Category: Infocom

🔥 Նոյեմբերի 29-ին, ժամը 18։59-ին տեղեկություն է ստացվել, որ Ուրասար և Կաթնաղբյուր բնակավայրերի միջակայքում նկատվել է ծուխ։
📌 Պարզվել է, որ այրվում է խոտածածկ տարածք։
🔸 Նոյեմբերի 30-ին Հրդեհաշիջման աշխատանքներին ներգրավված են մեծ թվով փրկարար ուժեր, էկոպարեկեր, «Լոռե» փրկարարական ջոկատի կամավորներ և բնակիչներ։
[ՆԳՆ փրկարար ծառայություն]

❗️⛪️ Ստամբուլի Սուրբ Աստվածածին հայկական հայրապետական եկեղեցում տեղի է ունեցել պատարագ՝ Հռոմի Լևոն XIV պապի մասնակցությամբ, որը Թուրքիա էր այցելել Նիկեայի Ա տիեզերական ժողովի 1700 ամյակի առիթով։
🗣 «Այս այցը ինձ հնարավորություն է տալիս շնորհակալութjուն հայտնելու Աստծո պատմության ընթացքին հայ ժողովրդի քաջարի քրիստոնեական վկայության համար, հաճախ՝ ողբերգական հանգամանքների մեջ», — ասել է Լևոն XIV-ը՝ Ն.Ա.Տ. Սահակ Բ. Պատրիարքի հետ հանդիպման ժամանակ։ Հռոմի Պապը նաև երախտագիտություն է հայտնել երկու եկեղեցիների մեջ տիրող եղբայրական կապերի համար:

🔥 Հրդեհ է բռնկվել Զանգեզուրի պղնձամոլիբդենային կոմբինատի արտադրական շինության տարածքում։
👨‍🚒 Հրդեհի բարդության «Թիվ 2» կանչով դեպքի վայր են մեկնել վեց մարտական հաշվարկ և երկու օպերատիվ խումբ։
📌 Ըստ նախնական տվյալների՝ հրդեհ է բռնկվել պահեստային շինությունում։ Հրդեհը մեկուսացվել է ժամը 19։50-ին։
[ՆԳՆ ՓԾ]

🇦🇲🇹🇷 Էկոնոմիկայի նախարար Գևորգ Պապոյանը Ստամբուլում հանդիպել է Թուրքիայի գյուղատնտեսության և անտառտնտեսության նախարար Իբրահիմ Յումաքլիի հետ։
🔸 Կողմերը քննարկել են Կարս-Գյումրի երկաթուղային հաղորդակցության վերաբացման հնարավորությունները, TRIPP ծրագրի միջոցով առաջացող տնտեսական, լոգիստիկ և առևտրային նոր հնարավորությունները երկու երկրների համար:
🔸 Անդրադարձ է կատարվել շուկաների դիվերսիֆիկացման, լոգիստիկ նոր ուղիների ձևավորման, փոխադարձ տնտեսական հետաքրքրությունների ընդլայնման հնարավորություններին։
🔗 Կարդալ ավելին

🇬🇪 Թբիլիսիում ձերբակալվել է «Լելո՝ ուժեղ Վրաստան» կուսակցության առաջնորդներից մեկը՝ Ալեկո Էլիսաշվիլին։
🗣 «Էլիսաշվիլիի ձերբակալման պատճառը դեռևս անհայտ է», — այս մասին հայտնել է նրա փաստաբան Գիորգի Ռեխվիաշվիլին։ Վերջինիս խոսքով՝ քաղաքական գործիչը տեղափոխվել է Թբիլիսիի ՆԳՆ գլխավոր գրասենյակ։ 
🔸Լրատվամիջոցների փոխանցմամբ՝ նոյեմբերի 28-ին Ալեկո Էլիսաշվիլին մասնակցել է Թբիլիսիում անցկացվող բողոքի ակցիային։ Նա նաև հետաքննվում է 2024 թվականի դեկտեմբերի 2-ին «Վրացական երազանք» կուսակցության համահիմնադիր Ալի Բաբաևի ծեծի գործով։ |armenpress.am|

❗️Նոյեմբերի 28-ին քաղաքացին հաղորդում է ներկայացնել, որ իր հարևան՝ Ալավերդու Ակներ թաղամասի բնակիչ 74-ամյա Լյովիկ Շ․-ն նախորդ օրվանից տուն չի վերադարձել։
📌 Ձեռնարկված օպերատիվ-հետախուզական միջոցառումների արդյունքում պարզել են, որ նոյեմբերի 27-ին՝ ժամը 18.00-ի սահմաններում, Լյովիկ Շ․-ն այցելել է իր հարևան 75-ամյա տղամարդու տուն, որտեղ կենցաղային վեճի արդյունքում հարևանը փայտե ձողով հարվածել է Լյովիկ Շ․-ի գլխին, ինչի հետևանքով նա մահացել է:
🔸 75-ամյա տղամարդը խոստովանել է արարքը, հայտնաբերվել է նաև հանցագործության գործիք հանդիսացող փայտե ձողը:Նախաձեռնվել է քրեական վարույթ։
[ՆԳՆ ոստիկանություն]

❗️Ուրբաթ օրը պայթյուններ են որոտացել Սև ծովում՝ Թուրքիայի Բոսֆորի նեղուցի մոտ, գտնվող երկու լցանավերի վրա. ինչի հետևանքով հրդեհներ են բռնկվել:
⛴ «274 մետր երկարությամբ Kairos-ը ուղևորվում էր Ռուսաստանի Նովոռոսիյսկ նավահանգիստ, երբ հաղորդվել է «արտաքին հարվածի» մասին, որի հետևանքոv հրդեհ է բռնկել թուրքական ափից 28 ծովային մղոն հեռավորության վրա», – հայտնել է Թուրքիայի ծովային գործերի վարչությունը։
🔸 Հայտնում են, որ Virat անունով մեկ այլ տանկեր ևս ենթադրաբար հարվածի է ենթարկվել՝ ափից 35 ծովային մղոն հեռավորության վրա, և դեպքի վայր են ուղարկվել փրկարարական ստորաբաժանումներ ու առևտրային մի նավ։
LSEG-ի տվյալներով՝ Kairos-ը և Virat-ը ներառված են այն նավերի ցանկում, որոնց վրա կիրառվել են Ռուսաստանի դեմ սահմանված պատժամիջոցները: |azatutyun.am|

❗️Մայր Աթոռ Սուրբ Էջմիածնի վարդապետաց դասը հայտարարություն է տարածել՝ ընդգծելով, որ եկեղեցու ներսում ծագած վարդապետական, կարգապահական ու կառավարման հարցերը պետք է լուծվեն բացառապես Սուրբ Հոգու ներշնչմամբ և Հայ Եկեղեցու կանոնական ընթացակարգերով, միաժամանակ հորդորելով հավատացյալներին չտրվել արտաքին ճնշումներին ու պահպանել միասնությունը։
🗣 «Գնահատելով ստեղծված իրավիճակը՝ անընդունելի ենք համարում եկեղեցու ներքին կառավարմանը աշխարհիկ իշխանությունների միջամտություններն ու սպառնալիքները։
📌 Անհանդուրժելի ենք նկատում իշխանական մեքենայությունների միջոցով բարձրաստիճան հոգևորականներին և քահանաներին թիրախավորելու և Ամենայն Հայոց Կաթողիկոսի գահազրկման օրակարգը սպասարկելու նպատակով եկեղեցու միասնականությունը պառակտելու ակնհայտ փորձերը», — ասված է հայտարարությունում։