Category: Hraparak.am

2025 թվականի հունվարի 1-ից Հայաստանում շրջանառության հարկի դրույքաչափը կրկնակի կբարձրացվի, և կկրճատվի հարկային բեռի տարբերությունը ԱԱՀ-ի, շահութահարկի համեմատ։ Այդ փոփոխությունների արդյունքում առևտրի սուբյեկտների համար հարկը սահմանվում է 10 տոկոս, արտադրության դեպքում` 7 տոկոս, հանրային սննդի դեպքում` 12 տոկոս։ Միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից, դրանք են նոտարական, փաստաբանական, վիճակախաղերի կազմակերպման ծառայությունները, որոնք կանցնեն ավելացված արժեքի հարկման դաշտ եւ նրանց հարկերը միանգամից մի քանի անգամ կավելանան, ինչի դեմ գոնե փաստաբանները մեկ տարի համառ պայքար մղեցին, բայց ոչնչի չհասան։ Բանն այն է, որ պետական բյուջեի եկամուտները կրճատվել են եւ շարունակում են կրճատվել, իսկ Նիկոլ Փաշինյանն ու իր իշխանությունը շարունակում է շքեղ ապրել, անիմաստ ծախսեր անել, աշխարհով մեկ պտտվել եւ նրանց շատ փող է պետք, ուստի որոշեցին այդ փողը «քերել» հարկատուներից:

Դեկտեմբերի 18-ին ժամը 19։00-ին Factor TV-ի ուղիղ եթերում կբանավիճեն Երևանի գործող քաղաքապետ Տիգրան Ավինյանը և Երևանի նախկին քաղաքապետ Հայկ Մարությանը։

Ռուսական կողմը հույս ունի, որ Նիկոլ Փաշինյանը, ինչպես բոլոր հրավիրվածները, կմասնակցի դեկտեմբերի վերջին Սանկտ Պետերբուրգում կայանալիք ԱՊՀ երկրների ղեկավարների ոչ պաշտոնական հանդիպմանը, ՌԻԱ Նովոստիի փոխանցմամբ՝ հաղորդել է ՌԴ փոխարտգործնախարար Միխայիլ Գալուզինը։
«Բոլորը հրավիրված են, այսօր դեռ դեկտեմբերի 16-ն է, իսկ ձեր նշած միջոցառումները նախատեսվում են փոքր-ինչ ուշ, հուսով ենք՝ բոլոր նրանք, ում հրավիրել ենք, կգան Սանկտ Պետերբուրգ, այդ թվում՝ Նիկոլ Վովայի Փաշինյանը»,- ասել է փոխնախարարը։

ՀՀ ՇՄՆ Հիդրոօդերևութաբանության և մոնիթորինգի կենտրոնի փոխտնօրեն Գագիկ Սուրենյանն այսօր ներկա է գտնվել Աննա Հակոբյանի հետ հերթական հանդիպմանը։ Հիշեցնենք, որ Հակոբյանը «կրթությունը նորաձեւ է» թեմայով հերթական հանդիպումն է անցկացրել հանրությանն անհայտ անձանց հետ, որոնց մեջ առավել հայտնին եղանակի տեսություն հաղորդող Գագիկ Սուրենյանն է։ Հակոբյանը տեսանյութին կից նույն տեքստ է հրապարակել, ինչ նախորդ հանդիպումների ժամանակ, թե պետք է կրթվելը դարձնել թրենդ, եւ այլն։ Պարզապես հետաքրքիր է, թե եղանակի տեսության մասին բարձրաձայնող Սուրենյանն ինչպես է կրթելու իր լսարանին։

ԱԺ պատգամավոր Հովիկ Աղազարյանին առնչվող գործով Հակակոռուպցիոն կոմիտեում քրեական վարույթ է նախաձեռնվել: Հայտնում են Հակակոռուպցիոն կոմիտեից:
Վարույթը նախաձեռնվել է ՀՀ քրեական օրենսգրքի 427-րդ հոդվածի 1-ին մասով (Պետական գաղտնիք պարունակող տեղեկություն հրապարակելը)։

