Category: Infocom

🇸🇾 Հալեպում գիշերը բախումներ են տեղի ունեցել «Սիրիական ժողովրդավարական ուժերի» և քրդական ուժերի միջև. զոհեր և վիրավորներ կան:

🔸 Քրդերի գլխավորած «Սիրիայի դեմոկրատական ուժեր» կոալիցիան հայտարարել է, որ կառավարական ուժերն առաջինն են հարձակվել։ Telegram-ալիքների համաձայն՝ Իդլիբից զինյալներ են ժամանել նրանց օգնելու համար։
‼️ Syria TV-ի փոխանցմամբ՝ բախումներից հետո կողմերի միջև հրադադարի համաձայնություն է ձեռք բերվել:

✅ Երևանի ավագանին հաստատեց չզեկուցվող հարցերի փաթեթը, որը ներառում էր նաև Երևանում տեղական տուրքերի և տեղական վճարների 2026թ. դրույքաչափերը սահմանելու մասին նախագծերը:
💰 Այս նախագծերը ներառում են նաև այսպես կոչված «կարմիր գծերի» և տրանսպորտի վճարները, որոնք մնացել են նույնը, ինչ նախորդ տարի:
💬 Ընդդիմադիր խմբակցությունները առաջարկում էին նախագծերը դարձնել զեկուցվող, քաղաքապետ Տիգրան Ավինյանը մեկնաբանեց, որ տեղական տուրքերի և վճարների մասով որևէ փոփոխություն չի եղել, այդ պատճառով անհրաժեշտություն չկա զեկուցվող դարձնելու:
🗣 «Ազգային առաջընթաց» խմբակցության ղեկավար Արամ Թորոսյանն էլ նշեց, որ նշված նախագծերի արդյունքները քննարկելու համար միայն անհրաժեշտ էր դրանք զեկուցվող դարձնել:
📌 Միաժամանակ նշենք, որ Վերաքննիչ վարչական դատարանը մերժել է Երևանի ավագանու բողոքը՝ ուժի մեջ թողնելով վարչական դատարանի որոշումը, որով անվավեր էին ճանաչվել վճարովի ավտոկայանատեղիների վերաբերյալ ավագանու որոշման դրույթները:

🇹🇷 🛫 🇦🇲 Turkish Airlines-ը հաջորդ տարի կսկսի կանոնավոր չվերթներ իրականացնել Ստամբուլից դեպի Երևան։
🗣 Այս մասին X-ի իր միկրոբլոգում հայտնել է Հայաստանի հետ հարաբերությունների կարգավորման հարցերով Թուրքիայի հատուկ բանագնաց Սերդար Քըլըչը։
❗ «Եվս մեկ քայլ առաջ։ Այս անգամ մեր ազգային ավիափոխադրող Turkish Airlines-ը կսկսի ամեն օր Ստամբուլ-Երևան-Ստամբուլ չվերթներ՝ սկսած 2026 թվականի մարտի 11-ից»,- նշել է Քըլըչը։ |factor.am|

🇺🇸 🇦🇲 ԱՄՆ Կոնգրեսի Հայկական հարցերով խմբի համանախագահներ Գաս Բիլիրակիսը և Ֆրենկ Փալոնը Կոնգրեսին են ներկայացրել «ARMENIA Security Partnership Act» օրինագիծը, որի նպատակն է արգելել ԱՄՆ նախագահին շրջանցել 907-րդ բանաձևի սահմանափակումներն Ադրբեջանի նկատմամբ, քանի դեռ Ալիևի վարչակարգը չի իրականացրել հստակ և չափելի քայլեր՝ ուղղված Հայաստանի հետ կայուն խաղաղության հաստատմանը։
❗️Այդ քայլերի թվում են՝
🔸 բոլոր հայ գերիների և պատանդների անհապաղ և անվերապահ ազատումը,
🔸 ադրբեջանական զորքերի ամբողջական դուրսբերումը Հայաստանի ինքնիշխան տարածքից,
🔸 Արցախահայության վերադարձի իրավունքի իրացումը,
🔸 հայկական մշակութային և կրոնական ժառանգության պահպանության ապահովումը։
📌 Օրինագիծը նաև նախատեսում է ԱՄՆ անվտանգության աջակցության համապարփակ վերանայում ՀՀ-ի համար՝ ուժեղացնելու երկրի պաշտպանունակությունն ու զսպման կարողությունները, եթե Ադրբեջանը չկատարի նշված պայմանները։
[ՀՅԴ Հայ դատի կենտրոնական գրասենյակ] civilnet.am

📣 Փաշինյանը Սանկտ Պետերբուրգում մասնակցել է ԱՊՀ մասնակից պետությունների ղեկավարների ոչ պաշտոնական գագաթնաժողովին:
🗣️ Ողջույնի խոսքով հանդես է եկել ՌԴ նախագահ Վլադիմիր Պուտինը, կարևորել ԱՊՀ շրջանակում համագործակցության զարգացումն ու ընդլայնումը: ՌԴ նախագահը հույս է հայտնել, որ հաջորդ տարի ևս փոխգործակցությունը բոլոր ոլորտներում կընդլայնվի:
📌 Միջոցառումն անցկացվել է «Էրմիտաժ» թանգարանային համալիրում:
[ՀՀ կառավարություն]

🚙 Դեկտեմբերի 24-ից Պարոնյան փողոցում՝ Պարոնյան — Ռուսթավելիի փողոցների խաչմերուկում (նախկին Դվին հյուրանոցի մոտ), Ռուսթավելիի փողոցի կողմից կարգելվի ձախ շրջադարձը:

Ընտանեկան տեխհսկողություն պետական գնումներում․ որդին վերահսկում է հոր շինարարությունը
Հայր և որդի Մարտիրոսյանները ակտիվ մասնակցում են պետական գնումներին։ Արտակ Մարտիրոսյանը իր ԱՁ-ով զբաղվում է տեխնիկական հսկողությամբ, իսկ հայրը՝ Համլետ Մարտիրոսյանը «Լուսի-Արեգ» ընկերությունով դիմում է պետական գնումների շինարարության մրցույթներին։
«Ինֆոքոմ»-ը 2 դեպք է նույնականացրել, երբ հայր և որդի մասնակցել են գնումներին, մեկը հաղթել է շինարարության մրցույթը, մյուսը՝ այդ նույն շինարարության տեխհսկողության մրցույթը։

#գիտարբուք Համո Սուքիասյանի հետ․ «Հայաստանի առաջին հանրապետությունը»
Պատմաբան, պատմական գիտությունների թեկնածու Համո Սուքիասյանը բանախոսության ընթացքում ներկայացրել է հետևյալ թեմաները․
— 1917 թվականի իրադարձությունները, Անդրկովկասի Դեմոկրատական Դաշնային Հանրապետության կարճ կյանքը,
— ինչո՞ւ էին հայերը խուսափում անկախություն հայտարարելուց, անկախացումն ու իշխանության մարմինների ձևավորումը
— հայ գործիչների՝ մեծ, բայց իրականությունից կտրված ոգևորությունը
— Առաջին հանրապետության սահմանային խնդիրները Օսմանյան Կայսրության, Վրաստանի, Ադրբեջանի հետ,
— խոսքի և մամուլի ազատության հարցը Հայաստանի առաջին հանրապետությունում։