Category: Infocom

🇦🇲🇷🇺 Հայ–ռուսական հարաբերությունները շարունակվում են: Ոչ Հայաստանն է իր տեղից հեռանալու, ոչ Ռուսաստանը:
🗣️ Մենք շարունակում ենք լինել ռազմավարական դաշնակիցներ: Բնականաբար, մենք ունենք նաև գործող պայմանագրեր: Կարող է և պետք է ունենանք սպասարկման պայմանագրեր: Սրանք հարցեր են, որոնցից ոչ ռուսական կողմը, ոչ մենք չենք խուսափում, և պետք է չխուսափենք։
[ՀՀ պաշտպանության նախարար Սուրեն Պապիկյան]|armenpress.am|

❗️ ՀՀ ԱԳՆ հայտարարությունը Բաքվում տեղի ունեցած ջարդերի 35-րդ տարելիցի կապակցությամբ․
📌 «Այս օրերին հիշատակվում է Բաքվում հայերի ջարդերի, էթնիկ զտումների և զանգվածային տեղահանությունների 35-րդ տարելիցը։ Մեկ շաբաթվա ընթացքում, ադրբեջանական կազմակերպված խմբերը լիակատար անպատժելիության միջավայրում և ադրբեջանական իշխանությունների թողտվությամբ ու աջակցությամբ, ինչպես նաև խորհրդային իշխանությունների լիակատար անգործության պայմաններում հայերի նկատմամբ իրականացրին զազրելի ոճրագործություններ:
🔸Հարգանքի տուրք մատուցելով Բաքվի ջարդերի զոհերի հիշատակին և վերապրածներին՝ Հայաստանը խորապես հավատում է, որ Հարավային Կովկասում կայուն խաղաղությունը միայն կարող է կանխել ապագայում մարդկության դեմ այսպիսի ոճրագործությունների կրկնությունը»:

🗣 Հայաստանի սահմանների անվտանգությունը պիտի երաշխավորենք մեր բալանսավորված քաղաքականությամբ․ Սուրեն Պապիկյանը՝ պատասխանելով հարցին, թե հայ-ամերիկյան ռազմավարական կանոնադրությունը որքանո՞վ կարող է երաշխավորել ՀՀ սահմանների անվտանգությունը։
🔸 «Դերը դնել միայն Զինված ուժերի վրա, դնել մեկ գործընկերոջ վրա, լուծում չէ։ Մենք համատեղ ջանքերով և նաև երկխոսությամբ պիտի լուծենք ծառացած խնդիրները», – ասաց նա։
❓ Լրագրողները նախարարից նաև հետաքրքրվեցին, թե որքանով է Սյունիքը պաշտպանված համարում՝ հաշվի առնելով, որ Ադրբեջանի ղեկավարը նախորդ շաբաթ կրկին «Զանգեզուրի միջանցքի» մասին խոսեց․
🔸 «Հռետորաբանությունը հռետորաբանություն, բայց ցանկացած ագրեսիայի համար պետք են հիմքեր։ Ես՝ որպես պաշտպանության նախարար, չեմ տեսնում, որ կան հիմքեր, որ տարածաշրջանը էսկալացվի, որովհետև յուրաքանչյուր պրոբլեմի մասով Հայաստանն ունի առաջարկներ և լուծումներ»։|azatutyun.am|

🇷🇺 ՌԴ փոխվարչապետ Ալեքսեյ Օվերչուկը հայտարարել է, որ վերջին տարիներին Հայաստանի առևտրի և տնտեսության աճը վկայում է, Հայաստանը ԵԱՏՄ-ի անդամակցության հիմնական շահառուն է։
🗣 Օվերչուկը նշել է, որ Ռուսաստանի մասնակցությամբ տնտեսական այդ դաշինքից «օգուտներն ակնհայտ են»։ Թվարկելով այդ «օգուտները»՝ Օվերչուկն առանձնացրել է «էներգետիկ և պարենային անվտանգության ապահովումը», «տնտեսության զարգացման համար կայուն պայմանների ստեղծումը», «առանց խոչընդոտների մուտքը հսկայական շուկա»։
🇪🇺 «Ունենք թարմ վիճակագրություն 11 ամիսների կտրվածքով․ Ռուսաստանի և Հայաստանի միջև առևտրաշրջանառությունը 11,6 միլիարդ դոլար է, ԵԱՏՄ-ի հետ՝ մոտ 12 միլիարդ դոլար։ Մինչդեռ առևտուրը [Հայաստանի] ԵՄ-ի հետ մի քանի անգամ քիչ է և նվազում է։ Սա այն է, ինչի մասին խոսում է տնտեսությունը և իրականությունը»,- հավելել է ՌԴ փոխվարչապետը։ |azatutyun.am|

🇦🇲🇷🇺 ՀՀ-ում ՌԴ դեսպանը կանչվել է ՀՀ ԱԳՆ․ նրան հանձնվել է բողոքի հայտագիր։
🗣 «2025թ. հունվարի 12-ին ՌԴ համառուսաստանյան պետական հեռուստատեսության եթերում թողարկված «Շաբաթվա լուրեր» հաղորդման առնչությամբ, որի ընթացքում հնչեցվել էին արհեստականորեն գեներացված խոսույթներ ՀՀ ինքնիշխանության և տարածքային ամբողջականության դեմ, հունվարի 15-ին ՀՀ ԱԳ նախարարություն է կանչվել ՀՀ-ում ՌԴ դեսպան Սերգեյ Կոպիրկինը: Հանդիպման ընթացքում դեսպանին է հանձնվել համապատասխան բողոքի հայտագիր»,- նշված է ԱԳՆ հաղորդագրության մեջ։

🇦🇲🌏 Հայաստանի կողմից վարվող բալանսավորված և բալանսավորման արտաքին քաղաքականությունը հասնում է իր առաջնային հանգրվանին:
🇹🇷 Թուրքիայի հետ ըմբռնման տեսանելի բազա է ձևավորված: 
🇦🇿 Ադրբեջանի հետ հարաբերություններում առկա բոլոր հարցերին ՀՀ-ն առաջարկել է կառուցողական լուծումներ: Ոչ թե առաջարկներ է արել, այլ լուծումներ է առաջարկել: Այս համատեքստում տարածաշրջանում էսկալացիաներ հրահրելու բոլոր ջանքերը զուրկ են լեգիտիմությունից և հիմքից, ինչը նշանակում է, որ տարածաշրջանը էսկալացնել չի հաջողվի:
🇷🇺 ՌԴ հետ մեր հարաբերությունները պրակտիկ են առավել քան երբևէ, առանցքում ունենալով կոնկրետ հարցեր՝ առանց էմոցիոնալ փաթեթավորման: Մենք նպատակաուղղված ենք այս հարաբերությունները զարգացնել փոխշահավետ համագործակցության և ինքնիշխանության հիման վրա:
🇪🇺 ԵՄ-ի հետ հարաբերությունները սերտ են առավել քան երբևէ, ինչն արձանագրվում է նաև Բրյուսելում: 
🇺🇸 ԱՄՆ-ի հետ մեկնարկում է ռազմավարական գործընկերություն:
[Նիկոլ Փաշինյանի ֆեյսբուքյան գրառումը]

⚖️ 2020 թ․ հոկտեմբերի 21-ին Քիմիկների զորամասի անձնակազմին մարտական առաջադրանքի ուղարկելուց առաջ ի՞նչ էր հայտնի հակառակորդի՝ Զանգելանում գտնվելու վերաբերյալ, եւ ինչո՞ւ է անձնակազմը Կիրի հանքում կանգնելու փոխարեն հասել Զանգելան՝ ընկնելով շրջափակման մեջ։ Այս եւ այլ հարցերի շուրջ դատարանում հարցաքննվեց փոխգնդապետ Աշոտ Ժամհարյանը։
🗣 Վերջինս հայտնեց, որ երբ տեղեկացել են քիմիկների շրջափակման մեջ ընկնելու մասին, ԳՇ պետի տեղակալ Անդրանիկ Մակարյանը հրամայել է, ամեն դեպքում, շարունակել իրենց խնդիրը։ Մինչդեռ ըստ մեղադրող դատախազի՝ ԳՇ պետ Օնիկ Գասպարյանը նշել է, որ նոր խնդիր է տվել՝ օգնության գնալ շրջափակման մեջ գտնվող անձնակազմին։ Վկան չկարողացավ պարզաբանել՝ ինչու այդ մասին տեղյակ չեն եղել կամ ինչու Մակարյանը դա չի հայտնել։
❗️ Ըստ մեղադրանքի՝ Մակարյանը, իր եւ ենթակա անձնակազմի կյանքին սպառնացող վտանգը չեզոքացնելու անձնական շահագրգռվածությունից ելնելով, տվել է «Նահանջ» հրաման՝ Օնիկ Գասպարյանին չզեկուցելով եւ հրաժարվելով օգնության հասնել իրենցից շուրջ 2 կմ այն կողմ շրջափակման մեջ մնացածներին։
📎 Կարդալ ավելին

Ովքեր և ինչպես 2025թ. պետք է ներկայացնեն եկամուտների տարեկան հայտարարագիր. ՊԵԿ
2024թ. հաշվետու տարվա համար հայտարարագիր են ներկայացնելու ՀՀ ռեզիդենտ հանդիսացող ՀՀ քաղաքացիների նոր խմբեր․
📍 2024թ. ընթացքում վարձու աշխատող համարված ՀՀ քաղաքացիները։
📍 2024թ. ընթացքում քաղաքացիաիրավական պայմանագրերի շրջանակում հարկվող եկամուտ ստացած ՀՀ քաղաքացիները։
📍 2024թ. դեկտեմբերի 31-ի դրությամբ պետական և համայնքային ծառայողները, հանրային պաշտոններ զբաղեցնող ՀՀ քաղաքացիները։
📍 2023թ. արդյունքներով 1 մլրդ դրամ և ավելի համախառն եկամուտ հայտարարագրած ՀՀ ռեզիդենտ առևտրային կազմակերպությունների՝ 2024թ. դեկտեմբերի 31-ի դրությամբ մասնակից (բաժնետեր, փայատեր, անդամ) ՀՀ քաղաքացիները։
📍 «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով իրական շահառու համարվող ՀՀ քաղաքացիները։
📍 2024թ. ընթացքում 20 մլն դրամ և ավելի փոխառություն ստացած ՀՀ քաղաքացիները (վարկը չի դիտարկվում որպես փոխառություն և 2024թ. ընթացքում 20 մլն դրամ և ավելի չափով վարկ ստացած (այդ թվում՝ հիփոթեքային) քաղաքացիները չեն ներառվում այս խմբում):
✅ Եկամուտների հայտարարագիրը քաղաքացիները ներկայացնում են տարեկան մեկ անգամ Ֆիզիկական անձանց էլեկտրոնային ծառայությունների միասնական համակարգի միջոցով, որը գործում է ինչպես վեբ տարբերակով, այնպես էլ բջջային հավելվածի միջոցով: