Category: Infocom

🇦🇲🇨🇳 Խոր ցավով տեղեկացանք Չինաստանում տեղի ունեցած երկրաշարժի մասին, որը հանգեցրել է զոհերի և ավերածությունների: Ցավակցություն ենք հայտնում զոհվածների ընտանիքներին և աղոթում ենք վիրավորների շուտափույթ ապաքինման համար:
[ՀՀ ԱԳՆ]

🇺🇸🇨🇦 ԱՄՆ նորընտիր նախագահ Դոնալդ Թրամփը, որն ընտրություններում հաղթելուց հետո բազմիցս հայտարարել է, որ ցանկանում է հարևան Կանադան միացնել ԱՄՆ-ին ու այն դարձնել երկրի 51-րդ նահանգը, Social Truth սոցկայքում հրապարակել է միավորված ԱՄՆ-ի և Կանադայի քարտեզը՝ ներկված ԱՄՆ դրոշի գույներով:
💬 Կանադայի վարչապետ Ջասթին Թրյուդոն էլ X-ում ասել է. «Ավելի շուտ դժոխքում ձյուն կգա, քան Կանադան կդառնա ԱՄՆ-ի մի մասը: Մեր երկու երկրների աշխատողներն ու համայնքները շահում են միմյանց ամենամեծ առևտրային և անվտանգության գործընկերը լինելուց»: |tert.am|

❗️Ադրբեջանի նախագահ Իլհամ Ալիևը հայտարարել է․ «Զանգեզուրի միջանցքը պետք է բացվի, և այն բաց կլինի: Ինչքան շուտ հասկանան սա, այնքան լավ»։
🗣 «Մենք խաղաղություն և համագործակցություն ենք ուզում Հարավային Կովկասում։ Հայաստանը չպետք է խանգարի մեզ։ Չպետք է գործեն որպես աշխարհագրական պատնեշ Թուրքիայի և Ադրբեջանի միջև»,- ասել է նա։

🇦🇲🇦🇿 Իլհամ Ալիևը պնդում է՝ Հայաստանին զինելը միայն նոր «լարվածության կբերի»:
🗣 Այս մասին Ալիևն ասել է հունվարի 7-ին տեղական հեռուստաալիքներին տված հարցազրույցում՝ հավելելով․ «Մենք սա չենք ուզում: Մենք խաղաղություն ենք ուզում»
🔸 Նրա խոսքով Հայաստանը «սպառնալիքի աղբյուր է տարածաշրջանի համար»։
🗣 «Հայաստանում ֆաշիստական պետություն է ձևավորվել։ Այդ ֆաշիզմը կոչնչացնի կա՛մ Հայաստանի ղեկավարությունը, կա՛մ մենք։ Այլ ելք չկա»,- ասել է Ալիևը։

❗️ Նիկոլ Փաշինյանն արտգործնախարարին հանձնարարել է գույքարել ԱԳՆ-ում առկա բանակցային թղթերը, և փաթեթի հնարավոր հրապարակումը Հայաստանի պետական անվտանգության շահերի դիտանկյունից քննարկելուց և գնահատելուց հետո որոշում կկայացվի այն հրապարակել/չհրապարակելու մասին: «Ազատության» հարցմանն ի պատասխան՝ փոխանցել են վարչապետի աշխատակազմից։
🗣 «Ակնհայտ է, որ երեք նախագահները իրենց ձեռքի տակ ունեն բանակցային բոլոր փաստաթղթերը, և եթե դրանցում կա իրենց ընթացիկ պնդումները հիմնավորող որևէ փաստ, անհասկանալի է, թե ինչու չեն հրապարակում։
🔸 Վարչապետ Փաշինյանը տարբեր ժամանակներում ունեցած իր հրապարակային ելույթներոմ բանավոր կերպով հրապարակել է բանակցային գործընթացի առանցքային դրվագները»,- Լևոն Տեր-Պետրոսյանի կոչին արձագանքելով՝ նշել են վարչապետի աշխատակազմից։
🔗 Կարդալ ավելին

Անչափահասի նկատամբ սեռական բռնության հոդվածով մեղադրանք է առաջադրվել մեկ անձի. անչափահասը ինքնասպանություն է գործել. Քննչական կոմիտե
⚖️ Ինֆոքոմի հարցին ի պատասխան կառույցից հայտնել են, 2024 թվականի դեկտեմբերի 21-ին անչափահասը՝ դեղահաբեր խմելու հետևանքով դեղորայքային թունավորում ախտորոշմամբ տեղափոխվել է Մուրացան մանկական ԲԿ: 2024 թվականի դեկտեմբերի 24-ին վերջինս մահացել է:
📌 Նախաձեռնվել է քրեական վարույթ՝ Քրեական օրենսգրքի 162-րդ հոդվածի 2-րդ մասի 2-րդ կետով (սպառնալիքի, դաժան վերաբերմունքի կամ արժանապատվությունը նվաստացնելու եղանակով անչափահաս անձին անզգուշությամբ ինքնասպանության կամ ինքնասպանության փորձի հասցնելը) և 187-րդ հոդվածի 2-րդ մասով (Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մարդու մահ կամ այլ ծանր հետևանք)։

🇨🇳 Չինաստանի հարավ-արևմուտքում՝ Տիբեթի ինքնավար շրջանում, տեղի ունեցած երկրաշարժի հետևանքով զոհերի թիվը հասել է 126-ի, վիրավորներինը՝ 188-ի:
📌 Այսօր՝ տեղական ժամանակով ժամը 09:05-ին, Տիբեթի ինքնավար շրջանի Շիգաձե շրջանի Թինգրի գավառի տարածքում 7,1 մագնիտուդով երկրաշարժ է տեղի ունեցել: Օջախը գտնվել է 10 կմ խորությամբ։ Երկրաշարժից հետո սեյսմոլոգները գրանցել են 49 հետցնցում։ |1lurer.am|

🚌 Քաղաքապետարանը ներկայացրել է, թե նախապես ինչ քայլեր է անհրաժեշտ ձեռնարկել, որպեսզի փետրվարի 1-ից պատրաստ լինեք օգտվելու հանրային տրանսպորտի ծառայություններից։
Transport.yerevan.am կայքի միջոցով կարող եք.
🔸 ծանոթանալ և ընտրել ձեզ և ձեր հարազատների համար ամենամատչելի տոմսային փաթեթները,
🔸 ստուգել արտոնության հասանելիությունը՝ մուտքագրելով ՀԾՀ-ն և ծննդյան ամսաթիվը,
🔸 արդեն այսօրվանից ձեռք բերել նոր տոմսային փաթեթը՝ այն կցելով ձեր ֆիզիկական բանկային կամ տրանսպորտային քարտին, որն ունի անհպում վճարման հնարավորություն։
🔈 Այն քաղաքացիների համար, որոնք համակարգչից կամ բջջային հեռախոսից օգտվելու դժվարություններ ունեն և արտոնությունների խմբի շահառու են, սկսած 08․01․2025թ․-ից ամեն օր՝ ժամը 10:00-ից մինչև 21:00-ն գործելու են Telcell ընկերության սպասարկման կետերը (հասցեները՝ transport.yerevan.am կայքում)։
🔗Կարդալ ավելին