🇵🇦 Պանաման դուրս կգա Չինաստանի «Մեկ գոտի, մեկ ճանապարհ» նախագծից, որը նախատեսում է երկրների միջև համագործակցություն՝ Պանամայի ջրանցքն առևտրային նպատակներով օգտագործելու համար:
🗣 Այս մասին հայտարարել է երկրի նախագահ Խոսե Ռաուլ Մուլինոն ԱՄՆ պետքարտուղար Մարկո Ռուբիոյի հետ հանդիպումից հետո։
🇺🇸 Հիշեցնենք՝ ԱՄՆ նախագահ Դոնալդ Թրամփը մինչ ընտրվելը հայտարարել էր, թե ԱՄՆ-ն կարող է պահանջել վերադարձնել վերահսկողությունը Պանամայի ջրանցքի նկատմամբ, եթե դրա օգտագործման ընթացիկ պայմանները չվերանայվեն։
📌 Պանամայի ջրանցքը, որը շահագործման է հանձնվել է 1914թ., կառուցվել է ԱՄՆ կողմից և գտնվել է նրա վերահսկողության ներքո։ 1977թ. Տորիխոսի-Քարտերի պայմանագրով որոշվել է ջրանցքի փուլային փոխանցումը Պանամային, որն ավարտվել է 1999-ին: Այդ պայմանագիրը նախատեսել է ջրանցքի չեզոքությունը և դրա հասանելիությունը համաշխարհային առևտրի համար։