՝ հղում անելով չեխական IDnes.cz-ին։ 
Ինչպես նշում է չեխական լրատվամիջոցը, Բաբիշը չի հստակեցրել բանակցությունների թեման։ Նա Զելենսկու հետ անձամբ կհանդիպի առաջին անգամ՝ Չեխիայի կառավարության ներկայիս ղեկավարի իր պաշտոնը զբաղեցնելու պահից ի վեր։ 
Հիշեցնենք, որ Անդրեյ Բաբիշը և կառավարական կոալիցիայի մյուս կուսակցությունների ներկայացուցիչները քննադատական վերաբերմունք ունեն Ուկրաինայի ու կոնկրետ Վլադիմիր Զելենսկու նկատմամբ։ 

«Երևանում ես երկկողմ կարճ հանդիպումներ կունենամ նաև Մեծ Բրիտանիայի վարչապետ Սթարմերի, Սերբիայի վարչապետի ու Մոլդովայի նախագահի հետ։ Առաջին անգամ ես բանակցություններ կվարեմ նաև Ուկրաինայի նախագահ Զելենսկու հետ»

,- նշել է Բաբիշը՝ հավելելով, որ կարևոր է համարում Ուկրաինայի նախագահի հետ հանդիպումը։
📌 Ընդ որում, նա ընդգծել է, որ չի պլանավորում այցելել Ուկրաինա։ «Ոչ, ես չեմ մեկնի Կիև»,- նշել է նա՝ հավելելով, որ Զելենսկու հետ կարող է հանդիպել նաև Լեհաստանում կայանալիք կոնֆերանսի ժամանակ, որը նվիրված է լինելու Ուկրաինայի վերականգնմանը։
Մայիսի 3-ին Չեխիայի վարչապետ Անդրեյ Բաբիշը կմեկնի Հայաստան՝ մասնակցելու Եվրոպական քաղաքական համայնքի գագաթնաժողովին, որտեղ կքննարկվեն էներգետիկ և տնտեսական անվտանգության, ընթացիկ աշխարհաքաղաքական իրավիճակի և Եվրոպայում կայունության ամրապնդման հարցեր։ 

«Թեմա համար 1». Ընտրապայքարին մասնակցող քաղաքական ուժերի անցյալն ու ներկան
19 քաղաքական ուժ՝ 17 կուսակցություն և 2 դաշինք հայտ է ներկայացրել հունիսի 7-ի ԱԺ ընտրություններին մասնակցելու։ Ինչ քաղաքական ուժեր են սրանք, ինչ անցայլ ունեն, ովքեր են գլխավորում այս ուժերի նախընտրական ցուցակները կպատմենք «Թեմա համար 1»-ի այս թողարկմանը։

Ե՛վ ռուսամետ, եւ՛ արևմտամետ ուժերը նույն վնասն են տալիս Հայաստանին. Լևոն Զուրաբյան
«Հայ ազգային կոնգրես» կուսակցության փոխնախագահ, վարչապետի թեկնածու Լեւոն Զուրաբյանի հետ զրուցել ենք ընտրություններում հաջողելու շանսերի, ընդդիմադիր դաշտի չմիավորվելու պատճառների, ԹՐԻՓՓ նախագծի և Հայ Ազգային կոնգրեսի նախընտրական ծրագրի կետերի մասին։

🔻 Ներքին գործերի նախարարությունց հայտնում են, որ Եվրոպական քաղաքական համայնքի (EPC) 8-րդ գագաթնաժողովի արարողակարգային միջոցառումների ընթացքում մայիսի 2-5-ը Երևանում փակ կլինեն որոշ փողոցներ։
Մասնավորապես՝ մայիսի 2-ին
📌 ժամը 7։30-13։00 փակ են լինելու՝

— Հաղթանակ կամրջից Աթենքի փողոց տանող ճանապարհահատվածը,
— Քըրք Քըրքորյան փողոցից Ծիծեռնակաբերդի խճուղի տանող ուղղությունը,
— Հանրապետության հրապարակը,
— Աբովյան փողոցը՝ Սայաթ-Նովայի պողոտայից դեպի Հանրապետության հրապարակ հատվածը,
— Մաշտոցի պողոտայից և Գրիգոր Լուսավորչի փողոցից Հաղթանակի կամուրջ տանող հատվածները,
— Ագաթանգեղոսի — Գրիգոր Լուսավորչի — Արշակունյաց պողոտա խաչմերուկից Գրիգոր Լուսավորչի փողոց ուղղությունը,
️ — Շահումյան հրապարակից Բեյրութի փողոց ընկած հատվածը,
️ — Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը,
— պարբերաբար կսահմանափակվի երթևեկությունը Իսակովի պողոտայում։

📌 Մայիսի 3-ին՝

ժամը 9:30-ից 19:30-ը
— պարբերաբար կսահմանափակվի երթևեկությունը Իսակովի պողոտայում՝ «Զվարթնոց» միջազգային օդանավակայանից մայրաքաղաքի կենտրոն տանող ուղղությամբ:
Ժամը 18:00-20:00 փակ կլինի՝
— Լեոից-Ձորափ հատվածը
Ժամը 18:00-ից 19:30-ը փակ կլինեն.
— Հանրապետության հրապարակը, և հրապարակ տանող ուղղությունները՝ Ամիրյան — Զաքյան և Սայաթ-Նովա — Աբովյան խաչմերուկներից․
— Գրիգոր Լուսավորչի փողոցը՝ Մաշտոցի պողոտայից և Զաքյան փողոցից, և Ագաթանգեղոսի — Գ. Լուսավորչի — Արշակունյաց խաչմերուկից Լուսավորչի փողոց ընկած հատվածը,
— Շահումյան հրապարակից Բեյրութի փողոց տանող ճանապարհահատվածը,
️ Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:
Ժամը 18:00-ից 23:00-ը երթևեկությունը սահմանափակվելու է՝
— Բաղրամյան պողոտայից Պռոշյան և Դեմիրճյան փողոցներ տանող հատվածներում,
— Պարոնյան-Ձորափի փողոց խաչմերուկից Պռոշյան փողոց տանող ճանապարհահատվածում:

📌 Մայիսի 4-ին՝

ժամը 7:00-ից 19:00-ն փակ են լինելու.
— Հաղթանակ կամրջից Աթենքի փողոց տանող ճանապարհահատվածը,
Քըրք Քըրքորյան փողոցից Ծիծեռնակաբերդի խճուղի տանող ուղղությունը:
Ժամը 7:00-ից 10:30-ն փակ են լինելու նաև
— Հանրապետության հրապարակը,
️ — Աբովյան փողոցը՝ Սայաթ-Նովայի պողոտայից դեպի Հանրապետության հրապարակ հատվածը,
️ — Մաշտոցի պողոտայից և Գրիգոր Լուսավորչի փողոցից Հաղթանակի կամուրջ տանող հատվածները,
️ — Ագաթանգեղոսի — Գրիգոր Լուսավորչի — Արշակունյաց պողոտա խաչմերուկից Գրիգոր Լուսավորչի փողոց ուղղությունը,
️ — Շահումյան հրապարակից Բեյրութի փողոց ընկած հատվածը,
️ — Ազատության պողոտան՝ Բաբայան փողոցից Սարալանջի շրջանցիկ ճանապարհ տանող հատվածը:

📌 Մայիսի 5-ին՝

ժամը 8:00-ից 12:00-ն փակ են լինելու.
— Հանրապետության հրապարակ մուտք գործող բոլոր փողոցները,
️ — Շահումյան հրապարակից դեպի Հաղթանակի կամուրջ ընկած ճանապարհահատվածը,
️ — Աթենքի փողոցը,
️ — Ծիծեռնակաբերդի խճուղին,
️ — Մաշտոցի պողոտան,️
— Սայաթ-Նովայի պողոտան,
— Աբովյան փողոցը,
— Բաղրամյան փողոցը:
Ժամը 16:30-ից 17:30-ն երթևեկությունը կսահմանափակվի Բաղրամյան պողոտայում, Օրբելի, Կիևյան, Հալաբյան փողոցներում։

📍Երթևեկությունը պարբերաբար կսահմանափակվի Իսակովի պողոտայում՝ Հաղթանակ կամրջից «Զվարթնոց» օդանավակայան տանող ուղղությամբ:

Փաստորեն․ Նիկոլ Փաշինյանի՝ պաշտոնյա դարձած ընկեր-ծանոթ-բարեկամները
Վարչապետ Նիկոլ Փաշինյանի կյանքի ու կարիերայի տարբեր փուլերի ուղեկիցները վերջինիս վարչապետ դառնալուց հետո զբաղեցրել են ընտրովի և նշանակովի պաշտոններ տարբեր ոլորտներում՝ խորհրդարանից մինչև ռազմավարական նշանակության կառույցներ։
📌 «Փաստորենի» այս թողարկմանը կուսումնասիրենք Նիկոլ Փաշինյանի ընկեր-ծանոթ-բարեկամների շրջանակը՝ դիտարկելով նրանց մասնագիտական ուղին և ստանձնած պաշտոնները պետական համակարգում։