Category: Infocom

🇷🇺 «Թրամփի ուղին» կարող է ազդել Հայաստանի՝ ԵԱՏՄ անդամակցության վրա, քանի որ հանրապետության տարածքով ապրանքների անցումը կարգավորվում է նաև ԵԱՏՄ օրենսդրությամբ. ՀՀ-ում ՌԴ դեսպան
📣 Կոպիրկինի խոսքով՝ առայժմ հայտնի է միայն նախագծի անվանումը, իսկ գործնական քայլերի մասին տեղեկություններ չկան. «Ռուսաստանի դիրքորոշումը կհստակեցվի, երբ նախաձեռնությունը ստանա կոնկրետ բովանդակություն», — ասել է դեսպանը։ |azatutyun.am|

⚖️🏠 Սևանա լճի ափամերձ տարածքներում ապամոնտաժվել է տարբեր անձանց կողմից ապօրինի կառուցված 20-ից ավելի շենք-շինություն:
📌 Դատախազությունից նշում են, որ հասցեագրվել է ևս 8 միջնորդագիր: Դրանք, ինչպես նաև դատարան ներկայացված հայցերը, ի թիվս այլոց, վերաբերում են.
🔸 «Հարսնաքար» հյուրանոցի վարչական համալիրին, քոթեջներին,
🔸ՀՖՖ նախկին նախագահ Ռուբեն Հայրապետյանի կողմից ապօրինի կառուցված Սևանի առանձնատանը,
🔸 Ոստիկանության նախկին պետ Վլադիմիր Գասպարյանի կողմից ապօրինի կառուցված Սևանի առանձնատանը,
🔸 Սեյրան Օհանյանի կողմից ապօրինի կառուցված Սևանի առանձնատանը։

🇺🇸 Իրանը, հնարավոր է, իրեն վատ է պահում, սա դեռ հաստատված չէ, բայց եթե հաստատվի, հետևանքներն ավելի լուրջ կլինեն, քան նախորդ անգամ։
📣 Այս մասին ասել է ԱՄՆ նախագահ Դոնալդ Թրամփը՝ նշելով, որ Իրանը լուրջ հետևանքների կբախվի, եթե շարունակի միջուկային ծրագիր մշակել։
🗣️ «Ես կարդացել եմ, որ նրանք զենք և այլ ռեսուրս են կուտակում։ Եթե դա ճիշտ է, ապա նրանք չեն օգտագործում նույն օբյեկտները, որոնք մենք ոչնչացրինք, այլ գուցե օգտագործում են այլ օբյեկտներ», — ասել է Թրամփը Իսրայելի վարչապետ Բենիամին Նեթանյահուի հետ համատեղ մամուլի ասուլիսում։

🇷🇺 🇺🇸 ՌԴ և ԱՄՆ նախագահները այսօր հեռախոսազրույց են ունեցել։
📌 Նրանք պայմանավորվել են շարունակել երկխոսությունը, այս մասին հայտնել է ՌԴ նախագահի օգնական Յուրի Ուշակովը։ |shantnews.am|

🇷🇺🇺🇦 ՌԴ ԱԳ նախարար Սերգեյ Լավրովը հայտարարել է, որ Կիևի վարչակազմը գրոհ է իրականացրել Նովգորոդի մարզում ՌԴ նախագահի նստավայրի ուղղությամբ։
🗣️ «Ուկրաինական կողմի այս քայլն անպատասխան չի մնա, պատասխան հարվածի թիրախներն ու ժամկետը հստակեցված են»,- հավելել է Լավրովը։
🔸 ՌԴ ԱԳ նախարարը նշել է, որ գործողությունը ձեռնարկվել է Ուկրաինայում իրադրության կարգավորմանն ուղղված բանակցություների ֆոնին։ |azatutyun.am|

🇬🇪 Վրաստանի ԱԳՆ-ն հայտարարել է, որ 2026-ի հունվարի 1-ից Վրաստան մուտք գործող բոլոր օտարերկրյա քաղաքացիները պարտավոր են ունենալ առողջության ապահովագրություն։
📃 Երկիր մուտք գործող յուրաքանչյուր զբոսաշրջիկ պարտավոր է ներկայացնել փաստաթուղթը ֆիզիկական կամ էլեկտրոնային տարբերակով, կազմված՝ վրացերեն կամ անգլերեն, իսկ ապահովագրական գումարը պետք է կազմի նվազագույնը 30․000 լարի։
🔸 Ապահովագրությունը պետք է գործի զբոսաշրջիկի Վրաստան մուտք գործելուց մինչև մեկնումը՝ նրա երկրում գտնվելու ողջ ժամանակահատվածի ընթացքում։ |iravaban.net|

🇦🇲🇹🇷 Հայաստանն ու Թուրքիան որոշում են կայացրել դյուրացնել վիզաների տրամադրման գործընթացը դիվանագիտական, հատուկ և ծառայողական անձնագրեր կրողների համար. ՀՀ ԱԳՆ
🗣 ԱԳՆ-ից նշում են, որ պայմանավորվածությունը ձեռք է բերվել Հայաստան-Թուրքիա հարաբերությունների կարգավորման գործընթացի հատուկ ներկայացուցիչների միջև։
📌 «2026թ. հունվարի 1-ից երկու երկրների դիվանագիտական, ծառայողական և հատուկ անձնագիր կրող անձինք կարողանալու են էլեկտրոնային վիզա (e-visa) ստանալ անվճար:
🔸 Այս առիթով Հայաստանն ու Թուրքիան ևս մեկ անգամ վերահաստատում են իրենց հանձնառությունը՝ շարունակելու երկու երկրների միջև կարգավորման գործընթացը՝ նպատակ ունենալով առանց որևէ նախապայմանների հասնել լիարժեք կարգավորմանը», — նշված է հայտարարության մեջ: