Category: Infocom

🇮🇷🇺🇸 Շվեյցարիայի Բյուրգենշտոկ քաղաքում ավարտվել է Միացյալ Նահանգների և Իրանի միջև բանակցությունների առաջին փուլը, հայտնում է Reuters-ը:
🔸 Բանակցությունները տևել են 1 ժամ 20 րոպե։ Բանակցություններին որպես միջնորդ կողմեր մասնակցել են նաև Պակիստանի և Կատարի ներկայացուցիչները:
🔹 Իրանական Tasnim գործակալության փոխանցմամբ՝ Իրանի պատվիրակության անդամները հանդիպման ընթացքում հրաժարվել են ձեռքսեղմումներից և համատեղ լուսանկարվելու արարողությունից: |civilnet.am|

🇮🇱 🇱🇧 Իսրայելցի զինվորականները ազատ են գործել առանց որևէ սահմանափակման՝ Լիբանանում սպառնալիքները չեզոքացնելու նպատակով, հայտարարել է Իսրայելի պաշտպանության նախարար Իսրայել Կացը։
🔻 Նա վերահաստատել է, որ ՑԱՀԱԼ-ը չի պատրաստվում լքել Լիբանանի հարավում 10 կիլոմետր ձգվող «անվտանգության գոտու» դիրքերը։
📌 Հրադադարի մասին համաձայնությունից ժամեր անց իսրայելական հարձակումից Լիբանանում նախօրեին առնվազն 20 մարդ է զոհվել, հաղորդել է Լիբանանի առողջապահության նախարարությունը: |azatutyun.am|

⚖️ Երեւան քաղաքի առաջին ատյանի ընդհանուր իրավասության քաղաքացիական դատարանը մերժել է Հանրային ռադիոյի նախկին տնօրեն Գարեգին Խումարյանի հայցն ընդդեմ Հանրային Հեռարձակողի Խորհրդի:
📌 Հիշեցնենք, որ Խումարյանը պահանջում էր 29.07.2024 թվականին Հայաստանի Հանրային հեռարձակողի խորհրդի նիստի շրջանակներում Հանրային ռադիոյի գործադիր տնօրենի թափուր պաշտոնի համալրման նպատակով անցկացված մրցույթում հաղթող ճանաչելու մասին որոշումը ճանաչել ոչ իրավաչափ: |aravot.am|

🇮🇷 Իրանի ԱԳՆ ներկայացուցիչ Էսմայիլ Բաղային հայտարարել է, որ Թեհրանի մասնակցությունը Շվեյցարիայում բանակցությունների նոր փուլին միտված է ապահովելու Իսլամաբադի փոխըմբռնման հուշագրի կատարումը՝ ընդգծելով, որ վերջնական համաձայնագրի շուրջ բանակցությունները չեն կարող սկսվել, քանի դեռ փաստաթղթի հինգ առանցքային կետերը չեն կատարվել, հայտնում է Tasnim-ը։
🔻 Նա նշել է, որ դա ներառում է առաջին կետը, որը վերաբերում է բոլոր ճակատներում, այդ թվում՝ Լիբանանում, պատերազմի դադարեցմանը։ |news.am|