Category: Infocom

🇦🇲🇮🇷 Փոխարտգործնախարար Վահան Կոստանյանը հանդիպել է Իրանի գերագույն առաջնորդի խորհրդական Քամալ Խարազիի հետ:
🔸 Ընդգծվել է ՀՀ տարածքային ամբողջականությունն ու սահմանների անքակտելիությունն անվերապահորեն հարգելու անհրաժեշտության վերաբերյալ Իրանի սկզբունքային դիրքորոշման կարևորությունը:
🔸 Կոստանյանը ներկայացրել է ՀՀ արտաքին քաղաքականության օրակարգային հարցերին ու տարածաշրջանային վերջին զարգացումներին առնչվող գործընթացների մանրամասները՝ ընդգծելով, որ ՀՀ վարած բալանսավորված արտաքին քաղաքականության շրջանակներում առանձնահատուկ կարևորվում է Հայաստանի հարաբերությունների շարունակական զարգացումը տարածաշրջանային գործընկերների՝ մասնավորապես Իրանի հետ:
[ՀՀ ԱԳՆ]

🗳 ԿԸՀ-ն այսօրվա նիստում որոշել է․
🔸 մարտի 30-ը նշանակել որպես Արմավիրի մարզի Փարաքար համայնքի ավագանու արտահերթ ընտրության անցկացման օր: Նախընտրական քարոզչության ժամանակահատվածն է մարտի 15-ից 28-ը ներառյալ։
🔸 Մհեր Սահակյանի մանդատը տրամադրել ԱԺ «Հայաստան» դաշինքի հերթական հաջորդ թեկնածու Արմինե Սամվելի Խերանյանին։

🌐 Գյումրիի լրագրողների «Ասպարեզ» ակումբի խորհրդի նախագահ Լևոն Բարսեղյանը գրառում էր կատարել՝ նշելով․ «ԱԱԾ աշխատակիցները փորձում են ինտերնետ պրովայդերներին պարտադրել գաղտնահսկող սարքերի գնումներ և տեղադրումներ պրովայդերի սարքերի շարքում, այնպես, որ իրենք ազատորեն իմանան, թե ինտերնետի բաժանորդներ, ՀՀ բնակիչների ինտերնետ թրաֆիկը (ուր են մտնում, ինչ են կարդում, դիտում և այլն) ինչ բովանդակություն ունի. հստակ տեսնեն և դիտարկեն, գաղտնահսկեն այսպես ասած»։
📌 Նրա խոսքով՝ տեղական ինտերնետ պրովայդերները (մատակարարները), հատկապես մարզերում գործողներն այս մասին չեն համարձակվում հրապարակավ խոսել։
🗣 Factor.am-ի հետ զրույցում ԱԱԾ-ից նշել են, որ «ենթադրությունները չեն մեկնաբանում»՝ չպատասխանելով այլ հարցերի, Դատախազությունից էլ հայտնել են, որ «այս պահի դրությամբ պատշաճ հաղորդում և ուսումնասիրություն առկա չէ»։

❄️ Հանրապետության ողջ տարածքում այսօր գիշերը սպասվում է ձյուն։ Որոշ հատվածներում սպասվում է բուք, կան փակ և դժվարանցանելի ճանապարհներ։
❗️ ՀՀ ՆԳՆ փրկարար ծառայությունը հորդորում է խստորեն պահպանել ճանապարհային երթևեկության կանոնները՝ հաշվի առնելով եղանակային պայմաններն ու ճանապարհածածկույթի վիճակը:
🚧 Առավոտվա դրությամբ փակ են «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։
🚛 Արտաշավան-Ծիլքար ավտոճանապարհը և Սպիտակի ոլորանները փակ են բեռնատարների համար։ Վարդենյաց լեռնանցքը (բուք է) դժվարանցանելի է կցորդիչով բեռնատարների համար։
🧊 Սյունիքի մարզի, Արտաշատ քաղաքի, Վեդիի, Ապարանի, Արագածի տարածաշրջանների, Երևան-Արտաշատ, Նոյեմբերյան-Իջևան և Բերդ-Ճամբարակ ավտոճանապարհներին տեղ-տեղ առկա է մերկասառույց։
🌨 Վայոց ձորի մարզում, Քաջարան քաղաքում, «Մեղրու սար» կոչվող հատվածում և Գորայք-«Զանգեր» ավտոճանապարհին տեղում է ձյուն։
🌫 Ապարան-Քուչակ և Ապարան-Նիգավան ավտոճանապարհներին բուք է:

🇮🇱 Իսրայելի իշխանությունները 90 պաղեստինցու են ազատ արձակել ռազմական բանտից. նրանց թվում նաև մեկ քաղաքական գործիչ և մեկ լրագրող կա:
📌 Al Jazeera-ն հայտնում է, որ ազատ արձակված պաղեստինցիներից մի քանիսը պատմել են իսրայելական բանտերում ծանր պայմանների մասին:
Լուսանկարը՝ AFP / Քասեմ Ջաաֆրան՝ մեկը 21 պատանիներից, որ ազատ են արձակվել իսրայելական գերությունից

📢 Արցախի Հանրապետության ղեկավարների նկատմամբ Ադրբեջանում սկսված «դատավարությունների» վերաբերյալ Հայ Ազգային Կոնգրեսը հայտարարում է.
🗣 «Մենք մեր անվերապահ աջակցությունն ենք հայտնում Արցախի նախկին ղեկավարներին եւ ապօրինաբար գերեվարված եւ Ադրբեջանում որպես պատանդ պահվող մեր մյուս հայրենակիցներին։
🔸 Դատապարտում ենք Հայաստանի հանրային դեբատում հնչող որեւէ մեղադրանք կամ քննադատություն, ուղղված «դատավարական» այս ներկայացման պայմաններում Ադրբեջանի ձեռքում պատանդ դարձած եւ խոշտանգման ենթարկվող մեր հայրենակիցների վարքի դեմ։
🔸 Անընդունելի է ԵԱՀԿ-ի Մինսկի Խմբի համանախագահ երկրների լռությունը եւ անգործությունը ԼՂ-ի գերեվարված ղեկավարների ճակատագրի հանդեպ։ Առավել անընդունելի է, սակայն, Հայաստանի իշխանությունների ակնհայտ եւ բացարձակ անտարբերությունը Արցախի գերեվարված ղեկավարների ճակատագրի վերաբերյալ։ Հայաստանը պարտավոր է հրապարակայնորեն բարձրացնել իր ձայնը ի նրանց պաշտպանություն, նրանց ազատման հարցը դարձնել հայ-ադրբեջնական հաշտեցման եւ խաղաղության հաստատման օրակարգի պարտադիր պահանջներից մեկը»։

🇦🇲🇹🇷 Հայաստանը Թուրքիային է արտահանձնել երկու անձի, որոնք Թուրքիայում ներգրավված են եղել կազմակերպված հանցավորության մեջ, այս մասին հայտնում է ՀՀ ԱԳՆ-ն: