Category: Hraparak.am

Փաստաբան Վարզադատ Հարությունյանը հայտնում է, որ Սյունիքի նախկին մարզպետ Վահե Հակոբյանի եղբայր, «Մաքուր երկաք» գործարանի տնօրեն Կարեն Հակոբյանի կալանքի դեմ վերաքննիչ բողոքը կքննվի երկու օրից՝ Վերաքննիչ դատարանում։ 
«2024թ․ սեպտեմբերի 20-ից ապօրինի կալանքի տակ գտնվող գործարար Կարեն Հակոբյանի կալանքի երկարաձգման որոշման դեմ բողոքի վերաբերյալ Վերաքննիչ դատարանի որոշումը հրապարակվելու է 2024թ․ դեկտեմբերի 19-ին (դատավոր՝ Արթուր Նահապետյան)։
Կարեն Հակոբյանը մեղադրվում է ՀՀ նախկին քրեական օրենսգրքի 190-րդ հոդվածի 3-րդ մասի 1-ին կետով (համապատասխանում է ՀՀ գործող քրեական օրենսգրքի 296-րդ հոդվածի 3-րդ մասի 3-րդ կետին) նախատեսված արարքն իբրև կատարելու համար: Մեղադրանքի հիմքում դրված է բացառապես այն հանգամանքը, որ գործարար Կարեն Հակոբյանը ձեռք է բերել «Զանգեզուրի Պղնձամոլիբդենային Կոմբինատ» ՓԲԸ ընկերության 12․5 տոկոս բաժնետեր հանդիսացող ընկերության 20 տոկոս բաժնեմասերը։

Բիթքոյն թվային արժույթը գնային նոր ռեկորդ է սահմանել։ Այս թվային արժույթի մեկ միավորն արդեն գերազանցել է 106 հազար դոլարը եւ կազմում է 107 հազար դոլար, ավելի կոնկրետ՝ 107 հազար 195,58 դոլար։ Այս մասին տեղեկանում են թվային արժույթի Binance բորսայից։
Բիթքոյինը շարունակում է իր գնաճն արդեն երկու սակարկությունների սեսիա անընդատ։ Այս տարվա սկզբից սկած թվային այս արժույթը թանկացել է 2,5 անգամ։

Նիկոլ Փաշինյանը, երբ ժամանակին կադրեր էր նշանակում գլխավոր պոստերում, կատակով ասում էին՝ Նիկոլի մանկապարտեզը։ Տարիքը կապ չուներ՝ փորձառություն, համապատասխան կրթություն, «քթածակ» չունեին։ Սովորաբար նման կադրեր նշանակում են՝ երկիրը թուլացնելու, փլուզելու նպատակով։ 
Ես այդ պրոցեսը մի քիչ գյուղավարի եմ պատկերացնում։ Նիկոլը թակարդ է լարում, ինչ որ խայծ դնում մեջը ու անփորձ մկներին բռնում։ Հազար ներողություն համեմատության համար, բայց պատկերավոր բացատրելու միակ ձևը այլաբանությունն է։  Ի ուրախություն Նիկոլի, բոլորն անփորձ էին։ Մանկապարտեզ էր։ Մանկապարտեզի մեջ  կային նաև տարիքն առած, բայց միամիտներ, որոնց Փաշինյանն ընտրել էր որպես չոր փայտ, կրակը վառելու համար։ Այդ չոր փայտերից,  միամիտներից մեկն էլ Հովիկ Աղազարյանն էր։ Այդ մարդն այնքան միամիտ էր, որ Հիսուսի հետ էր համեմատում Նիկոլին։ Ասում էր, որ ես կինքնահրկիզվեմ, եթե իմանամ, որ Փաշինյանը կոռուպցիոն սխեմաների մեջ լինի։ Այնքան միամիտ էր, որ ասում էր Նիկոլը աշխարհի ամենաբարի մարդն է։ Նրա բոլոր ասածները չթվարկեմ, կարծում եմ ինքներդ էլ կհաստատեք, որ շատ միամիտ մարդ էր։

The Jerusalem Post պարբերականը գրում է, որ Գազայի սեկտորի առողջապահության նախարարության կողմից տրամադրված տվյալը, թե սեկտորում Իսրայելի կողմից, ի պատասխան ՀԱՄԱՍ խմբավորման հարձակման, 44 հազար խաղաղ բնակիչ է զոհվել, իրականում բավական չափազանցված թիվ է։ Համաձայն հրապարակման, նշված գերատեսչությունը գտնվում է ՀԱՄԱՍ-ի հսկողության ներքո եւ սիստեմատիկաբար չափազանցրել է Գազայի սեկտորում խաղաղ բնակչության շրջանում զոհերի թիվը։
Նշվում է, որ կա թյուրիմացություն հատկապես այն բանի հետ կապված, թե զոհվածների որ մասն է եղել խաղաղ բնակիչ, որ մասը՝ զինյալ։ Հաճախ զինյալների շրջանում զոհվածները ներկայացվել են որպես խաղաղ բնակիչ։
Ընդ որում, այդ մոլորությունը, ըստ իսրայելական պարբերականի, արտացոլվել է նաեւ միջազգային առաջատար լրատվամիջոցների հրապարակումներում, որոնք հիմնվել են ավելի շատ Գազայի սեկտորի առողջապահության նախարարության տվյալների վրա, քան թե իսրայելական կողմի կամ ամերիկյան հատուկ ծառայությունների ներկայացրած տվյալների։

