Category: Infocom

🇪🇺🚫✈️ Հայաստանյան գրանցում ունեցող օդանավերի թռիչքների արգելքը ԵՄ տարածքում պահպանվում է տեխնիկական, ոչ թե քաղաքական գործընթացների պատճառով: ԵՄ թռիչքային անվտանգության ցուցակից դուրս գալու համար Հայաստանը որոշ քայլեր դեռ չի կատարել։
🗣 Այս մասին Բրյուսելում հայ լրագրողների հետ հանդիպմանը ասել է ԵՄ ընդարձակման հարցերով հանձնակատարը Մարթա Կոսը՝ նշելով, որ Հայաստանի քաղաքացիական ավիացիայի կոմիտեի հետ կապի մեւջ են այս հարցով: |azatutyun.am|

🇦🇲🇪🇺 Այսօր Բրյուսելում կստորագրվի համագործակցության նոր՝ ՀՀ-ԵՄ գործընկերության ռազմավարական օրակարգի փաստաթուղթը։
✍️ Այն կստորագրեն ՀՀ ԱԳ նախարար Արարատ Միրզոյանն ու ԵՄ արտաքին գործերի և անվտանգության հարցերով բարձր ներկայացուցիչ Կայա Կալլասը ՀՀ-ԵՄ գործընկերության խորհրդի 6-րդ հանդիպմանը:
💬 ԵՄ ընդարձակման հարցերով հանձնակատար Մարթա Կոսը Բրյուսելում հայ լրագրողների հետ հանդիպմանը հայտնեց, որ ստորագրվելիք փաստաթուղթը մի քանի կարևոր, այդ թվում՝ անվտանգային, պաշտպանական բաղադրիչներ է ներառում, ինչպես նաև կողմերն ընդլայնելու են համագործացկությունը այլ ոլորտներում, մասնավորապես՝ տնտեսական. ԵՄ-ն աջակցելու է Երևանին տնտեսությունը դիվերսիֆիկացնելու ու ներդրումների հարցում։ |azatutyun.am|

⛪️ Ամենայն Հայոց Կաթողիկոսի հրավերով կգումարվի եպիսկոպոսաց ժողով․ Մայր Աթոռ
🗣 «Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի տնօրինությամբ, ի հետևումն նոյեմբերի 4-7-ի Գերագույն հոգևոր խորհրդի ժողովում տեղի ունեցած քննարկումների, դեկտեմբերի 10-12-ը հրավիրվում է եպիսկոպոսաց ժողով՝ քննության առնելու Հայաստանյայց Առաքելական Սուրբ Եկեղեցու շուրջ վերջին զարգացումները և ներեկեղեցական կյանքին առնչվող հարցեր»,- նշված է հաղորդագրության մեջ։

❗️Նոր քրեական գործ է հարուցվել երրորդ բանակային կորպուսի նախկին հրամանատար, գեներալ-մայոր Գրիգորի Խաչատուրովի դեմ․ հայտարարվել է միջպետական հետախուզում։
📌 Գեներալ-մայորը մեղադրվում է կաշառք տալու և պատերազմի ժամանակ իշխանազանցության ու իշխանությունը չարաշահելու հոդվածներով:
🔸 Քննչականը գեներալին կալանավորելու միջնորդություն է ներկայացրել դատարան, որը, սակայն, մերժվել է: Այսինքն՝ Հայաստան վերադառնալուց հետո նրան չեն կալանավորի: Դատախազությունը կբողոքարկի այս որոշումը: |azatutyun.am|

❗️Պարտադիր ժամկետային զինծառայող Ն.Գ.-ին ինքնասպանության հասցնելու դեպքի առթիվ նախաձեռնված քրեական վարույթի նախաքննությունը ավարտվել է. ՔԿ
🔸Պարզվել է, որ Ն.Գ.-ն չի պահպանել մեկ այլ զինծառայող Ա.Ղ.-ին տրված՝ զինվորական ծառայության պարտականություններից չբխող և բացառապես վերջինիս ազդեցությամբ ու հեղինակությամբ պայմանավորված խոստումը, ինչի հետևանքով Ա.Ղ.-ն նվաստացրել է նրա պատիվն ու արժանապատվությունը: Արդձունքում զինծառայողը ինքնասպանություն է գործել՝ կախվելու եղանակով:
🔸Բացի այդ, Ա.Ղ.-ն մարտական հերթապահության ընթացքում թույլ տրված թերացումների համար պարտադիր ժամկետային մի քանի զինծառայողներից պարզաբանումներ է պահանջել, կատարված կարգապահական խախտումների համար բռնություն է գործադրել հինգ զինծառայողի նկատմամբ:
📌 Պարտադիր ժամկետային զինծառայողի նկատմամբ հարուցվել է հանրային քրեական հետապնդում։

📌 Ահազանգ է ստացվել, որ փլուզվել է Երևանի Շիրակի փողոցում գտնվող դաշնամուրի չգործող գործարանի արտաքին պատը։
📌 Ըստ նախնական տվյալների՝ մասամբ փլուզվել է եռահարկ շինությունը [տնտեսական ապրանքների և սննդի պահեստի հատվածը]․ կա տուժած։
[ՆԳՆ փրկարար ծառայություն]

❄️ Առավոտյան ժամը 09։00-ի դրությամբ՝ ձյուն է տեղում Արթիկի, Ճամբարակի, Տավուշի տարածաշրջաններում:
🌫 Ապարանի, Սպիտակի, Մասիսի, Արմավիրի, Գորիսի տարածաշրջանների ավտոճանապարհներին, Տիգրանաշենի և Դիլիջանի ոլորաններում և Մեղրիի լեռնանցքում մառախուղ է, տեսանելիությունը՝ 70-100մ:
🔸 Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
[Ճանապարհային դեպարտամենտ]