Category: Infocom

📣 Իջևանում պայթյուն է տեղի ունեցել․ 2 անձ շտապօգնության միջոցով տեղափոխվել է հիվանդանոց։
📌 Նախնական վարկածով պայթյունն առաջացել է հավաքած աղբն այրելու հետևանքով։ ՆԳՆ-ից հայտնել են, որ հաղորդումը ստացվել է ժամը 13։53-ին՝ հավելելով, որ կազմվում են համապատասխան փաստաթղթեր քննչական ուղարկելու համար։ |pastinfo.am|

Խմբային նվիրատվություններ ՔՊ-ին․ ովքեր են ֆինանսավորել կուսակցության գործունեությունը
«Ինֆոքոմը» ուսումնասիրել է «Քաղաքացիական պայմանագիր» կուսակցության 2024 թվականի հաշվետվությունը և պարզել, որ այդ տարի կառավարող ուժի գործունեությունը ֆինանսավորել են մի շարք պետական և ՏԻՄ մարմինների հետ միլիոնավոր դրամների պայմանագրեր կնքած, պետական արտոնություններից օգտված, ինչպես նաև կառավարող ուժի ներկայացուցիչներին փոխկապակցվող բիզնեսների ներկայացուցիչներ, կառուցապատողներ և այլք։
Ընդհանուր առմամբ 2024 թվականին նվիրատվություններից ստացված 139 միլիոն դրամի ավելի քան 80%-ը ձևավորվել է 1 միլիոն և ավելի դրամ նվիրաբերած 54 անձանց փոխանցումներից, որոնցից 31-ը նվիրաբերել են առավելագույն սահմանաչափով՝ 2․5 միլիոն դրամ։

🎓 Կաշառք ստանալու մեղադրանքով ձերբակալվել է Հայաստանի ֆիզիկական կուլտուրայի և սպորտի ինստիտուտի ամբիոնի վարիչ։
⚖️ Եվս 2 անձ ձերբակալվել է կաշառք ստանալուն օժանդակելու և կաշառք տալու մեղադրանքներով։ Նրանց նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բավարարվել են:
[Հակակոռուպցիոն կոմիտե] |1lurer.am|

🔥 Հրդեհներ Հայաստանում. որտեղ է հաջողվել մարել՝ ըստ ՆԳՆ-ի.
🔻 Գեղարքունիքի մարզի Մարտունու Սպիտակասարի հատվածում, Վարդենյաց լեռնանցքում, Լճաշենի բնակավայրի մոտակայքում, Զոլաքար բնակավայրին հարակից սարում,
🔻 Լոռու մարզի Սպիտակի Լեռնանցքի, Լեռնաջուրի, Արևաշող բնակավայրի հարակից սարում, Սարատովկա-Նովոսելցովո հատվածներում, Գոգարան և Սարալանջ բնակավայրերին հարակից սարում, Ուրասար և Ծաղկաբեր բնակավայրերի մոտակայքում,
🔻 Սյունիքի մարզի Իշխանասարի, Իշխանասար-Նորավանի հատվածներում, Քաջարանի Վերին Հանդ բնակավայրի մոտակայքում,
🔻 Կոտայքի մարզի Հրազդանի Մաքրավան թաղամասի «Ձորքաշ» կոչվող տարածքում,
🔻 Արագածոտնի մարզի Ապարանի ջրամբարի մոտակայքում։

‼️ Վերջին մեկ շաբաթվա ընթացքում փոշու թույլատրելի կոնցենտրացիան գերազանցվել է մինչև 4 անգամ Երևանի Կենտրոնում:
🔸 «Կենտրոն վարչական շրջանում նոյեմբերի 17-25-ը մթնոլորտային օդում փոշու կոնցենտրացիան գերազանցել է սահմանային թույլատրելի կոնցենտրացիան 1.4-4 անգամ: Հատկապես բարձր է եղել նոյեմբերի 21-ին և 25-ին՝ համապատասխանաբար 4 և 3.5 անգամ գերազանցելով թույլատրեի չափը:
🔸 Արաբկիր վարչական շրջանում՝ 1.1-1.6 անգամ,
🔸 Շենգավիթում միայն նոյեմբերի 25-ին՝ 1.2 անգամ,
🔸 Նոր Նորք վարչական շրջանում չի գերազանցվել»,- ասուլիսի ժամանակ հայտնել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գայանե Շահնազարյանը:

🚙 Ներկայումս Կենտրոն վարչական շրջան անձնական ավտոմեքենաների մուտքն արգելելու որոշում Երևանի քաղաքապետարանը չունի։
📣 Այս մասին հայտնել են քաղաքապետարանից՝ արձագանքելով Երևանի ավագանու «Մայր Հայաստան» խմբակցության անդամ Գևորգ Ստեփանյանի հայտարարությանը, թե քաղաքային իշխանությունը մտադիր է մինչև ընթացիկ տարվա վերջ արգելել սեփական ավտոմեքենաների մուտքը Կենտրոն վարչական շրջան։ |armenpress.am|