Category: Infocom

🇺🇸🇷🇺 Ուկրաինայում խաղաղության ամերիկյան պլանի շուրջ ՌԴ-ԱՄՆ բանակցությունների արդյունքները հուսադրող չեն:
🤝 ՌԴ նախագահ Վլադիմիր Պուտինը երեկ ընդունել է ԱՄՆ նախագահի հատուկ բանագնաց Սթիվ Ուիթքոֆին՝ Նրանք 5 ժամ բանակցել են՝ Ուկրաինայում պատերազմը դադարեցնելու ամերիկյան պլանի շուրջ:
🇺🇦🗣 Բանակցությունների ընթացքում Ուկրաինայի նախագահ Վլադիմիր Զելենսկին հայտարարել էր, որ ամեն ինչ կախված կլինի Մոսկվայում կայանալիք բանակցություններից՝ վախ հայտնելով, որ ԱՄՆ-ն կարող է կորցնել հետաքրքրությունը խաղաղության գործընթացի նկատմամբ։
🇷🇺💬 ՌԴ նախագահի օգնական Յուրի Ուշակովը բանակցությունների ավարտից հետո ասել է, որ կողմերը չեն կարողացել փոխզիջման գալ ամենաբարդ հարցերից մեկի՝ տարածքային վեճերի շուրջ, և խաղաղությունը ո՛չ մոտ է, ո՛չ էլ հեռու. «Ուկրաինայի համար դեռևս փոխզիջումային ծրագիր չկա. որոշ ամերիկյան առաջարկներ ընդունելի են Ռուսաստանի համար, իսկ մյուսները՝ ոչ»: |azatutyun.am|
Լուսանկարում՝ Պուտին-Ուիթքոֆ հանդիպումը, 03.12.2025

❗ Որպես անհետ կորած որոնվում է 1983 թվականին ծնված Արմինե Մկրտումյանը։
📌 Նրա գտնվելու վայրի վերաբերյալ տեղեկություն ունեցողներին խնդրում ենք դիմել ոստիկանության մոտակա բաժին կամ զանգահարել 1-02։
[ՆԳՆ ոստիկանություն]

🇪🇺 Ըստ ԵՄ-ի՝ «Ռուսաստանն ու իր արբանյակները ապատեղեկատվական արշավներ են իրականացնում Հայաստանում խորհրդարանական ընտրություններին ընդառաջ»:
💰 Այս «մարտահրավերը հաղթահարելու» և մի շարք այլ նախաձեռնությունների համար ԵՄ-ն 15 մլն եվրո կտրամադրի Հայաստանին:
🗣  «Մենք տեսնում ենք նույն ցանցերը, որոնք օգտագործվել են Մոլդովայում, այսինքն՝ սցենարը նույնն է: ԵՄ ֆինանսավորումը կօգնի հայտնաբերել և արձագանքել նման ազդեցություններին»,- ՀՀ ԱԳ նախարար Արարատ Միրզոյանի և ԵՄ ընդլայնման հարցերով հանձնակատար Մարթա Կոսի հետ համատեղ ասուլիսի ընթացքում ասել է ԵՄ ԱԳԱՔ բարձր ներկայացուցիչ Կայա Կալասը: |armenpress.am|

🇪🇺🗣 ԵՄ ընդլայնման քաղաքականության հարցերով բարձր հանձնակատար Մարթա Կոսը Բրյուսելում հայ լրագրողների խմբի հետ հանդիպմանը ասել է.
🔻 «Թրամփի ուղի» նախագծի իրագործումը Հայաստանի և ԱՄՆ-ի պայմանավորվածությունն է։ ԵՄ-ն ԱՄՆ-ի հետ այդ հարցով քննարկումների մեջ է՝ աչքի առաջ ավելի լայն, ընդհանուր կապակցվածության պատկերն ունենալով։ Խոսքը Կենտրոնական Ասիայից դեպի Եվրոպա ճանապարհի մասին է: Սա ընդամենը 42 կմ ճանապարհ է: Մեզ համար շատ կարևոր է, որ ինչ էլ անենք, լինի ոչ միայն այս 42 կմ հատվածի մասին, այլև այն ամենի մասին, ինչ գնում է դեպի արևելք և ինչ գնում է դեպի արևմուտք, և դա արվի միաժամանակ:
🔻 Հայաստանի և Ադրբեջանի միջև խաղաղությունը շատ ավելին է, (…) այն տարածաշրջանային խաղաղության մասին է: Այդ իսկ պատճառով ես շատ դրական եմ տրամադրված: Դեռ պետք է, որ այս խաղաղության պայմանագիրը ստորագրվի, բայց մենք բոլորս, այդ թվում՝ ԵՄ-ն, պետք է անենք ամեն ինչ, որ ձեր երկիրը Հայաստանւը և Ադրբեջանը կարողանան ապրել խաղաղության մեջ:
🔻 Հայաստանում սպասվող խորհրդարանական ընտրություններին ընդառաջ, ԵՄ-ն պատրաստվում է 12 մլն եվրո աջակցություն տրամադրել Երևանին՝ օտարերկրյա տեղեկատական մանիպուլյացիայի և միջամտության դեմ պայքարի, կիբեռանվտանգության համար։

🇪🇺🚫✈️ Հայաստանյան գրանցում ունեցող օդանավերի թռիչքների արգելքը ԵՄ տարածքում պահպանվում է տեխնիկական, ոչ թե քաղաքական գործընթացների պատճառով: ԵՄ թռիչքային անվտանգության ցուցակից դուրս գալու համար Հայաստանը որոշ քայլեր դեռ չի կատարել։
🗣 Այս մասին Բրյուսելում հայ լրագրողների հետ հանդիպմանը ասել է ԵՄ ընդարձակման հարցերով հանձնակատարը Մարթա Կոսը՝ նշելով, որ Հայաստանի քաղաքացիական ավիացիայի կոմիտեի հետ կապի մեւջ են այս հարցով: |azatutyun.am|

🇦🇲🇪🇺 Այսօր Բրյուսելում կստորագրվի համագործակցության նոր՝ ՀՀ-ԵՄ գործընկերության ռազմավարական օրակարգի փաստաթուղթը։
✍️ Այն կստորագրեն ՀՀ ԱԳ նախարար Արարատ Միրզոյանն ու ԵՄ արտաքին գործերի և անվտանգության հարցերով բարձր ներկայացուցիչ Կայա Կալլասը ՀՀ-ԵՄ գործընկերության խորհրդի 6-րդ հանդիպմանը:
💬 ԵՄ ընդարձակման հարցերով հանձնակատար Մարթա Կոսը Բրյուսելում հայ լրագրողների հետ հանդիպմանը հայտնեց, որ ստորագրվելիք փաստաթուղթը մի քանի կարևոր, այդ թվում՝ անվտանգային, պաշտպանական բաղադրիչներ է ներառում, ինչպես նաև կողմերն ընդլայնելու են համագործացկությունը այլ ոլորտներում, մասնավորապես՝ տնտեսական. ԵՄ-ն աջակցելու է Երևանին տնտեսությունը դիվերսիֆիկացնելու ու ներդրումների հարցում։ |azatutyun.am|

⛪️ Ամենայն Հայոց Կաթողիկոսի հրավերով կգումարվի եպիսկոպոսաց ժողով․ Մայր Աթոռ
🗣 «Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի տնօրինությամբ, ի հետևումն նոյեմբերի 4-7-ի Գերագույն հոգևոր խորհրդի ժողովում տեղի ունեցած քննարկումների, դեկտեմբերի 10-12-ը հրավիրվում է եպիսկոպոսաց ժողով՝ քննության առնելու Հայաստանյայց Առաքելական Սուրբ Եկեղեցու շուրջ վերջին զարգացումները և ներեկեղեցական կյանքին առնչվող հարցեր»,- նշված է հաղորդագրության մեջ։