Category: Hraparak.am

Նոյեմբերի լույս 29-ի գիշերը Երկիր մոլորակը կծածկվի բավականին ուժգին մագնիսական փոթորիկով։ Այս մասին հայտնում են ռուս գիտնականները։ Այն կհասնի վեց բալի։ Ամենաուժգին հատվածը կլինի գիշերվանից մինչեւ ամսի քսանիննի կեսօրն ընկած ժամանակահատվածը։
Այնուհետեւ արդեն մագնիսական փոթորիկը կսկսի թուլանալ։ Սակայն սպասվում է եւս երկու բռնկում։ Մասնագետները մագնիսական փոթորիկի ակտիվությունը գնահատում են G2 մակարդակ, որը համարվում է միջին ուժգնության։ 

Հ Հ վարչապետ Նիկոլ Փաշինյանի որոշմամբ, Միգրացիայի և քաղաքացիության ծառայության պետի ժամանակավոր պաշտոնակատար Արմեն Ղազարյանն ազատվել է զբաղեցրած պաշտոնից:
Վարչապետի մեկ այլ որոշմամբ, Ղազարյանը նշանակվել է ՀՀ ներքին գործերի նախարարի տեղակալ:

«Հայաստան» դաշինքի պատգամավոր Գեղամ Նազարյանի վարքը խմբակցությունը որոշել է քննարկման դնել, եւ չի բացառվում, որ իրենք էլ Նազարյանին «խնդրեն» մանդատը վայր դնել՝ Հովիկ Աղազարյանի օրինակով։ Նազարյանը երկար ժամանակ է՝ ակտիվ շփումների մեջ է իշխանականների հետ, վերջերս էլ Վիետնամ էր մեկնել եւ Ալեն Սիմոնյանի հետ լուսանկարվել նավի վրա:
Երբ նրան հիշեցրել են, որ իրենք ԱԺ են եկել Փաշինյանին հեռացնելու, ասել է. «Սամբոյի ինչ-որ պրիոմ պիտի անեինք` Փաշինյանին հեռացնեի՞նք»: Իշխան Սաղաթելյանն էլ արձագանքեց, որ իրենց օրակարգը նույնն է՝ իշխանափոխությունը, եւ Նազարյանի հարցն առաջիկայում խմբակցությունը կքննարկի, եւ քայլեր կձեռնարկվեն։ Հիշեցնենք, որ Գեղամ Նազարյանը քոչարյանական թեւի ներկայացուցիչ է:

Արգիշտի Քյարամյանի պաշտոնանկությունից հետո Քննչական կոմիտեում ուշքի չեն գալիս։ Մեզ հայտնի դարձավ, որ Քյարամյանի հեռանալու օրը աշխատանքից ազատման դիմում է գրել ՔԿ իրավաբանական վարչության պետ Արթուր Վարդանյանը՝ ասելով, որ Քյարամյանի հեռանալուց հետո չի պատկերացնում իր հետագա աշխատանքը ՔԿ-ում։ Մեզ պատմեցին, որ ՔԿ-ում իսկական քաոս է առաջացել, երբ Փաշինյանը հարցազրույցի ժամանակ հայտարարել է, որ նոր նախագահը դատախազի տեղակալ Արթուր Պողոսյանն է։ Աննա Վարդապետյանի կառավարման ժամանակաշրջանում դատախազությունից դուրս եկած կադրերին Քյարամյանը սիրով ընդունում էր Կոմիտե։ Այդ անձանցից ոմանք արդեն աշխատանքից ազատման դիմումներ են գրել, երբ իմացել են, որ Պողոսյանն է գալիս է ՔԿ։
«Հրապարակ»-ի տեղեկություններով, ազատման դիմում է գրել նաեւ ՔԿ տնտեսական հանցագործությունների եւ մաքսանենգությունների քննության գլխավոր վարչության պետ Արսեն Սիմոնյանը, որը մոտ մեկ տարի առաջ էր դատախազությունից քննչական տեղափոխվել։

Նեյմարի՝ ՊՍԺ-ի հետ կնքված պայմանագրի մասին խոսել է «Քրիսթալ Փելասի» նախկին կիսապաշտպան Լյուիս Բրիոնը, ով հայտնել է հետաքրքիր մանրամասներ:  
Նրա խոսքով, մարզչական դասընթացներից մեկի ժամանակ ՊՍԺ-ի աշխատակիցներից մեկը բացահայտել է, որ Նեյմարի պայմանագրում կա ոչ սովորական կետ, ըստ որի՝ բրազիլացի հարձակվողը ստանում էր 200 հազար եվրո բոնուս, երբ խաղից հետո մոտենում էր երկրպագուներին և ծափահարում նրանց:  
«Նեյմարի պայմանագրում կետ կար, որը ենթադրում էր, որ ամեն անգամ, երբ նա մոտենում էր երկրպագուներին և ծափահարում, նա վաստակում էր 200 հազար եվրո բոնուս»,- ասել է Բրիոնը:

Քիչ առաջ «Քաղաքացիական պայմանագիր» վարչության նախագահ, վարչապետ Նիկոլ Փաշինյանը տեսանյութ է հրապարակել վարչության նիստից՝ կից գրառմամբ․
«ՔՊ Վարչության հերթական նիստում հաստատեցինք Վայքի, Իջեւանի, Վեդիի տ/կ խորհուրդների նախագահներին։ Վարչությունը նաեւ որոշեց Խոյ խոշորացված համայնքի ղեկավար Արգիշտի Մեխակյանին առաջադրել Արմավիրի մարզպետի թեկնածու»։
Հիշեցնենք՝ օրերս մենք գրել ենք,որ Արգիշտի Մեխակյանին կնշանակի Արմավիրի մարզպետ՝ Դավիթ Խուդաթյանի տեղը, որին նշանակել է ՏԿԵ նախարարը։

ՆԳՆ Փրկարար ծառայությունը տեղեկացնում է, որ ՀՀ տարածքում կա փակ ավտոճանապարհ:
Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
Սպիտակի ոլորանները փակ է բեռնատարների համար։
Շիրակի մարզի Աշոցքի տարածաշրջանում, Արագածի տարածաշրջանում, Ապարան, Հրազդան, Վանաձոր, Տաշիր, Սպիտակ, Ստեփանավան քաղաքներում և Սպիտակի ոլորաններում տեղում է ձյուն։
Տավուշի մարզում, Ճամբարակ քաղաքում, Արագածի տարածաշրջանում և Սյունիքի մարզի բարձրադիր գոտիներում մառախուղ է:
Վարորդներին խորհուրդ է տրվում երթևեկել բացառապես ձմեռային անվադողերով։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:

 ««Անթույլատրելի է այն, ինչ տեղի ունեցավ խորհրդարանում։ Մեր ինստիտուտների պահպանության առումով ճիշտ չէր լինի այս ամենն անարձագանք թողնել։ Այստեղ խնդիրն անձնավորված չէ, խնդիրը համակարգային է»,- նշել էր Փաշինյանը՝ հույս հայտնելով, որ իր «խնդրանքն» անարձագանք չի մնա, և Աղազարյանն էլ վայր կդնի մանդատը,- գրել էր «Հրապարակ»-ը: Զարմանալի էր, որ Աղազարյանը չգիտակցեց, որ Նիկոլի «խնդրանքը» պետք է անմիջապես բավարարվեր: Քանի որ այդպիսին է մեզ պարտադրված «ժողովրդավարության»՝ տեղական առաձնահատկությամբ, խաղի կանոնները: Որի պարագայում պետական բոլոր ինստիտուտները պետք է ենթակա լինեն մեկ անձին, ինչի բացակայությունն առաջացնում է համակարգային խնդիրներ: Այլ հարց է, որ 2015-ին միանալով Նիկոլին՝ Աղազարյանը երևի ենթադրել էր, որ նորաստեղծ կուսակցությամբ իրենք սարեր շուռ կտան և կամ «վար կբերեն երկինքներից արեգակներ» (Ե. Չարենց, Ամբոխները խելագարված): Կամ էլ փափագում էր վերադառնալ Ազգային ժողով, որտեղ մի ժամանակ ինքը կուսակցություն էր ներկայացնում՝ ընտրվելով ՀՅԴ խմբակցության քարտուղար: