Category: Infocom

🤝 Պաշտպանության և անվտանգության ոլորտում կողմերը մտադիր են՝
🔹 ամրապնդել իրենց համագործակցությունը,
🔹 անցկացնել երկկողմ կանոնավոր պաշտպանական խորհրդակցություններ,
🔹 ուսումնասիրել համագործակցության ընդլայնման հնարավորությունը,
🔹 իրականացնել զանգվածային ոչնչացման զենքի և վտանգավոր տեխնոլոգիաների տարածման դեմ պայքարի ուղղությամբ նախաձեռնություններ,
🔹 խթանել համագործակցությունը՝ Հայաստանի անկախ ու արդյունավետ անվտանգային գործակալությունների ամրապնդման և բարելավման ուղղությամբ՝ այդ գործակալությունների կողմից Հայաստանի սահմանների նկատմամբ ամբողջական պատասխանատվությունը ստանձնելու նպատակով,
🔹 աշխատել նորարարական, անվտանգ և դիամակայուն թվային միջավայրի ուղղությամբ,
🔹 ստեղծել անվտանգ և գործուն մեխանիզմներ զգայուն տեղեկատվության փոխանակման համար։
📌 Նշվում է, որ ԱՄՆ-ն խրախուսում է Հայաստանի ջանքերը՝ զարգացնելու ներքին ռազմաարդյունաբերական կարողությունները և համագործակցությունը ԱՄՆ և Հայաստանի ռազմաարդյունաբերական համալիրների միջև։

📌 Ըստ ԹՐԻՓՓԻ վերաբերյալ համաձայնագրի «Արտակարգ իրավիճակներին արձագանքումը և ենթակառուցվածքների անվտանգությունը» հոդվածի՝
🔸 Կողմերը հաստատում են, որ Հայաստանը պահպանում է լիակատար իշխանություն Հայաստանի ինքնիշխան տարածքում, և որ Հայաստանի իշխանությունները գործելու նախապատվություն ունեն ԹՐԻՓՓ-ի իրականացման գոտիներում արտակարգ բոլոր իրավիճակների առաջացման դեպքում։
🔸 Կողմերը մտադիր են, որ Հայաստանն ունենա ԹՐԻՓՓ-ի իրականացման գոտիների ենթակառուցվածքների անվտանգության պլանները հաստատելու իրավունք։ Եթե այդ պլանները ներառեն մասնավոր անվտանգության աշխատակիցներին աշխատանքի ընդունում, ապա այդ աշխատակիցները պետք է ենթակա լինեն Հայաստանի կողմից լիցենզավորման։

📄 ՀՀ ԱԳՆ-ն հրապարակել է այսօր ստորագրված փաստաթղթերի տեքստերը:
📌 Ըստ ԹՐԻՓՓ-ի վերաբերյալ համաձայնագրի՝ կողմերն ընդունում են, որ Հայաստանը պահպանում է լիակատար ինքնիշխանություն և իրավազորություն իր սահմանների և մաքսային գործառնությունների նկատմամբ, պարտավորվում է ապահովել սահմանների արդյունավետ կառավարում և ունի իր սահմանային հսկողության բոլոր կետերում ֆիզիկական ներկայություն պահպանելու իրավունք։ Հայաստանը, իր ներպետական օրենսդրությանը և միջազգային համաձայնագրերին համապատասխան, շարունակում է պատասխանատու լինել և տրամադրել համապատասխան ենթակառուցվածքներ։
📌 Համապարփակ ռազմավարական գործընկերության կանոնադրության համաձայն՝ Հայաստանը և Միացյալ Նահանգները մտադիր են ամրապնդել իրենց պաշտպանական և անվտանգային համագործակցությունը։ Կողմերը մտադիր են ուսումնասիրել համագործակցության ընդլայնման հնարավորությունը՝ Հայաստանի փոխգործակցելիությունը զարգացնելու ու պաշտպանական կարողությունները ամրապնդելու ուղղությամբ։
📌 Ըստ կարևորագույն հանքանյութերի արդյունահանման վերաբերյալ հուշագրի՝ մասնակիցները մտադիր են ուսումնասիրել համագործակցության խորացման ուղիները, որպեսզի արագացնեն առաջադեմ տեխնոլոգիաների արտադրության համար անհրաժեշտ կարևորագույն հանքանյութերի ապահով մատակարարումը իրենց համապատասխան արդյունաբերական բազաների համար։

🇺🇸 Ավարտվեց Մարկո Ռուբիոյի Հայաստան այցը։
📣 Կարճատև այցով Երևանում գտնվող ԱՄՆ պետքարտուղարը փաստաթղթերի ստորագրումից հետո հայտարարեց․ «Մեր համագործակցությունը չի սահմանափակվում միայն TRIPP-ով: Մենք շարունակում ենք զարգացնել մեր համագործակցությունը տարբեր ուղղություններով: Մենք նաև համապարփակ ռազմավարական գործընկերության կանոնադրություն ենք ստորագրել, որը մեր երկկողմ հարաբերությունների շրջանակն է սահմանում, նոր ուղի է նախանշում, որից օգուտներ կստանան թե՛ հայերը, թե՛ ամերիկացիները։ Եթե պարզ ասեմ, մենք այն հիմնարար աշխատանքներն ենք անում, որոնք հիմք կհանդիսանան, որ հայերն ու ամերիկացիները տնտեսական հիմքեր ունենան միասին աշխատելու»։

📣 Մենք քիչ առաջ մեր ռազմավարական գործընկերությունը բարձրացրինք նոր մակարդակի՝ վերանվանելով այն համապարփակ ռազմավարական գործընկերություն․ Արարատ Միրզոյան
🗣 Նրա խոսքով՝ նոր փաստաթղթում նոր հնարավորություններ կան՝ արհեստական բանականությանը, այլ շատ ոլլորտների վերաբերող։ Միրզոյանը բարձր գնահատեց Թրամփի և նրա վարչակազմի նվիրվածությունը «Հարավային Կովկասում խաղաղության հաստատման գործում, Հայաստանի համար ոչ միայն անվտանգային, այլև տնտեսական նոր հնարավորությունների ստեղծման հարցում»։
📌 «Բոլոր պայմանավորվածությունները, որոնք մենք հիմա կյանքի ենք կոչում ստորագրությամբ, հետո նաև կտեսնենք գետնի վրա որպես իրականություն միանշանակ շահեկան են ՀՀ ահամար և աննախադեպ հնարավորություններ են բացելու մեր երկրի համար», — նշեց ՀՀ ԱԳ նախարարը։