«Հրապարակ»-ի տեղեկություններով՝ իրավապահները խուզարկել են Արագածոտնի մարզպետ Սերգեյ Մովսիսյանի օգնական-խորհրդական Արմեն Մարկոսյանի մեքենան։ Խուզարկության արդյունքում հայտնաբերվել է խոշոր չափի թմրանյութ։
Արագածոտնի մարզպետ Սերգեյ Մովսիսյանը «Հրապարակ»-ի հետ զրույցում ասաց, որ նոր է իմացել, դեռ չի ճշտել, բայց կասկածում է։ «Մի բան այն չէ»,-ասաց նա։
ՆԳՆ-ից մեզ ասացին, որ Համայնքային ոստիկանության Աշտարակի բաժնի ծառայողները՝ իրացնելով ստացված օպերատիվ տեղեկությունը, դեկտեմբերի 16-ին Ագարակ-Աշտարակ ճանապարհահատվածից ապօրինի թմրամիջոց պահելու հիմնավոր կասկածով ձերբակալել, բաժին են տեղափոխել մի տղամարդու, ում անձնական խուզարկությամբ հայտնաբերվել է մոտ 11,5 գրամ դեղնականաչավուն զանգված։ Կազմվում են համապատասխան փաստաթղթեր նախաքննական մարմին ուղարկելու համար։

Արցախցի փաստաբան Ռոման Երիցյանը պարզաբանում է տրածել արցախցի կնոջ ձերբակալության վերաբերյալ։
«Քիչ առաջ հայտարարել էի, որ 2023 թվականի սեպտեմբերին ՀՀ Կառավարության շենքի դիմաց կազմակերպված հավաքներին մասնակցելու պատճառով այսօր Զվարթնոց օդանավակայանում ձերբակալվել է Մոսկվայից Երևան ժամանած Զարինե Աղաբաբյանը։
Այժմ պարզաբանում եմ, որ նշածս փաստերի հիման վրա ՀՀ քննչական կոմիտեի հատկապես կարևոր գործերի քննության գլխավոր վարչությունում ՀՀ քրեական օրենսգրքի 327-րդ հոդվածով (զանգվածային անկարգություններ) նախաձեռնվել է քրեական վարույթ։ Նշված վարույթի շրջանակում Զ․Աղաբաբյանին մեղադրանք է առաջադրվել խմբի կազմում խուլիգանություն կատարելու համար, որը, բնականաբար, վերջինս չի ընդունել։
Զարինեին կալանավորելու միջնորդությունը դատարանը մերժել է՝ պայմանավորված հիմքերի բացակայությամբ, իսկ այժմ էլ նրա նկատմամբ ընտրված է բացակայելու արգելք խափանման միջոցը։ Զարինեն զոհված զինծառայողի դուստր է, ով 2023 թվականի հոկտեմբերից ընտանիքի, այդ թվում՝ անչափահաս երեխաների հետ բնակվում և աշխատում է ՌԴ-ում։

Մեր ծանր քաշային ծանրամարտիկ Վարազդատ Լալայանը չինական «ոճով» դարձավ աշխարհի չեմպիոն:
Կհարցնեք, թե ո՞րն է չինական «ոճը»: Դե այն, որ գետի ափին համբերատար եթե սպասես, գետը մի օր էլ կբերի թշնամու «դին»:
Մեր մարզիկը իր երկրորդ տեղով մի քանի տարի համբերատար սպասեց, մինչեւ վրացի ծանրքաշային Լաշա Տալախաձեն թողեց ծանրամարտը:
Քաղաքագետ Հակոբ Բադալյան

🔴Այսօր Մոսկվա-Երևան թռիչքով Հայաստան պետք է ժամաներ Անդրանիկ Միհրանյանը։ Զվարթնոց օդանավակայանի անձնագրային անցակետում, սակայն, նրան արգելել մտնել Հայաստան։ Նախ ստիպել են սպասել շուրջ երկու ժամ, ապա առանց պատճառը նշելու՝ տեղեկացրել են, որ նրա մուտքը Հայաստան արգելված է։ Ըստ երևույթին, այդ երկու ժամը հայ իրավապահներն օգտագործել են ալկոհոլիկ ծաղրածուին պեղելու համար, որպեսզի ճշտեն՝ կարելի է Միհրանյանին թողնել հատել սահմանը թե ոչ։
🔴Միհրանյանը շուրջ 10 տարի աշխատել է Ռուսաստանի Դաշնության Նախագահական խորհրդում, Կրեմլում արտաքին քաղաքական գծով ամենաազդեցիք խորհրդականներից է եղել, և առհասարակ Ռուսաստանում քաղաքական էլիտայի կողմից ամենաընկալելի հայ վերլուծաբաններից մեկն է։
🔴Անդրանիկ Միհրանյանը դեռ 2020 թվականի դավադիր պատերազմից առաջ էլ հանդիսանում էր Նիկոլ Փաշինյանի և նրա վարչակազմի ամենավառ քննադատներից մեկը։ Չէր խորշում խիստ, բայց փաստարկված կշտամբել վարվող հակահայ քաղաքականությունը, որի վերջնագիրը դարձավ Արցախի կործանումը։