Category: Infocom

🛤 Փաշինյանը նշում է երկաթգծի հատվածներ, որոնք կարող են հետ վերցվել ռուսական կառավարումից, եթե ներդրումներ չկատարվեն։
📣 Վարչապետի խոսքով՝ Հայաստանը պատրաստ է սեփական միջոցներով վերականգնել երկաթուղային ենթակառուցվածքների կարևոր հատվածները, եթե ռուսական կողմը պատշաճ ժամկետներում չիրականացնի այդ աշխատանքները։
🗣 «Մենք հիմա կարևոր ենք համարում, որ Տավուշի հատվածում, գոնե առաջին փուլում, մինչև Իջևան երկաթուղային կայարանը ներառյալ, վերականգնման աշխատանքներ իրականացվեն։ Վերականգնվեն նաև Ախուրիկի հատվածում Հայաստան-Թուրքիա սահմանից մինչև գործող երկաթուղային հատվածը, և Հայաստան-Նախիջևան սահմանից մինչև Երասխ հատվածը»,- ասաց վարչապետը։ |civilnet.am|

✅ Գործադիրն ընդունեց Լեռնային Ղարաբաղից բռնի տեղահանված անձանց աջակցության նոր և լրամշակված ծրագրերի փաթեթ:
🏘 Բնակարան ձեռք բերելու հավաստագրերին այլընտրանք է ստեղծվում այն ընտանիքների համար, որոնք ունեն խոցելի կարգավիճակ և չեն կարողանալու վարկային միջոցներ ներգրավել: Այդպիսի ընտանինքներին յուրաքանչյուր անդամի համար կտրամադրվի ամսական 40 000 դրամ վարձավճարի փոխհատուցում 10 տարի ժամկետով: Միաժամանակ, մեկ տարով կերկարաձգվի Երևանի Մոլդովական 29/1 հասցեի հանրակացարանում բնակվողների ժամկետը:
👨‍💻 Տնտեսական ինտեգրումն ապահովելու համար ներդրվում է նոր միջոցառում բնակարանային հավաստագրեր իրացրած, սակայն աշխատանք չունեցող արցախցիների համար: Ծրագիրը ներառում է բիզնես ուսուցում, 12-ամսյա մասնագիտական ուղեկցում և դրամաշնորհների տրամադրում՝ մինչև 2 միլիոն դրամ: Լրացուցիչ 1 միլիոն դրամի փոխհատուցում կնախատեսվի այն գործարարների համար, որոնք կապահովեն 18-ամսյա կայուն գործունեություն:
🗓 Մինչև 2026-ի դեկտեմբերի 15-ը երկարաձգվեցին կեցության և այլ ծախսերի համար տրամադրվող 40+10 հազար դրամ աջակցության ծրագրի դիմումների ներկայացման ժամկետը և տեղահանված անձանց ժամանակավոր պաշտպանության կարգավիճակ: դեկտեմբերի 31-ը: |civilnet.am|

⛪️ Գործադիրը հաստատեց որոշումը, որով առաջարկում է փոխել Մայր Աթոռին հող տրամադրելու կարգավորումը:
📌 Մասնավորապես՝ Հողային օրենսգրքում առաջարկվող փոփոխությամբ Մայր Աթոռին հողամասեր կտրամադրվեն անհատույց օգտագործման իրավունքով սեփականության իրավունքով տրամադրելու փոխարեն:
✅ Օրենքում փոփոխությունը առաջիկայում կքննարկվի խորհրդարանում:

🇦🇲🇺🇸🇦🇿 «Ադրբեջանի և Հայաստանի միջև պատերազմը կարող էր դառնալ սարսափելի աղետ, այն կանխվեց Վաշինգտոնում կնքված խաղաղության հռչակագրով»,- ասել է ԱՄՆ պետքարտուղար Մարկո Ռուբիոն՝ ամփոփելով տարվա արդյունքները
🗣️ Ռուբիոն եւս մեկ անգամ հայտարարել է, թե ԱՄՆ-ն կարողացել է կանխել և կարգավորել մի շարք միջազգային հակամարտություններ։ |armenpress.am|

🗳 Երևանի նախկին քաղաքապետ Հայկ Մարությանը «Նոր ուժ» կուսակցությամբ է մասնակցելու 2026 թվականին կայանալիք ԱԺ ընտրություններին։
🗣 «[Կուսակցությունն] ունի սոցիալ-դեմոկրատական ուղղվածություն, ինչը նշանակում է, որ մենք ուշադրությունը սևեռելու ենք սոցիալական խնդիրներին»,- ասել է նա ֆեյսբուքյան իր էջում հրապարակված տեսանյութում:

❗️ Վաղարշապատի նախկին համայնքապետ Դիանա Գասպարյանը հողամասն իրենն ու ընտանիքինը դարձնելու դիտավորությամբ որոշել է ձևական աճուրդի միջոցով օտարել այն։ Փոխկապակցված անձը ձևականորեն մասնակցել և 2022 թ․ կայացած աճուրդում հաղթող է ճանաչվել որպես միակ մասնակից:
⚖️ Արդյունքում՝ 189.200.000 ՀՀ դրամ շուկայական արժեք ունեցող գույքը ձևական առուվաճառքի պայմանագրով ավելի քան երեքուկես անգամ պակաս գնով՝ 51.975.000 ՀՀ դրամով, օտարվել է վերը նշված անձին՝ փաստացի դառնալով համայնքի ղեկավարի ու նրա ընտանիքի անդամների սեփականությունը:
📌 Գույքը Դ. Գ.-ի ամուսնու օժանդակությամբ ձևական առուվաճառքի պայմանագրերով վաճառվել է նրանց հետ փոխկապակցված այլ անձանց, հետո 63.500.000 ՀՀ դրամով վաճառել է Դ. Գ.-ի ամուսնու մորը։

📣 Հետագայում նշված գույքի մի մասի նշանակությունը փոփոխվել է, համայնքապետի մեկ այլ որոշմամբ բաժանվել է տարբեր հասցեների և տրամադրվել է բնակելի տների կառուցապատման թույլտվություն:
[Հակակոռուպցիոն կոմիտե]
🔗 Կարդալ ավելին

Թուղթ ու հավելյալ ճնշում՝ կյանքի դիմաց. մեքենաներում գազաբալոնների պայթյունների թիվը շարունակում է աճել
Նոյեմբերի 11-ին Արմավիրի գազալցակայաններից մեկում պայթեց «Գազել» բեռնատարի գազաբալոնը, ինչի հետևանքով տուժեց 2 քաղաքացի, վնասվեց կայանված 3 ավտոմեքենա։ «Ինֆոքոմի» տեղեկություններով՝ բեռնատարում եղել է թաքցված, չճնշափորձարկված երկրորդ բալոն, որն էլ պայթել է։ Դեպքի առթիվ նախաձեռնվել է քրեական վարույթ՝ անվտանգության կանոնների խախտման հոդվածով։
«Ինֆոքոմը» պարզել է, որ գազաբալոնների շահագործման վերահսկողության խստացումից հետո ոչ միայն չեն նվազել, այլ եռապատկվել են ավտոմեքենաներում տեղի ունեցող պայթյունները․ միայն 2025-ին արդեն գրանցվել է 23 դեպք։
Մինչ պատասխանատու մարմինները փորձում են նոր իրավակարգավորումներով վերահսկողությունը խստացնել, վարորդների մի մասը շարունակում է շահագործել չլիցենզավորված կամ գնված վկայագրերով գազաբալոններ՝ շրջանցելով անվտանգության նվազագույն պահանջները։

❄️ Երևանում դեկտեմբերի 27-28-ին սպասվում են տեղումներ, բարձրադիր գոտում ձյան տեսքով։
🌡 Օդի ջերմաստիճանն էապես չի փոխվի։
🌨 Դեկտեմբերի 26-ին, 27-ի գիշերը, 29-ի ցերեկը հանրապետության առանձին շրջաններում, 27-ի կեսօրից հետո, 28-ին շրջանների մեծ մասում սպասվում են տեղումներ, լեռնային և նախալեռնային գոտում ձյան տեսքով։
[«Հիդրոօդերևութաբանության և մոնիթորինգի կենտրոն» ՊՈԱԿ]