1. ՀՀ զինված ուժերում երաժիշտ մասնագետների լսումներին հրավիրվում են մասնակցելու ֆլեյտա, գալարափող, շեփոր, տենոր, բարիտոն, տուբա և փոքր թմբուկ երաժշտական գործիքներին տիրապետող զորակոչիկները։
Զորակոչիկների լսումներն անցկացվելու են N զորամասի՝ ԶՈՒ ԳՇ զինվորական նվագախմբի փորձասրահում հետևյալ ժամանակացույցով.
ա) 2025 թվականի հունվարի 13-ին՝ ժամը 11։00-ին՝ ՊՆ զորակոչային և զորահավաքային համալրման ծառայության Երևանի թիվ 1 և թիվ 2 տարածքային ստորաբաժանումների երաժիշտ մասնագետ զորակոչիկների հետ,
բ) 2025 թվականի հունվարի 14-ին՝ ժամը 11:00-ին՝ ՊՆ զորակոչային և զորահավաքային համալրման ծառայության Երևանի թիվ 3 և թիվ 4 տարածքային ստորաբաժանումների երաժիշտ մասնագետ զորակոչիկների հետ,
գ) 2025 թվականի հունվարի 15-ին՝ ժամը 11:00-ին՝ ՊՆ զորակոչային և զորահավաքային համալրման ծառայության մարզերի տարածքային ստորաբաժանումների երաժիշտ մասնագետ զորակոչիկների հետ։ 

Պատգամավոր Հակոբ Ասլանյանը, որին մի քանի ժամվա մեջ ՔՊ-ն ափալ-թափալ հեռացրեց խմբակցությունից՝ իր ընկեր Հովիկ Աղազարյանին աջակցող հայտարարություն անելու համար, մեր տեղեկություններով, որոշել է ընկերոջ ճանապարհով գնալ` չհանձնվել եւ չհանձնել մանդատը։ Ավելին, մեր աղբյուրներն ասում են, որ Ասլանյանը հնարավոր է նոր հայտարարություն անի՝ պարզաբանելով, որ իր, այսպես կոչված, զղջման տեքստը, որը հրապարակեց նույն օրը՝ ասելով, թե էմոցիոնալ հայտարարություն էր, հետ է վերցնում իր խոսքերը, միտումնավոր է հրապարակել, որ ցույց տա, թե թիմն իր հայտարարությունից հետո ինչ ճնշումներ է գործադրել:
Ոմանք ուղղակի նախատել են, ոմանք, մասնավորապես՝ Մխիթար Հայրապետյանը, հորդորել են զղջման տեքստ հրապարակել։ Ասլանյանը պնդելու է, որ ինքն իրականում չի զղջացել եւ միտումնավոր է հրապարակել ԲՏԱ նախարարի հետ ֆեյսբուքյան չաթը, որ ցույց տա, թե ինչպես է իր վրա գրոհում իրեն դեմոկրատ հռչակած թիմը։

ԿԳՄՍՆ ենթակայության տակ գործող Նոյեմբերյանի պետական քոլեջում դասասենյակները ջեռուցվում են փայտով ժանգոտած սովետական վառարաններով, ծակ խողովակներով։ Մինչ իշխանությունը 24/7 ռեժիմով խոսում է կրթվելու մասին, ակադեմիական քաղաք կառուցում, կրթության բարեփոխումներ հռչակում, սահմանամերձ համայնքում գտնվող պետական քոլեջում սառնամանիք է դասասենյակները տաքացնում են՝ ինչպես 19-րդ դարում։
Լավ կլիներ, որ կառավարական առանձնատներում իր հանդիպումներին կարճաթեւ, բարակ զգեստներով նստած, կրթությունից ճառեր ասող տիկին Աննան այցելեր Նոյեմբերյանի պետական քոլեջ, որտեղ կրթությունը բոլորովին էլ «նորաձեւ» չէ, այլ նախնադարյան է: Հետո գար ամուսնուն պատմեր այդ մասին եւ ստիպեր, որ քաղաքակիրթ պայմաններ ապահովեն կրթվել ցանկացող նոյեմբերյանցի պատանիների համար: Տաք եւ բարեկեցիկ կացարաններում պետական միջոցների հաշվին, քաղքենի փիառ հավաքների փոխարեն դրանով շատ ավելի մեծ օգուտ տված կլիներ: