Category: Hraparak.am

Զինծառայողի դի է հայտնաբերվել

Հոկտեմբերի 6-ին՝ ժամը 10:00-ի սահմաններում, հայտնաբերվել է ՊՆ N զորամասի զինծառայող Վահե Բագրատի Հարությունյանի դին՝ հրազենային վնասվածքով:
Դեպքի հանգամանքներն ամբողջովին պարզելու նպատակով ընթանում է քննություն:
Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակից ընկերներին:
ՀՀ ՊՆ

Ոստիկանությունը մեծաթիվ ուժեր է կենտրոնացնում

Այսօր ժամը 18:00-ին Հանրապետության հրապարակում Բագրատ սրբազանը հանրահավաք է հրավիրել:
Հանրահավաքի մեկնարկից առաջ, ոստիկանությունը մեծաթիվ ուժեր է կենտրոնացնում Հանրապետության հրապարակի շուրջ՝ կարծելով, թե Բագրատ սրբազանը դիմելու է կտրուկ գործողությունների և մինչև վերջին ոստիկանը, կենտրոնացրել է կառավարության շենքի մոտակայքում։
Ինչպես երևում է տեսանյութում, բերել են նաև ոստիկանական «Կամազները», որոնք ըստ էության քաղաքացիներին բերման ենթարկելու համար են։

Մարդիկ պետք է հասկանան, թե այս վատ տարբերակին ինչ լավ տարբերակով կարող են փոխել

Այսօր մեր հանրությանը բացառապես հետաքրքրում է, թե ինչ առաջարկությունով է հանդես գալու այս կամ այն քաղաքական ուժը: Երբ քննարկում են, թե որքան վատ բաներ է անում Փաշինյանը, պետք է հստակ ներկայացնեն, թե ինչ քայլեր են անելու իրենք, այդ սխալներն ուղղելու համար: Պետք է Փաշինյանի ծրագրերին հստակ այլընտրանք ներկայացնել: Հանրությունն այլընտրանք չի տեսնում: Մարդիկ տարբեր հարցեր են քննարկում, ներկա-նախկին, քննարկում են, թե ով կարող է Բագրատ սրբազանի ետևում լինել, բայց չեն քննարկում ամենաառանցքային հարցերը: Մարդիկ պետք է հասկանան, թե այս վատ տարբերակին ինչ լավ տարբերակով կարող են փոխել: Այսօր շատ է խոսվում Ադրբեջանին, Թուրքիային զիջումների գնալու մասին: Պետք է հստակ ներկայացնել ծրագիրը, թե ինչ պետք է անել զիջումների չգնալու համար: Մեր հանրությունը շփոթված է, քանի որ չի ստանում այս հարցերի պատասխանները: Հասարակության ճնշող մեծամասնությունը դժգոհ է Փաշինյանից, սակայն շփոթված է և չգիտի, թե ում հետևից գնա»:
Քաղաքագետ Երվանդ Բոզոյան

Ամերիկյան ինքնաթիռներն Իրանի սահմանների մոտ են. ի՞նչ է կատարվում
Պարսից ծոցում իրանական սահմանից ոչ հեռու ամերիկյան լցավորող-ինքնաթիռների ակտիվություն է նկատվում, գրում են իրանական ԶԼՄ-ները։
Այս ֆոնին Հորդանանը նախազգուշացում է ստացել առաջիկա ժամերին Իրանի վրա իսրայելական հարձակման մասին, հայտնում է իսրայելական 14 հեռուստաալիքը։
Միաժամանակ, Իրանը հայտարարել է իր արևմտյան սահմանի օդային տարածքը փակելու մասին՝ այս գիշերվանից մինչև հոկտեմբերի 9-ը ներառյալ՝ «ռազմական պատրաստության» պատճառով։

Սյունիքի մարզի Տեղ գյուղի համայնքապետ, «Քաղաքացիական պայմանագիր» իշխող կուսակցության անդամ Դավիթ Ղուլունցն այսօր ձերբակալվել է: Ոստիկանությունից ԶԼՄ-ների հետ զրույցում հաստատեցին այդ տեղեկությունը:
Ոստիկանությունից փոխանցեցին, որ Ղուլունցը ձերբակալվել է «Վարչական իրավախախտումների վերաբերյալ» օրենսգրքի 182-րդ հոդվածով նախատեսված արարք կատարելու համար՝ «Ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը», այլ մանրամասներ չհայտնեցին:
Ավելի ուշ Տեղի համայնքապետն ազատ է արձակվել:

Լևոն Տեր-Պետրոսյանի և Վովա Գասպարյանի ընտանիքները կբարեկամանան

Մենք տեղեկացանք, որ նախկին ոստիկանապետ Վովա Գասպարյանի որդին ամուսնության առաջարկություն է արել Լևոն Տեր — Պետրոսյանի թոռնիկին` Լյուսյային: Երիտասարդները տևական ժամանակ հանդիպում էին, թեև նրանց հարազատներից ոմանք չէին խրախուսում այդ հարաբերությունները: Վերջերս Գասպարյանի որդին հանդիսավոր պայմաններում ռոմանտիկ առաջարկություն է արել և աղջիկն ընդունել է առաջարկությունը:
Հիշեցնենք, որ աղջկա մորական պապն էլ Դավիթ Շահնազարյանն է:

Հանրային հեռուստաընկերության գործադիր տնօրենի ժամկետի ավարտին թեեւ մոտ մեկ տարի կա` տնօրեն Հովհաննես Մովսիսյանն այդ պաշտոնում ընտրվել է 2020-ի նոյեմբերին, 5 տարով, սակայն արդեն քննարկումներ են սկսվել այս թեմայի շուրջ: Տնօրենի պաշտոնի հավակնորդների անուններ են շրջանառվում։ Մասնավորապես, ՔՊ-ական նախկին պատգամավոր, 2021-ից 6 տարի ժամկետով Հանրային հեռարձակողի խորհրդի անդամ նշանակված Վահագն Թեւոսյանի անունը, որը լուրերի խմբագիր Լուսինե Բարսեղյանի ամուսինն է։ Մեր հարցից, թե հավակնո՞ւմ է այդ պաշտոնին, Թեւոսյանն անակնկալի եկավ, վրդովվեց, թե ինքը չի կարող առաջադրվել, շահերի բախում կառաջանա` Հանրային հեռարձակողի խորհրդի անդամ է:

ԱԺ նախագահ Ալեն Սիմոնյանի գլխավորած հերթական մեծաթիվ պատվիրակությունը պատրաստվում է վոյաժի, այս անգամ՝ Շվեյցարիա, Ժնեւ, Միջխորհրդարանական միության 149-րդ վեհաժողովին մասնակցելու։ Այցը կկայանա հոկտեմբերի 12-18-ը։ Պատվիրակության կազմում, ԱԺ նախագահի սովորույթի համաձայն, ընդդիմադիրներ չկան։ Փոխարենը Ալեն Սիմոնյանի անդավաճան ուղեկից Հասմիկ Հակոբյանն է՝ նրա նախկին օգնականը, որն այդ կարգավիճակից չի հրաժարվել անգամ պատգամավոր դառնալուց հետո, նաեւ Ծովինար Վարդանյանն է, Արսեն Թորոսյանը, աշխատակազմի 9 անդամ, այդ թվում՝ աշխատակազմի ղեկավար Դավիթ Առաքելյանը։

Իշխանական շրջանակներում խոսում են, որ Անդրանիկ Քոչարյանը Նիկոլ Փաշինյանին առաջարկել է իրեն «դաբրո» տալ արդարադատության նախարարի թեկնածուի նշանակման հարցում, այսինքն` համաձայնել, որ ինքը թեկնածու առաջարկի, եւ կարճ ժամանակում կտեսնի, թե ուր է գնում երկիրը, ու Հայաստանում արդարադատությունն ինչ բարձր մակարդակի է հասնում։ Ասել է, որ իր վրա կվերցնի ոլորտի պատասխանատվությունը։ Նիկոլ Փաշինյանը հստակ պատասխան չի տվել, ասել է` կքննարկենք, կմտածեմ:
Արդարադատության նախարար նշանակող այս մարդիկ անգամ չգիտեն, որ նախարարության անվան «արդարադատություն»-ը ոչինչ չի նշանակում` նախարարությունը ոչ մի կապ չունի արդարադատության հաստատման հետ, դատարաններն այժմ նվազագույն կախվածություն ունեն այս գերատեսչությունից:

Աննա Հակոբյանը կրկին ընթրիքի է հրավիրում` այս անգամ հաջողակ տղամարդկանց

Աննա Հակոբյանը կրկին ընթրիքի է հրավիրում` այս անգամ հաջողակ տղամարդկանց, 1 միլիոն դրամ մուտքի վճարով:
Ընթրիքին մասնակցելու համար անհրաժեշտ է գնել մասնակցության տոմս: Մեկ տոմսի արժեքը 1 մլն ՀՀ դրամ է, որը կփոխանցվի ընտրական բոլոր փուլերը հաղթահարած բիզնես գործունեություն ծավալող սկսնակ տղամարդ գործարարին: Ընթրիքի մասնակցության տոմս ձեռք բերելու համար խնդրում ենք զանգահարել 044 444 113 հեռախոսահամարով կամ նամակ գրել info@mystep.foundation էլեկտրոնային հասցեին: Տոմսերի ձեռքբերման վերջնաժամկետ՝ հոկտեմբեր 24, 2024: