Category: Infocom

Փոխգնդապետ Անդրանիկ Վերանյանն առայժմ հրաժարվեց դատարանում ցուցմունք տալ

📌 Փոխգնդապետ Անդրանիկ Վերանյանի վերաբերյալ արդեն 3 տարի դատարանում գտնվող եւ 4 դատավորի վարույթով անցած գործով այսօր մեղադրյալի հարցաքննության փուլն էր։ Վերանյանը, սակայն, հայտարարեց՝ այս փուլում հրաժարվում է ցուցմունք տալ։ Այս պատասխանը վրդովեցրեց զոհված զինծառայողների ծնողներին։
🔸 Դատավորն ու հանրային մեղադրողը պարզաբանեցին՝ ցուցմունք տալը ամբաստանյալի իրավունքն է, ոչ թե պարտականությունը․ նա կարող է այժմ օգտվել լռելու իր իրավունքից, իսկ ցանկացած այլ փուլում մտափոխվել եւ ցուցմունք տալ։
📌 Անդրանիկ Վերանյանը, հիշեցնենք, այն սպան է, որը 2020 թ․ հոկտեմբերի 9-ին Իշխանաձորի խաչմերուկում պատսպարված ինժեներասակրավորական վաշտի անձնակազմին մեքենաները նստելու եւ երթը շարունակելու հրաման է տվել՝ չնայած հակառակորդի՝ ԱԹՍ–ի առկայությանը։ Րոպեներ անց ԱԹՍ-ն հարվածել է մեքենային, ինչի հետեւանքով 18 զինծառայող զոհվել է, 3 անձ՝ վիրավորվել։ Նրա պաշտպան Նարեկ Գրիգորյանը դատարանին միջնորդեց դիմել ՀՀ ԶՈՒ ԳՇ՝ պարզելու՝ կա՞ ԱԹՍ–ի առկայության ժամանակ հրամանատարի գործողությունները սահմանող որեւէ իրավական ակտ թե՞ ոչ։

⚖️ Գլխավոր դատախազությունը պահանջ է ներկայացրել դատարանին՝ ՀՀ ոստիկանության պետական պահպանության գլխավոր վարչության նախկին պետ Վարդան Մինասյանից և նրան փոխկապակցված անձանցից բռնագանձել՝
🔸2 անշարժ գույք Երևան քաղաքում՝ ընդհանուր 766 միլիոն դրամ շուկայական արժեքով.
🔸 1 բնակարանի գնման իրավունք.
🔸 5 տրանսպորտային միջոց.
🔸 1 տրանսպորտային միջոցի շուկայական արժեք.
🔸 2 իրավաբանական անձանցում մասնակցություններ.
🔸 2 միլիարդ 150 միլիոն դրամ՝ որպես ապօրինի եկամտի մնացորդի և օրինական եկամուտներով չհիմնավորվող բարեխիղճ երրորդ անձանց փոխանցված դրամական միջոցների հանրագումար:

🚍 Մեկանգամյա տոմսերը սպառվում են ձեռքբերումից հետո 3 օրվա ընթացքում, և չի ենթադրվում, որ պետք է երկարաժամկետ լինեն մեկ ուղևորության դեպքում: Այս մասին ասաց Սուրեն Գրիգորյանը՝ անդրադառնալով տրանսպորտի QR կոդով տոմսերի ժամկետների կրճատմանն ու 3 օր սահմանելու ավագանու որոշմանը։
🗣 Նրա խոսքով՝ փետրվարի 1-ից՝ միասնական տոմսային համակարգին ամբողջովին անցնելուց հետո այդ խնդիրը կլուծվի, քանի որ մարդիկ երկարաժամկետ տոմսային պրոդուկտներ պետք է ունենան։
📌 Անդրադառնալով արտոնությունների փաթեթներին՝ Գրիգորյանը նշեց, որ արտոնություններից օգտվելու համար թոշակառուները պետք է ունենան Երևանի հաշվառում, իսկ ուսանողները՝ ոչ, քանի որ այս դեպքում կգործի ոչ թե Երևանում հաշվառված լինելու տրամաբանությունը, այլ Երևանի բուհում սովորելու:

🚌 Հանրային տրանսպորտի բոլոր ավտոբուսներում կտեղադրվի երկրորդ վալիդատոր․ Երևանի քաղաքապետի տեղակալ Սուրեն Գրիգորյան
🗣 «Հանրային տրանսպորտում ծանրաբեռնվածությունը որոշակի ժամերին բավականին բարձր է, և այս ուղղությամբ մենք շարունակաբար պետք է աշխատենք, որպեսզի նման իրավիճակ չունենանք: Վալիդատորների պահեստային առկա թվաքանակը արդեն օգտագործվել է, դրանք տեղադրվել են MAN մակնիշի ավտոբուսներում և տրոլեյբուսներում: Իսկ արդեն փետրվար, մարտ ամիսներին նախատեսում ենք տեղադրման աշխատանքները շարունակել, քանի որ արդեն նոր վալիդատորների պատվերը իրականացված է»,- ասաց Գրիգորյանը: |armenpress.am|

🗣 «Արևմտյան Ադրբեջան»-ն Ադրբեջանի արևմտյան շրջաններն է, Հայաստանի տարածքն անվանել «Արևմտյան Ադրբեջան», արդեն իսկ խոսում է Հայաստանի տարածքային ամբողջականության նկատմամբ հավակնությունների մասին․ Արարատ Միրզոյան
🔸 Միրզոյանի խոսքով՝ Հայաստանը երբեք չի թաքցրել, որ Խորհրդային շրջանում Հայաստանում ապրել են ադրբեջանցիներ․ «ԽՍՀՄ-ի փլուզման ժամանակ նրանց ճնշող մեծամասնությունը հեռացել է բավականին քաղաքակիրթ ճանապարհով, օրինակ՝ 100 ընտանիք ուղղակի վաճառել է իր բնակարանը, բռնագաղթի կամ բռնի տեղահանության ժամանակ նման բան պատկերացնել հնարավոր չէ, 12 հազար ընտանիք կարողացել է փոխանակել բնակարաններն Ադրբեջանում ապրող հայերի հետ և 160 հազարից ավել մարդ ստացել է ՀՀ կառավարությունից փոխհատուցում, հետևաբար այստեղ իրավունքներն էլ են սպառված:
🔸 Կարող ենք զուգահեռ տանել Ադրբեջանում ապրած շուրջ 500 հազար հայերի հետ (եթե Լեռնային Ղարաբաղն էլ հաշվենք), և հիշել նրանց ճակատագիրը, հիշել Բաքվի, Սումգայիթի ջարդերը: Այս ամենը փաստ է, արձանագրված փաստ»,- ասել է Միրզոյանը: |tert.am|

⚖️ Գլխավոր դատախազությունը պահանջում է Բերդ համայնքի նախկին ղեկավար Հարություն Մանուչարյանից հօգուտ ՀՀ-ի բռնագանձել՝
🏘 2 անշարժ գույք Տավուշի մարզում, 1 գույքի շուկայական արժեք,
🏦 1 չմարված ավանդի գումար.
💵 1 գույքի վարձակալության վճարները մինչև վճռի փաստացի կատարումը.
💰 26 միլիոն 844 հազար դրամ՝ որպես ապօրինի եկամուտների և միջոցների մնացորդ, 42 միլիոն 279 հազար դրամ, որը 2009-2022 թվականների ընթացքում չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել:

🇪🇺🇦🇿 Հարավային Կովկասում ԵՄ հատուկ ներկայացուցիչ Մագդալենա Գրոնոն ժամանել է Բաքու, հանդիպել Իլհամ Ալիևի հետ։ Այս մասին հայտնում է Ադրբեջանի նախագահի մամուլի ծառայությունը։
🗣 Ալիևը շեշտել է, որ Բաքուն շարունակում է ջանքերը՝ «Հարավային Կովկասում կայուն խաղաղություն և կայունություն ապահովելու համար» և ընդգծել, որ հայ-ադրբեջանական բանակցային գործընթացն ընթանում է երկկողմ մակարդակով։
🔸 Ադրբեջանական կողմի հայտարարության համաձայն` եվրոպացի դիվանագետն իր հերթին ընդգծել է «Եվրամիության և Ադրբեջանի միջև երկխոսության կարևորությունը»՝ հավելելով, որ «Ադրբեջանը կարևոր ներդրում է ունեցել Եվրոպայի էներգետիկ անվտանգության ապահովման գործում»:
📌 Պաշտոնական Բրյուսելը հանդիպման մասին առայժմ չի հաղորդել։ Նշենք, որ այս պաշտոնում Գրոնոն փոխարինել է Տոյվո Կլաարին։ |azatutyun.am|

🇦🇲🇮🇷 Իրանի ազգային անվտանգության գերագույն խորհրդի քարտուղար Ալի Աքբար Ահմադիանը հունվարի 8-ին կժամանի Հայաստան:
🗣 Այս մասին «Արմենպրես»-ին հայտնել է ՀՀ անվտանգության խորհրդի քարտուղարի օգնական, մամուլի հարցերով պատասխանատու Տաթևիկ Պետրոսյանը։
🇦🇿 Նշենք, որ Ալի Աքբար Ահմադիանն մեկնել է Ադրբեջան: Իրանական լրատվամիջոցների փոխանցմամբ՝ նա Հարավային Կովկաս կատարած տարածաշրջանային այցի շրջանակներում կհանդիպի նաև Իլհամ Ալիևի և Նիկոլ Փաշինյանի հետ։

💬 Քանի որ նախատեսված ժամանակահատվածում [Սնուփ Դոգի] համերգը չի կայացել, մենք արդեն իսկ գրությամբ դիմել ենք կազմակերպությանը, որպեսզի ամբողջ գումարը վերադարձվի բյուջե, ինչպես և նախատեսված էր։
[ԿԳՄՍ նախարար Ժաննա Անդրեասյան] |1lurer.am|

❗️Կարեն Գիլոյանը դադարեցրել է աշխատանքը որպես ԿԳՄՍ փոխնախարար։
🗣 Այս մասին ասուլիսի ժամանակ հայտնել է ԿԳՄՍ նախարար Ժաննա Անդրեասյանը։
📌 Ավելի վաղ Գիլոյանը «Սպուտնիկ Արմենիա»-ին հայտնել էր, որ Համաշխարհային հակադոպինգային գործակալության հիմնադրամի խորհրդի (WADA Foundation Board) անդամ է ընտրվել և հունվարի 1-ից անցելու է իր պարտականությունների կատարմանը ու չգիտի՝ հնարավոր կլինի փոխնախարարի աշխատանքի հետ համատեղել, թե ոչ։